Juan 20:22 - Biblia Yanowamö

²² Einaja a fa culunö, cama ebä nija a fa jolashicönö, abinaja bä nowa tama. —Yai Bada tä Bufi da taaleje.

Juan 20:22 Iomraidhean Croise

Génesis 2:7

Ö̦jö lä däjä, Jeobaa a lä bufiblamou wei a lä cuinö, mashita a fa jumöblalönö, yanowamö bei a tablalema. Ö̦jö däjä, a demi cuobä, bei fi̦yocacö fa jolashimanö, cama a fö̦shöacönö a demi cublaliyoma.

Juan 14:16

Fayä nija cafä bämacö nö bayeli fa nacalänö, cafä wamacö nija Bayeliawä ai a nia shömaö. Ö̦jönö wamacö ca̦i nia cuo shi wa̦lii.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 16:7

Wamacö bufi ma wa̦lidii ma cui, wamale a̦ da ji̦lilä. Bejedi lä ya wa̦. Ya nia lä co̦o wei tä ja, wamacö nia yai bayeliblamou. Ya co̦o mlao fa cunoja, cafä wamacö nija Bayeliawä a nö waloobö ma mlai ma cui, ya co̦o däjä, cafä wamacö nija ya nia shömadayou.

Juan 20:21

Ö̦jö däjä, —Bä bufi da yanöcöicu —a cuu co̦oma—. Fayänö wale lä shömöleno weinaja, cafä wamacö ma cui, bämacö shömaö mö fedua lä cule —a cuma.

Juan 20:23

Täbä doblou lä mlai, ai wama etä nowa taboimi ja, etä nowa nia cuomi. Wama etä nowa tabou showawä ja, etä nowa nia cudio —bä nowa tama.

Juan 7:39

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Hechos 10:47

—Camiyä judio yamacö nija Yai Bada tä Bufi lucäa lä culufenaja, fei bä ma cui nija, inaja a Bufi lucäa cua mö feduolaliyou lä cufe. Mau u ja bä fe ojoblamou showadaobä, bämacö a̦ läablalobä tä cuami waiquiwä —a cuma.

Hechos 19:2

Cama bä nija abinaja a cuma. —Jesucristo wama a bejedi lä bufileno wei däjä, ¿cafä wamacö nija Yai Bada tä Bufi lucäa showadalayoma daanö? —a cuma. —Ma —bä cuma—. Yai Bada yama tä Bufi a̦fa ca̦i ji̦liboimi.

Hechos 2:38

A wa̦ juo ja, abinaja Pedro a cuma. —Wedinaja mlai. Wa̦lidiwä tä ja, bä bufi da lädalu. Jesucristo nija wamacö bufi fa cuicunö, ö̦jö a wa̦nö, bä fe da ojomamo. Wamacö doblou lä mlai tä ma cule, tä nowa mladamabä. Inaja wamacö cublaliyo ja, cama Yai Bada tä Bufi ja, wamacö nia dobämamou.

Hechos 2:4

Inaja tä fa cuonö, Jesucristo bluca ebä nijamö, Yai Bada a Bufi fa jödödöblalunö, bä a̦ faö shomiblamalema. Yai Bada a Bufinö bä a̦ fa bädamanö, shomi bä caficö a̦ ja bä a̦ bluca fadou cuaama.

Hechos 4:8

Ö̦jö däjä, Yai Bada tä Bufinö Pedro a fa jödödöblalönö, a wa̦ juo shalilioma. —Bada wamacö lä läo wei wamacö. Wamacö bufi lä walalai wamacö ca̦i bada.

Hechos 8:15

Ö̦jamö cäcöbö fa waloicunö, Samaliateli bä nö bayeli nacaböma, Yai Bada a Bufi lucäbä.

Gálatas 3:2

Bämacö wa̦lii ojode. Cafä wamacö lija Yai Bada tä Bufi lä lucälayono wei tä lä cui, ¿wedi tä nowa ja bei a Bufi li lucälayoma? Moisesi etä a̦ ja wamacö cadidou yalo, ¿a Bufi li lucälayoma daanö? Mlaicätä. Jesucristo wama tä a̦ nofi mölaboma yalo a Bufi li lucälayoma.