Juan 2:24 - Biblia Yanowamö

²⁴ Ö̦jö ma cui, ö̦jö bä nija Jesús a mölanomi.

Juan 2:24 Iomraidhean Croise

Mateo 9:4

Bä bufi cuu lä ja̦toono wei, Jesúsnö bä daö fa showadaonö, a wa̦ fama. —¿Wedi tä tabä, wa̦lidiwä tä ja wamacö bufi li cuaablalou dicoo?

Marcos 2:8

Einaja bä bufi cuu lä ja̦toono wei Jesúsnö bä daö fa showadaonö, a wa̦ fama. —¿Wedi tä tabä, wamacö bufi li jö̦öjömou dicoa cube?

Juan 1:42

Ö̦jö däjä, Jesús nija Simón a ca̦i juma. Ö̦jö nija Jesús a mamo fa showaicunö, a wa̦ ca̦i fama. —Jonasi bä ijilubö Simón wa e. ¿Ö̦jö tawä? Sefa wa wa̦fa ca̦i nia yädäo —a cuma. ¿Ö̦jö tawä? “Sefa”, a lä cudaliyono wei, “Pedro”, a yai cuma.

Juan 16:30

Cafänö jödödöwä wa tä daö nö mlawä. Fei däjä, ö̦jö yama tä daö. Wa wa̦lii showao ma mlajei ma cui, cama bä bufi lä cuu wei, wa tä daö waiquiwä. Ö̦jö lä tänö yamacö bufi yai taamamou lä cule. Yai Bada nijamö wa cuoma wa lä waloqueyoluno wei tä lä cui, ö̦jö yama tä a̦ bejedi yai bufii lä cule —bä cuma.

Juan 21:17

Ö̦jö däjä, Jesúsnö 3 a wa̦lii co̦oma. —Jonasi ijilubö Simón wa lä cui. ¿Wale nofimaö da culanö? —e cuu co̦oma. ¿Ö̦jö tawä? “¿Wale nofimaö da culanö?”, 3 a cuu co̦o ja, Pedro a bufi nö bleaama. Abinaja e cuma. —Bada tä. Wa tä daö jödödöwä. Bäfä lä nofimaö wei wale daö —e cuma. —Wale nofimaö ja lä, iba oweja bä da iyama, ö̦jö lä.

Juan 4:16

Jesús abinaja e cuma. —Bei. Fe̦yalofä a da nacajalu, äyämö wa ca̦i juu co̦ima —e cuma.

Juan 5:42

Ö̦jö ma cui, cafä bämacö daö. Bei wamacö bufi yainö, Yai Bada wama a nofimaimi.

Juan 6:15

¿Ö̦jö tawä? Bada a yai tablamaö fe yadiobeje, a nabä juu lä bufiono wejei tä dama cudeenö, jefu a jamö a fe yami doleblaliyofälöma.

Juan 6:64

Ö̦jö ma cui, cafä ai wamacö lä cuinö wamale a̦ bejedi bufiimi —bä nowa tama. ¿Ö̦jö tawä? Jaba däjä ma cui, a wa̦ bejedi bufii lä mlajei bä daö malä showaono wei. A nia lä nomojoliano wei a ca̦i.

Hechos 1:24

Ö̦jö däjä, Yai Bada nija bä nö bayeli nacao ja, abinaja bä cuma. —Bada tä. Cafänö wa täbä bufi bluca yai lä daö wei, cafä wa. Ei cäcöbö nija wa yaiamaö lä bufile, camiyä yamacö nija a jömaö da cadido, ö̦jö a yai cuobä.

Hechos 15:8

¿Ö̦jö tawä? Yanowamö täbä bufi lä daö wei a Yai Bada lä cuinö, ö̦jö bä nija a Bufi fa jöbömoicunö, cama ebä jömaö wawädooma, camiyä bämacö nija a Bufi lä jöbömoqueno weinaja showawä.

Hebreos 4:13

Yai Bada lijamö a nia lä jo̦yao wei, moli ma cui a cuami waiquiwä. Täbä jödödöwä wawädobou. Ö̦jö a showawä lä cuinö bämalecö a̦ nö nia wäamaö.

Apocalipsis 2:23

Ö̦jö a suwä lä cui, bä ijilubö ya ebä nia shäö showadao, a wa̦ suwä lä juaö wejei bä lä cui, iba bä lä yododoblai bä bufi yai jaducublobä. Bä bufi lä cuaablalou wei ma cui ya tä daö. Bä bufi lä waiyou wei tä ca̦i. Bä lä cuaaö wei tä nowa lä cudalenaja ya tä nowa nia bluca co̦aö cuo.

1 Samuel 16:7

Ö̦jö ma cui, Samuel lija abenaja Jeobaa a cuma. —A mömou lä dodijidai tä ma cui ja, a lä yaläjäi tä ma cui ja, ö̦jö tä ja a möla dijä. Ya waii malä waiquii. Yanowamö täbänö bä möö lä cuaaö wejeinaja, camiyä Jeobaa yanö inaja ya bä möö cuaaimi. Bei bä sibosi li möö buoje. Bei bä bufi lä cui, camiyänö ya bä bufi yai li möö —a Jeobaa cuma.