Juan 21:7 - Biblia Yanowamö

⁷ Jesúsnö bä lä nocamabono wei ai e lä cui, a yai lä nofimano wei e lä cui, abinaja Pedro nija ö̦jö a cuma. —Casö jamö quiji a lä ublale, ¡Bada cätä! —a cuma. ¿Ö̦jö tawä? Bä yulimobä jamö, Pedro a lä didiono wei ecö camishi jayublaö ma waiquilayono wei ma cui, “Bada cätä”, a wa̦ cuu fa ji̦lilänö, a lucäa co̦a showadaaliyoma. Ö̦jö däjä, modu u jamö a quea showadabaliyoma, lobe a washölöblou balöobä.

Juan 21:7 Iomraidhean Croise

Marcos 11:3

Ai anö wafäcö wa̦lii bädao ja, “¿Wedi tä tabä, inaja wafäcö li cuaaö cufe?”, a cuu bädao ja, abinaja wafäcö cuu. “Bada anö a majöamaö bufii cublei. Lobe a nia co̦amaö co̦o cublei”, wafäcö cubä —Jesúsnö cäcöbö nowa tama.

Lucas 12:35

Abinaja Jesús a cuma. —Jai wamacö a̦ juo showadaobä, bä nö daa da cuicu. Camishi acadafu wama bä fa̦yocomabou showale wamacö nö daobä. Cowa wama wacö luamaö mlai wama tä i̦tabou showaobä.

Lucas 2:11

¿Ö̦jö tawä? Wamacö jucäamobä, bada tä David a jaba lä bälöono wei jamö, a oshe wawäblaliyo lä cufe. Yai Bada tänö a shömabä a lä yaileno wei, ö̦jö a Bada.

Lucas 7:47

’Ö̦jö cudeenö cafä bäfä nowa taö lä cule —a cuma—. Tä doblou lä mlai ya etä nowa bluca mladamaö yalo, ei a suwä lä cuinö wale nofimaö fe balojowä. ¿Ö̦jö tawä? Ö̦jö ma cui, Yai Bada tänö wiisibö etä nowa mladamaö lä buo wei, wiisibö a nia nofimaö bädao —Simón nija Jesús a cuma.

Juan 13:23

¿Ö̦jö tawä? Jesúsnö bä lä nocamabono wei ai e lä cui sho cäcöbö jö̦cöjöoma, a yai lä nofimano wei e lä cui sho.

Juan 19:26

Jesúsnö bä nöö e dalalema. A lä nocamabono wei ai e lä cui, e ca̦i ublao ajedeoma, a yai lä nofimano wei e lä cui. Cäcöbö fa dalalönö, abinaja bä nöö e nija a cuu balöoma. —Nabe, nabemi. Ijilufä wa nofi nö lä tabobö weinaja, miji wa nofi nia tabou —a cuma.

Juan 20:2

Ö̦jö tä fa dalalönö, tä a̦ wäyäbä a läläa co̦layoma. Simón Pedro a yömölajaloma, Jesúsnö bä lä nocamabono wei, ai a mö feduwä lä cui a ca̦i, a yai lä nofimano wei a lä cui. Abinaja cäcöbö nowa tama. —Bada tä nomawä lä maqueono wei täca jamö, a cuami tai. A nofi fa dälöjenö, a nomawä maquea lä nomöjöqueno wejei, yama tä daimi —cäcöbö nowa tama.

Juan 20:20

Inaja a fa cunö, Jesús cama bei imicö mömou wawädooma, bei leboco ca̦i. Ö̦jö däjä, cama ebä lä nocamabono wei bä lä cuinö, Bada a nö fa ö̦jöbölöjenö, bä bufi doblaloma.

Juan 20:28

Tomás abinaja e cuu mö feduoma. —¡Bada tä! Cafä bäfä shino yai bufiblabä wa.

Juan 21:20

Pedro a mö fa lacödalunö, Jesúsnö bä lä nocamabono wei, ai a yaua dalalema, a yai lä nofimano wei e lä cui. Bä lä iyano wei jamö, Jesús sho cäcöbö lä jö̦cöjöono wei, ö̦jö a cuoma. Jesús a wa̦lii däjä, “Bada tä. ¿Wedi jamö a lä cuinö wa nia nomojoliaö?” e lä cuno wei a lä cui.

Juan 21:24

¿Ö̦jö tawä? Ö̦jö a wa̦fa yai lä wäyämono wei a lä cui, Jesúsnö bä lä nocamabono wei ai e mö feduwä lä cui, camiyä Juan, ö̦jö lä bei ya e. Ei ya tä a̦fa bluca lä wäyäle, ö̦jö lä ya showawä. Camiyänö, ö̦jö bei ya tä a̦ bluca oniblaö lä cule. Ya tä a̦ lä wäyäle, yama tä a̦ bejedi daö.

Juan 21:8

Ö̦jö ma cui, cama ebä lä nocamabono wei ai bä lä cui, yuli bä befi ca̦i fa shaiboimajenö, bä befi ca̦i yanöcö washölöblou jälayoyoluma. Modu u casö ajede jamö, bä befi ca̦i malä ca̦ono wei.

Hechos 10:36

Camiyä Isaeli yama ecö nija tä a̦ lä shömöleno wei, wama etä a̦ ji̦libole cätä. Tä a̦ dodijidawä. Jesucristo a lä cuaano wei tänö, Yai Bada tänö yanöcöwä bämalecö ca̦i nia jo̦wa cuo. Ö̦jö Bada tä Jesucristo lä cui, bäma a nofi bluca Badabobä a.

Hechos 2:36

Isaeli wama ecö bufi bluca jaducublobä ya wa̦. Ö̦jö Jesús a lä cui, fii balitama defi ja wama a lä shämaleno wei a showawä lä cui, Yai Bada tänö Bada bei a yai tablamalema. A shömabä a lä yaileno wei, ö̦jö a —a cuma.

1 Corintios 15:47

Yanowamö a jaba lä cuono wei, mashita a ja a tablamolayoma. Coshi coshi bä ja a cuoma. A yanowamö lä nodiono wei, Cristo a lä cui, fedu jamö a li cuoma a.

2 Corintios 5:14

Yai Bada tänö yamalecö nofimaö fe balojowä yalo, showadi ö̦jö yama a wa̦ fuabä tä malä cule. Abenaja yamacö bufi yai cuu dodijia lä cule. Yanowamö täbä nia bluca lä nomaö wei jamö Jesucristo a nomaa läa waiquilayoma cudeenö, ö̦jö lija täbä bluca nomaa yädäa waiquilayoma.

Santiago 2:1

Iba wamacö. Bada tä Jesucristo a yai lä doblao wei wama a nofi mölabou yalo, yanowamö fe usucuwä wama bä nia nofimaö. Bä mömou ma wa̦lidii ma cui, bä mömou ma liyäjäi ma cui, fe usucuwä wama bä ca̦i dodijidawä cuobä.