Juan 20:21 - Biblia Yanowamö

²¹ Ö̦jö däjä, —Bä bufi da yanöcöicu —a cuu co̦oma—. Fayänö wale lä shömöleno weinaja, cafä wamacö ma cui, bämacö shömaö mö fedua lä cule —a cuma.

Juan 20:21 Iomraidhean Croise

Mateo 10:16

’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo.

Mateo 10:40

Abinaja Jesús a cuma. —Cafä dodijidawä wamacö co̦blamaöje ja, camiyä ma cui wale dodijidawä co̦blamaö mö feduoje. Inaja showawä, dodijidawä wale lä co̦blamaö wejei bä lä cuinö, wale lä shömöleno wei a ma cui, ö̦jö a ca̦i dodijidawä co̦blamaö mö feduoje.

Lucas 24:36

Ö̦jö tä a̦fa wäyäböö showao däjä, yedu cama Jesús a fa bädaliyonö, cama bä mötale jamö a ublaa damoa bädalaliyoma. —Bä bufi da yanöcöicu —bä nowa tama.

Juan 13:20

’Cafä wamacö nija ei ya wa̦ lä cui, bejedi lä ya wa̦. Ya bä lä shömaö wei bä lä cui, dodijidawä bä co̦blamaöje ja, camiyä ma cui wale dodijidawä co̦blamaö mö feduoje. Inaja showawä, camiyä dodijidawä wale lä co̦blamaö wejei bä lä cuinö, wale lä shömöleno wei a ma cui, ö̦jö a dodijidawä co̦blamaö mö feduoje —a cuma.

Juan 14:27

’Dodijidawä wamacö cuo juobä, bufi yanöcöwä tä ja bämacö dobäö lä cule. Camiyä ya bufi yanöcöwä lä culenaja wamacö bufi cuo mö feduobä. ¿Ö̦jö tawä? Yanowamö täbänö täbä bufi yanöcömabou daomije. ’Tä nia lä cublou wei tä ja, bä bufi nofi jushublao dijä —a cuma—. Bä quili dijä.

Juan 20:19

Jaba tä mö jalu cuoma, domingo tä lä cui. Tä mö jaba ji̦cocaö däjä, Jesúsnö bä lä nocamabono wei bä bluca dödöjöwä co̦camoma. Judio bä nö quili tamaje yalo, yocabä quefubomaje. Yedu Jesús a fa bädaliyonö, cama bä mötale jamö a ublaa damoa bädaalaliyoma. —Bä bufi da yanöcöicu —bä nowa tama.

Juan 20:22

Einaja a fa culunö, cama ebä nija a fa jolashicönö, abinaja bä nowa tama. —Yai Bada tä Bufi da taaleje.

Juan 20:26

Ö̦jö däjä, 8 tä mö didi fa cublalunö, ö̦jö a yano jamö, Jesúsnö bä lä nocamabono wei bä jilao co̦oma. Ö̦jö däjä Tomás a ca̦i co̦caoma. Yocabä ma quefufubono wejei ma cui, yedu Jesús a bädaleyoluma. A fa bädaliyonö, cama bä mötale jamö a ublaa fa wawädoblalunö, —Bä bufi da yanöcöicu —a cuma.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Hechos 1:2

a ösöö showao mlao däjä, a lä cuaano wei tä a̦ lä cui. ¿Ö̦jö tawä? Fedu jamö a co̦amamou showao mlao däjä, cama ebä nosiemaö balöoma, bä lä shömöleno wei bä lä cui. Yai Bada tä Bufinö a wa̦ fa cadidonö, bä nosiemama.

Hechos 1:8

Ö̦jö ma cui, cafä wamacö nija Yai Bada tä Bufi bälöo däjä, wamacö nö wa̦lojoblobä, wamacö nia bayeliblamou. Ö̦jö däjä, Jelusaleteli bä nija wamale a̦fa nia wäyäö. Judea jamö ma cui, Samalia jamö ma cui, wamale a̦fa wäyäö fa cuaaimadunö, täbä bälöo lä jödödole jamö ma cui, wamale a̦fa nia wäyäö cuaaö —a cuma.

2 Timoteo 2:2

Ya bä bluca da yömölablei däjä, cafänö wale a̦ mada ji̦liablei. Ö̦jö ya tä a̦ da wäyäblei, ai bä lija wa tä a̦ nia wäyäö fe dolemou, bä nia yai lä bejedimou wei bä lä cui bä lija. Tä a̦ wäyäö fe dolemou nomöjöobeje, bä yai lä cui bä lija.

Hebreos 3:1

¿Ö̦jö tawä, iba wamacö? Jesucristo ai ebä yaia lä culenaja, cafä wama ecö ma cui, wama ecö yaia cua mö fedua. Cafä wamacö ma cui, wamacö ca̦i cadidia mö fedulema. Jesús lija bä bufi da daeo, Yai Bada a wa̦no wäyäyolubä a lä shimöledayono wei a lä cui lija. Nofi bäyäalewä bäma a shi̦lo Bada bufibobä, ö̦jö Jesús a waiquiwä.

3 Juan 1:14

Bäfäcö dablayou fa jaödaonö, dodijidawä bäfäcö a̦ yai wayobä.