Juan 3:11 - Biblia Yanowamö

¹¹ Cafä nija ei ya wa̦ lä cui, bejedi lä ya wa̦. Yama tä lä daö wei yama tä a̦fa wäyäö. Yama tä lä möno wei yama tä a̦fa taö. Ö̦jö ma cui, yama tä a̦fa lä taö wei, wama tä a̦ bufiboimi dicowä.

Juan 3:11 Iomraidhean Croise

Isaías 53:1

Yama tä a̦ lä ji̦libole, ¡tä a̦ nö bejedi bufibobö mlajei! Jeobaa a nö lofote ö̦jöböamobä tä ma cule ma cui, bä bufi jaducäbloimi.

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Mateo 23:37

Jesús a wa̦ blajawä faö ja, abinaja Jelusaleteli bä nowa tama. —¡Shädayai, Jelusaleteli wamacö! Yai Bada a wa̦no wäyälewä wama bä lä shäö wei wamacö. Cafä wamacö nija Yai Bada tänö bä lä shömaö wei, maa mabänö wama bä lä shäyäö wei wamacö. Cadala bänö bä ijilubö ebä fe yojobou lä cuaaö wejeinaja, inaja showawä cafä showadi bämacö tabou bufi ma doblaono wei ma cui, camiyä nija wamacö nowamamou bufionomi dicowä.

Lucas 10:22

’¿Ö̦jö tawä? —a cuu nomöjöoma—. Jödödöwä täbä nija ya Bada läobä, Fayänö wale tablamalema. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui, wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö, ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduaje —a cuma.

Juan 1:11

Cama ebä cadidiwä nijamö a ma waloqueno wei ma cui ebä a̦ juonomi.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 14:24

Wale nofimaö lä mlajei bänö wale a̦ nofi cadidiboimije. ¿Ö̦jö tawä? Cafä wamacö nija ya tä a̦ lä wäyäle, camiyä ya wa̦ bädawämi, Fayänö wale lä shömöleno wei ya wa̦no taö.

Juan 3:12

Eja täbä lä cuaaö wei tä ja, bämacö yömölaö ma cule, wamale a̦ bejedi bufiimi waiquiwä. Fedu jamö wama tä möö lä mlai tä ja bämacö yömölaö ja, bei wamale a̦ bejedi bufiimi yaiquei —Jesús a cuma.

Juan 3:13

Abinaja e cuu co̦oma. —Fedu jamö a yanowamö lä ösölayono wei a cuami, wama a wa̦ ji̦liabä. Ö̦jamö lä ya cuoma ya lä itolayono wei ya lä cuinö ya tä shino li daö, ya lä yanowamöblaleyoluno wei ya lä cuinö.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 3:5

Abinaja Jesús e cuma. —Cafä nija ei ya wa̦ lä cui, bejedi lä ya wa̦. Mau u ma cuinö, Yai Bada tä Bufi ma cuinö, ö̦jö tänö a tablamou co̦o lä mlai a lä cui, Yai Bada tänö cama ebä ca̦i cuobä jamö a cuo daomi.

Juan 5:43

Fayänö wale ma shömöleno wei ma cui, wamale a̦ juaimi. Ai a lä cui, a juu bufi doblao lä bädao wei a lä cui, ö̦jö lä wama a wa̦ nia shino yai juaö.

Juan 7:16

Ö̦jö däjä, abinaja Jesúsnö bä nowa tama. —Ya tä a̦ lä wäyäö wei, camiyä ya wa̦ bädawämi. Wale lä shömöleno wei, ö̦jö lä ya wa̦no li wäyäö.

Juan 8:14

Abinaja Jesús e cuu mö feduoma. —Camiyä ya wa̦fa wäyämamou ma bädao wei ma cui, ya bejedimou. Ya cuo lä balöono wei tä ma cui, ya nia lä juu wei tä ma cui, ya tä malä dale. Ö̦jö ma cui, cafä wamacö lä cuinö, ya cuo lä balöono wei wama tä shino daimi. Ya nia lä juu wei tä ma cui, wama tä ca̦i daimi.

Juan 8:26

Cafä bämacö a̦fa tabä, bluca ya tä tabou. Bämacö jömabä tä bluca. Ö̦jö ma cui, wale lä shömöleno wei ya wa̦ fa ji̦lilänö, yanowamö täbä nija, ö̦jö lä ya wa̦ nia shi̦lo yai wäyäö. Ö̦jö a bejedimou —bä nowa tama.

Juan 8:38

Fayä nijamö ya tä lä möno wei ya tä a̦fa wäyäö. Inaja showawä, cafä wamacö yai lä fö̦ömou wei nija wama tä a̦ lä ji̦lileno wei, wama tä li taö dicoo —bä nowa tama.

Hechos 22:18

Wawädowä ya tä fa dalalönö, abinaja wale nowa tama. “Lobe wa fa shu̦luculonö, shomi jamö a da alufälö. Eja, Jelusale jamö wale a̦fa lä wäyäö wei tä a̦ bejedi nia bufiimije”, wale nowa tama.

2 Corintios 4:4

Bita jamö Sadanasi a bada lä bufiblamou wei a lä cuinö, ö̦jönö bä bufi mojodumabou. Dodijidawä tä a̦nö bä bufi wacacablou mlaobä cama etä a̦ li lämaö. Tä a̦ bejedi bufii lä mlajei, showadi inaja bä li taamaö, Cristo a nö doblao ö̦jöböaö mlaobeje. ¿Ö̦jö tawä? Yai Bada a cuwä lä dodijiinaja, Cristo a cua mö fedua.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.