Juan 2:25 - Biblia Yanowamö

²⁵ Bä bluca daö waiquioma yalo, a mölanomi. Cama nija yanowamö täbä a̦fa wäyäbeje, tä cuono malä mlai. Cama a showawänö, bä jödödöwä daö malä showadaono wei.

Juan 2:25 Iomraidhean Croise

Mateo 9:4

Bä bufi cuu lä ja̦toono wei, Jesúsnö bä daö fa showadaonö, a wa̦ fama. —¿Wedi tä tabä, wa̦lidiwä tä ja wamacö bufi li cuaablalou dicoo?

Juan 1:42

Ö̦jö däjä, Jesús nija Simón a ca̦i juma. Ö̦jö nija Jesús a mamo fa showaicunö, a wa̦ ca̦i fama. —Jonasi bä ijilubö Simón wa e. ¿Ö̦jö tawä? Sefa wa wa̦fa ca̦i nia yädäo —a cuma. ¿Ö̦jö tawä? “Sefa”, a lä cudaliyono wei, “Pedro”, a yai cuma.

Juan 1:47

Jesúsinö Nataniel a waloo fa dalalönö, abinaja a cuma. —Fei a lä waloole, Isaeli nodiwä cä a yai. A jolemou daomi —a cuma.

Juan 13:11

A nia lä nomojoliano wei a malä dano wei. Ö̦jö cudeenö, “Moli ai wamacö lä cui a shino aumi”, a cuma.

Juan 6:61

Ö̦jö ma cui, Jesúsnö bä bufi jushujuwä ca̦i lä fano wei tä daö fa showadaonö, abinaja bä nowa tama. —Camiyä ei ya wa̦ ja, ¿wamacö nia ja̦amodou daanö?

Juan 6:64

Ö̦jö ma cui, cafä ai wamacö lä cuinö wamale a̦ bejedi bufiimi —bä nowa tama. ¿Ö̦jö tawä? Jaba däjä ma cui, a wa̦ bejedi bufii lä mlajei bä daö malä showaono wei. A nia lä nomojoliano wei a ca̦i.