Juan 20:16 - Biblia Yanowamö

¹⁶ Ficali ca jamö a lä ojodamou wei a fa bufinö, abinaja e cuma. —Bada tä. Cafänö shomi jamö wa nomawä maquea nomöjömaquema ja, a jömöa da co̦bayo, ya co̦aö showadaobä —e cuma. Jesús abinaja e cuma. —María— e cuma. A wa̦fa jayublamolayou ja, María a mö lacöblaliyoma. Ebleo bä caficö a̦ ja, abinaja e cudaliyoma. —¡Tä a̦ wäyäle! —e cudaliyoma.

Juan 20:16 Iomraidhean Croise

Génesis 22:1

Tä nö fa dedeblalunö, Yai Bada tänö Ablaamö a bufi wabama. —¡Ablaamö! —a cuma. —¡Aö!

Génesis 22:11

A ma yalejedaleno wei ma cui, fedu jamö culanö, Jeobaa a wa̦ a̦jele bädaliyoma. —¡Ablaamö! ¡Ablaamö! —¡Aö!

Génesis 45:12

Abinaja José a ca̦i cuma. —Bei. Fääshäyä Bejamino wa lä cuinö, a̦iwä bluca wamacö ca̦i lä cuinö, fei däjä, wamale dablaö cadidia malä co̦le. Wamale a̦ ji̦liaö malä wawädole.

Éxodo 3:4

Jeobaanö a bao fa dalalönö, fii defi ja culanö, Yai Bada tä a̦ bädaliyoma. —¡Moisesi, Moisesi! —¡Aö!

Éxodo 33:17

Abinaja Jeobaa a cuma, Moisesi nija. —Wa lä cufenaja, ya cuaaö weicätä. Wale bufi malä doblamabole. Cafä bäfä li daö malä waiquile —a Jeobaa cuma.

Mateo 14:27

Bä ma quililaliyono wei ma cui, lobe bä quilii wasöblalema. —Bä bufi da lojododalu. Ei camiyä cä ya. Bä quili dijä —bä nowa tama.

Marcos 10:51

Abinaja Jesús e cuma. —¿Wedinaja bäfä li taamabä, bei wale li nacaa lälei? —e cuma. A lä jubäböono wei abinaja a cuma. —Bada tä. Ya täbä möbä, wale mamocu da dodijidablaliyo —a cuma.

Lucas 10:41

Ö̦jö ma cui, abinaja Bada tänö a nowa tama. —Ami, Marta. Wa bufi nofi jushublaa dicoa. Bluca täbä ja wa yabäcäablalou dicoa.

Juan 1:38

Jesús a mö fa yabadalunö cäcöbö yaua dalalema. Cäcöbö wa̦lii ja, abinaja a cuma. —¿Wedi bei wafä tä dayäö cule? —a cuma. —Tä a̦ wäyäle —cäcöbö cuma—. ¿Wedi bä nija bei wa li bälöblaa cule?

Juan 1:49

Nataniel abinaja e cuma. —Tä a̦ wäyäle. Cafä Yai Bada wa e Ijilubö waiquiwä. Isaeli bäma ecö nija wa Bada nia lä läo wei, ¡ö̦jö wa dodijiwä!

Juan 10:3

Ö̦jö a faö bufio ja, yoca lä jolemabou wei a lä cuinö e yoca caloblaö showadao. ¿Ö̦jö tawä? Oweja bänö ö̦jö a wa̦ ji̦lileije. Oweja bä a̦fa jayumalanö, sibo jamö bä lululefälöö.

Juan 11:28

Einaja a fa culunö, bä fääshä María a nacaö mö alayoma. Abinaja e wajado cuma. —Tä a̦ lä wäyäö wei a waloquei lä cufe. Cafä wa nacaö tai —e cuma.

Juan 13:13

Wamale a̦fa jayumaö ja, “Tä a̦ wäyäle”, wamacö cudou. “Bada tä”, wamacö ca̦i cudou, ¿ö̦jö tawä? Wamacö bejedimou. Ö̦jö ya malä cui.

Juan 20:28

Tomás abinaja e cuu mö feduoma. —¡Bada tä! Cafä bäfä shino yai bufiblabä wa.

Juan 3:2

Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 5:2

¿Ö̦jö tawä? Jelusaleteli bä shabonobö jamö, oweja yoca lä cule jamö mau uca cuoma. Ebleo bä caficö a̦ ja, Besada uca a̦fa jilabouje. Ö̦jö u casö jamö, yano bloque 5 maloco bä fe fa̦yooma.

Juan 6:25

Ai modu u mashi jamö a dablaöje däjä, abinaja bä cuma. —Tä a̦ wäyäle. ¿Fei däjä wa co̦bei cufe? —bä cuma.

Hechos 10:3

¿Ö̦jö tawä? Motoca a lä yajadodoblole däjä, Yai Bada tänö cama a̦jele etä fa shömöludunö, Conelionö wawädowä tä möma. Conelio a lä cule jamö a fa lucälönö, a wa̦ wawälayoma. —Conelio —a cuma.

Hechos 9:4

Ö̦jö däjä, a fa wäcäblaicunö, a wa̦ ji̦lia showalema. —Saulo, Saulo —a cuma—. ¿Wedi tabä wale nö bleaamaö dicoa cule?

1 Samuel 3:10

Ö̦jö däjä, Jeobaa a ublaa fa ajedeblaliyonö, Samuel lija a wa̦ faö co̦oma, a wa̦ jaba faö ja, a lä cuno weinaja showawä. —¡Samuel! —a cuma— ¡Samuel! Ö̦jö däjä, Samuel a wa̦ fuoma. —A wa̦ da fa. Cafä bä a̦ fuabä ya lä cuinö bä a̦ ji̦liaö lä cule —a cuma.

1 Samuel 3:6

Ö̦jö däjä, Jeobaa a wa̦ bädou co̦oma. —¡Samuel! Samuel a jocädou fa co̦lonö, Eli lijamö a icua co̦quema. Abenaja e cuma. —¿Wedi bei tä? Wale lä nacafe. Ö̦jö ma cui, abenaja Eli a cuu co̦oma. —U̦asi, bä nacanomi. A blaa da co̦icudu.