Juan 20:9 - Biblia Yanowamö

⁹ Ö̦jö ma cui, Yai Bada etä a̦ oni jamö, Jesús a wa̦fa lä wäyäö wei tä a̦ ja, cäcöbö bufi jaducuo mlai ja, cäcöbö cuo showaoma. “Inaja lä a demi jocädou co̦obä lä”, cäcöbö bufi cunomi showawä.

Juan 20:9 Iomraidhean Croise

Salmo 16:10

Jeobaa wa lä cuinö, bä lä nomaö wei bä cuobä jamö ya fubä, wale noshi nia ö̦jödabou malä mlai. Camiyä wale lä yaileno wei ya lija ö̦jö wa tä nia dablamaimi.

Mateo 22:29

Abinaja Jesúsnö bä nowa taö nomöjöoma. —Yai Bada wama etä a̦ daimi yalo, wama etä lojode ca̦i daimi cudeenö, wamacö a̦ yacäblalodii lä cule.

Lucas 24:26

Yai Bada tänö a shömabä a lä yaileno wei a lä cui, a nö bleaamabeje etä cuo waiquioma. A demi jocädamaö fa co̦lonö, cama etä shi̦i lä doblaladi jamö a döcömabou nomöjöodayobä. ¿Ö̦jö tawä? —a cuma.

Lucas 9:45

Ö̦jö ma cui, cama a wa̦fa lä wäamono wei a wa̦ ji̦lia möblanomije. Yai Bada tänö tä a̦ nofi mojodumaboma, bä bufi jaducublou mlaobä. Tä a̦ ca̦i wa̦lii quilimaje.

Juan 2:22

¿Ö̦jö tawä? Jesús a fa nomalönö, a demi jocädou lä co̦layono wei däjä, cama ebä lä nocamabono wei ebä bufi jaducublaliyoma. Yai Bada tä yafibö a̦fa lä tamono wei tä nofi fa jaducubojenö, Yai Bada etä a̦ bejedi bufilemaje. Jesús a wa̦ bejedi ca̦i bufia showalemaje.

Hechos 17:3

Ö̦jö tä a̦ oni ja, Yai Bada tänö a shömabä a lä yaileno wei tä a̦ wawämama. A nö nia lä bleaano wei tä a̦ ma cui, a nia demi jocädou lä co̦ono wei tä a̦ ma cui, ö̦jö tä a̦ ja a wa̦ cadidiablalou ja, bä a̦ läobä etä cuonomi. Abinaja a cuma. —Cafä wamacö nija fei Jesús ya wa̦fa lä wäyäle, ö̦jö Yai Bada tänö a shömabä a lä yaileno wei a waiquiwä —a cuma.

Hechos 2:24

Ö̦jö ma cui, a ma shäleno wejei ma cui, Yai Bada tänö a jucäa fe yadilema. A ca̦i demi jocädamaö co̦layoma. A nomaö shi wa̦lijiobä a cuono malä mlai.

1 Corintios 15:4

Maa maca jamö a nomawä fe fa lacöjenö, bolacabö tä mö fa dödölönö, Yai Bada tänö a demi jocädamaö co̦layoma, tä a̦ oni lä cuno weinaja showawä.