Juan 21:22 - Biblia Yanowamö

²² Jesús abinaja e cuma. —Äyämö ya juu co̦o showao mlao däjä, ya demi tabou ojodao ja, ya nia tamabou. Cama a nia lä taamamou wei tä ja, a bufi cuaa dijä. Camiyä nija a yai da nocaicu —e cuma.

Juan 21:22 Iomraidhean Croise

Marcos 9:1

Abinaja Jesúsnö bä nowa ca̦i tama. —Cafä wamacö nija ei ya wa̦ lä cui, bejedi lä ya wa̦. Ai wamacö lä ublale, wamacö nomaö showaono mlai ja, Yai Bada tänö cama ebä nia ca̦i lä cuo wei wama tä lojode nia dablaö —Jesús a cuma.

Apocalipsis 2:25

Abinaja bä shino cuaabä. Ya waloo showao mlao däjä, bä bejedimou lä waiquio wei tä lä cui, ö̦jö tä shino yai cadidibou lojodoo showaobeje.

1 Corintios 4:5

¿Ö̦jö tawä? Ö̦jö cudeenö, täbä dobloimi jimaö shi jalimo dijejä. Bada tä Jesucristo a itou co̦oyoluu däjä, tä bluca nia wawäblou. Jai mö didi jamö tä ma jo̦yale ma cui, tä nia wawäblamaö. Täbä bufi cuaaö lä ja̦too wei tä ma cui, täbä bufi nia ca̦i wawädowä dablamaö. Ö̦jö däjä, täbä dodijaö jimamobä tä cua ja, cama Yai Bada a showawänö, täbä nia jimaö.

Apocalipsis 3:11

’Lobe ya nia juu co̦o —a cuma—. Ya waloo showao mlao däjä, bä bejedimou lä waiquio wei tä nofi cadidibou lojodoo showaobeje, camä bä nija ya tä nia lä jöbäö wei tä däaö cadidiobeje. Bä nia doblamaö lä mlajei, bä malä läle. ¿Ö̦jö tawä? Liyäjäwä täcö yojobobeje, iba ya bä nia dobäö.

Santiago 5:7

¿Ö̦jö tawä, iba wamacö? Bada tä nia lä juu wei, wamacö bufi yanöcölanö wama a nö dabobä, ö̦jö lä. Täbä lä ficalimou wei täbä lä cuinö, bufi yanöcölanö cama nii ebä malä bufibou wejei. Bä nia lä iyaö wei tä ja bä möladii. Maa a jaba lä quei wei a ma cui, a quei lä co̦o wei a ma cui, a nö dabou malä cujei, sibä badablobä.

1 Corintios 11:26

¿Ö̦jö tawä? Nii ya wa̦fa lä tafe a ja wamacö lä iyaö wei däjä, Bada tä Jesucristo a lä nomalayono wei wama tä malä jimaö wei. Ya tä a̦fa ji̦shöma lä tafe tä ja wama toubä lä coaö wei däjä ma cui, inaja showawä. Wama a nö dabolanö, inaja wamacö nia shi̦lo cuaadii.

Juan 21:19

Einaja a lä cuno wei, Pedro a nia lä shämono wei tä yai jömama, fii defi jamö bococu nia lä lelemabono wejei. A lä shämono wei tänö, Yai Bada tä nia doblao dablamama. Inaja a nowa fa talönö, —Camiyä nija a yai da nocaicu—e cuma.

Mateo 24:44

Ö̦jö cudeenö, cafä wamacö ma cui, showadi wamacö nö daobä, ö̦jö lä. Wamacö bufi cuu mlao däjä, camiyä ya lä yanowamöblaleyoluno wei ya nia malä bädou wei —a cuma.

Apocalipsis 22:20

Abinaja Jesús a cuma, ei täbä a̦ bluca lä wawämale a lä cui. —Ya nia juu co̦o jaödao —a cuma. —Awei, Bada tä Jesús —ya e cuma. —Wa juu co̦obä lä. ¡Inaja lä tä cuobä!

Apocalipsis 22:7

¿Ö̦jö tawä? Tä nö dedejeblou mlai ja ya nia juu co̦o —a cuma. Tä nia lä cublou wei, ei si jamö tä a̦ bluca oni cua. Ö̦jö tä a̦ oni nofi lä jaducubou wejei bä lä cui, bä bufi nia yai doblalou.

Apocalipsis 1:7

¿Ö̦jö tawä? Jesucristo a lä cuinö, ölajashi bä befi ca̦i nia waloo co̦oyoluu. Jödödöwä bä blucanö a nia dablaöje. A lä diquiano wejei bä bluca ma cuinö a nia ca̦i dablaöje. Ö̦jö a nowa ja, bita jamö bä jödödöwä lä bälöblai bä nofi fa jo̦lijonö bä a̦ nö nia quilili bleaaö. Einaja lä tä nia cuo dodijio. ¡Inaja lä tä cuobä!

Mateo 25:31

Abinaja Jesús a cuma. —Camiyä ya lä yanowamöblaleyoluno wei ya lä cui, ya shi̦i wacacawä jamö a̦jele ya bä ca̦i lä itole däjä, ya döcäobä täcö lä doblale jamö ya nia döcäo.

Mateo 24:27

Camiyä ya lä yanowamöblaleyoluno wei ya juu co̦o däjä ya nia juu ja̦toomi. Tä wacö ije ijemou däjä, mösö wawädoblou lä culenaja ya nia wawädowä dablamou.

Mateo 24:3

Oliba tä balöcö jamö Jesús a dolequea fa majöbofälönö, ö̦jamö a yami loo däjä, cama ebä lä nocamabono wei bänö a wa̦limaje. Abinaja bä cuma. —Wa tä a̦fa lä wäyäblei, ¿wedinaja tä nö yai fa cublalunö, bei tä nia yai wawäblou? Wa juu co̦o lä bufiole däjä, ¿wedi tä dodijiwänö yamacö li moyawäobä, tä nia lä jödödöblou wei tä lä cui tä ja? —bä cuma.

Mateo 8:22

Ö̦jö ma cui, abinaja Jesús e cuma. —Bufi nomawä, cama bä li nomawä didiayobä. Camiyä nija a nocaa da showadaiquiyo —e cuma.

Mateo 16:24

Ö̦jö däjä, bä lä nocamabono wei bä lä cui, abinaja Jesúsnö bä nowa tama. —Camiyä nija bä nia lä nocao wei bä lä cui, cama bä cuaaö bufi lä doblao wei tä ja, bä nia yai wasöo. Wale bufiije yalo, bä ma shäöje däjä bä nia ojode cuo fe yadio. Bä nia nocao fe yadio.

Juan 21:21

Pedronö ö̦jö a yaua fa dalalönö, abinaja Jesús nija a cuma. —Bada tä. Quiji a nodiaö lä jäimi, ¿wedinaja ö̦jö a nia li taamamou? —a cuma.

1 Tesalonicenses 2:19

¿Ö̦jö tawä? Bada tä Jesús a itou co̦oyoluu däjä, bämacö bufi doblalou ca̦i icuobä, cafä wamacö lija yamacö malä mölaö wei. Yamacö bufi ca̦i doblalobä, cafä bei wamacö. Yai Bada lija cafä wamacö bufi cuquema yalo, camiyä yamacö ma cui, yamacö nofi nia doablamou mö feduo malä cui.

Santiago 5:8

¿Ö̦jö tawä? Cafä wamacö ma cui, wamacö bufi ca̦i yanöcöwä cuo mö feduobä. Bä bufi da shalilo, Bada tä juu ajedewä malä cui.