Juan 2:22 - Biblia Yanowamö

²² ¿Ö̦jö tawä? Jesús a fa nomalönö, a demi jocädou lä co̦layono wei däjä, cama ebä lä nocamabono wei ebä bufi jaducublaliyoma. Yai Bada tä yafibö a̦fa lä tamono wei tä nofi fa jaducubojenö, Yai Bada etä a̦ bejedi bufilemaje. Jesús a wa̦ bejedi ca̦i bufia showalemaje.

Juan 2:22 Iomraidhean Croise

Salmo 16:10

Jeobaa wa lä cuinö, bä lä nomaö wei bä cuobä jamö ya fubä, wale noshi nia ö̦jödabou malä mlai. Camiyä wale lä yaileno wei ya lija ö̦jö wa tä nia dablamaimi.

Lucas 24:26

Yai Bada tänö a shömabä a lä yaileno wei a lä cui, a nö bleaamabeje etä cuo waiquioma. A demi jocädamaö fa co̦lonö, cama etä shi̦i lä doblaladi jamö a döcömabou nomöjöodayobä. ¿Ö̦jö tawä? —a cuma.

Lucas 24:44

Ö̦jö däjä abinaja bä nowa ca̦i tama. —Yai Bada etä a̦ oni ja ya wa̦fa lä tamou wei tä bluca wawäblobä cätä. Moisesi tä a̦ ma cui ja, Yai Bada a wa̦no wäyälewä bä a̦ ma cui ja, amowa bä a̦ ma cui ja, ö̦jö waiquiwä. Cafä bämacö ca̦i juu showao däjä, inaja ya mada cublei —bä nowa tama.

Juan 12:16

Ö̦jö tä lä cublaliyono wei tä ja, cama ebä lä nocamabono wei ebä bufi jaducublou showadaonomi. Ö̦jö ma cui, fedu jamö Jesús a lä doblaquedayono wei däjä, Yai Bada etä a̦ oni jamö, a wa̦fa lä wäyämono wei, tä a̦ nofi jaducudaö jälayomaje. Yai Bada etä a̦ oni jamö, a wa̦fa bluca wäyäö lä balöono wejeinaja, a yai bejedi taamamaje. Ö̦jö tä ja, bä bufi yai jaducublou jälayoma.

Juan 14:26

Ö̦jö ma cui camiyä ya wa̦nö, Fayänö Bayeliawä a nia shömaö, cama a Bufi showawä lä cui. Ö̦jö a lä cuinö, bluca tä lä cule tä ja wamacö nia yömölabodii juo. Cafä wamacö nija ya tä a̦ bluca lä wäyäno wei tä a̦ ja, wamacö bufi nia jaducuamaö juo.

Juan 16:4

’Bämacö yömölaö balöa lä cule. Inaja cama bä yai cuaaö däjä, ya bä a̦fa lä wäyäfe wama tä a̦ nofi jaducubobä. Jaba däjä inaja bämacö nowa taö showadaonomi. Bämacö ca̦i nia cudioma yalo, ya wa̦ faö jaöonomi. Fei däjä, wawädowä bämacö nowa taö lä cule.

Juan 2:11

Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Juan 2:17

Ö̦jö däjä, cama ebä lä nocamabono wei ebä lä cui, tä a̦ oni cuo lä balöono wei tä a̦ ja bä bufi möblaliyoma. Abinaja tä a̦ oni cuu. Afä ya tä yafi nofi lä jalubou wei tänö, ya bufi nia wajäblou jödödöo. Einaja tä a̦ oni cuu.

Juan 2:2

Jesús a ma cui, cama ebä lä nocamabono wei bä ma cui, ö̦jö bä bluca nacalemaje, cäcöbö nofi co̦camoabeje.

Hechos 11:16

Ö̦jö däjä Bada a wa̦ jaba lä fano wei, ya tä a̦ nofi jaducubou showadaoma. Abinaja a lä cuno wei. “Juan a lä cuinö, mau u ja bä fe ojomaö ja, mau unö bä jödödöblamama ma cui, Yai Bada tä Bufinö wamacö nia jödödöblaö cuo.” Einaja a cuma.

Hechos 13:33

camiyä bämacö lä nodiblaliyono wei bämacö nija tä a̦ bejedi cublaliyoma. ¿Ö̦jö tawä? Jesús a demi jocädamaö lä co̦layono wei ja, tä a̦ bejedi wawäblamalema, Amowa tä a̦ lä cuu weinaja showawä. Abinaja tä a̦ cuu. Ijiluyä bei wa. Fei däjä wawädowä iba bäfä nö yai ö̦jöböamaö lä cule. ’Einaja tä a̦ cuu —a cuma—.