Juan 20:2 - Biblia Yanowamö

² Ö̦jö tä fa dalalönö, tä a̦ wäyäbä a läläa co̦layoma. Simón Pedro a yömölajaloma, Jesúsnö bä lä nocamabono wei, ai a mö feduwä lä cui a ca̦i, a yai lä nofimano wei a lä cui. Abinaja cäcöbö nowa tama. —Bada tä nomawä lä maqueono wei täca jamö, a cuami tai. A nofi fa dälöjenö, a nomawä maquea lä nomöjöqueno wejei, yama tä daimi —cäcöbö nowa tama.

Juan 20:2 Iomraidhean Croise

Juan 13:23

¿Ö̦jö tawä? Jesúsnö bä lä nocamabono wei ai e lä cui sho cäcöbö jö̦cöjöoma, a yai lä nofimano wei e lä cui sho.

Juan 19:26

Jesúsnö bä nöö e dalalema. A lä nocamabono wei ai e lä cui, e ca̦i ublao ajedeoma, a yai lä nofimano wei e lä cui. Cäcöbö fa dalalönö, abinaja bä nöö e nija a cuu balöoma. —Nabe, nabemi. Ijilufä wa nofi nö lä tabobö weinaja, miji wa nofi nia tabou —a cuma.

Juan 20:13

María nija cäcöbö a̦ faö ja, abinaja cäcöbö cuma. —¿Wedi tä ja bei wa wa̦ li dedeblalou cule? —cäcöbö cuma. —Ya nofi lä Badabou wei, a nomawä nofi fa dälöjenö, shomi jamö a maquea nomöjömaquemaje. Ö̦jö ya tä daimi yalo, ya bufi jo̦liblalou dodijia yalo ya wa̦ —a cuma.

Juan 20:15

Abinaja Jesús e cuma. —¿Wedi tä ja bei wa wa̦ li dedeblalou cule? ¿Wedi jamö a lä cui, bei wa li dayäö cuboyoi? —e cuma.

Juan 20:9

Ö̦jö ma cui, Yai Bada etä a̦ oni jamö, Jesús a wa̦fa lä wäyäö wei tä a̦ ja, cäcöbö bufi jaducuo mlai ja, cäcöbö cuo showaoma. “Inaja lä a demi jocädou co̦obä lä”, cäcöbö bufi cunomi showawä.

Juan 21:20

Pedro a mö fa lacödalunö, Jesúsnö bä lä nocamabono wei, ai a yaua dalalema, a yai lä nofimano wei e lä cui. Bä lä iyano wei jamö, Jesús sho cäcöbö lä jö̦cöjöono wei, ö̦jö a cuoma. Jesús a wa̦lii däjä, “Bada tä. ¿Wedi jamö a lä cuinö wa nia nomojoliaö?” e lä cuno wei a lä cui.

Juan 21:24

¿Ö̦jö tawä? Ö̦jö a wa̦fa yai lä wäyämono wei a lä cui, Jesúsnö bä lä nocamabono wei ai e mö feduwä lä cui, camiyä Juan, ö̦jö lä bei ya e. Ei ya tä a̦fa bluca lä wäyäle, ö̦jö lä ya showawä. Camiyänö, ö̦jö bei ya tä a̦ bluca oniblaö lä cule. Ya tä a̦ lä wäyäle, yama tä a̦ bejedi daö.

Juan 21:7

Jesúsnö bä lä nocamabono wei ai e lä cui, a yai lä nofimano wei e lä cui, abinaja Pedro nija ö̦jö a cuma. —Casö jamö quiji a lä ublale, ¡Bada cätä! —a cuma. ¿Ö̦jö tawä? Bä yulimobä jamö, Pedro a lä didiono wei ecö camishi jayublaö ma waiquilayono wei ma cui, “Bada cätä”, a wa̦ cuu fa ji̦lilänö, a lucäa co̦a showadaaliyoma. Ö̦jö däjä, modu u jamö a quea showadabaliyoma, lobe a washölöblou balöobä.