Juan 2:19 - Biblia Yanowamö

¹⁹ Abinaja Jesús e cuma. —Ja̦o. Ei a yafi da wa̦lialöje, ö̦jö lä. Bolacabö tä mö didi fa cublalunö, ya yafi i̦tamaö co̦o wä —a cuma.

Juan 2:19 Iomraidhean Croise

Mateo 12:40

¿Ö̦jö tawä? Yuli busi jamö, Jonasi a didio däjä, bolacabö a fe didi lä cublaliyono weinaja, camiyä ya lä yanowamöblaleyoluno wei ya lä cui, inaja showawä ya fe nia didi cublou, mashita a cojomö jamö.

Mateo 16:21

Ö̦jö däjä, Jelusale jamö a nö nia lä bleaamano wejei tä a̦ ja, Jesúsnö bä lä nocamabono wei bä jaba yömölaö cuaama. Judio bada bä ma cuinö, nofi bäyäalewä bä blowäjäwä ma cuinö, Moisesi etä a̦ ja täbä lä damaö wejei bä ma cuinö, ö̦jö bänö a nö nia jo̦wa bleaamaö fe balojoomaje. A nia shämou cadidioma. Inaja a taamamobä, a cuo waiquioma. Ö̦jö ma cui, bolacabö tä mö fa dödölönö, a demi nia jo̦wa jocädou co̦oma.

Mateo 27:40

Abinaja ebä cuma. —¡Bei tawä! ¡Wa nö nia jo̦wa lä wa̦lojano wei! Yai Bada wa etä yafi fa wa̦lialönö, bolacabö tä mö didi fa cublalunö, ¡wa etä yafi nia i̦tamaö lä co̦ono wei, wa nofi lä cui! ¡Cafä a yai da bayeliblamolu, ö̦jö lä! Yai Bada wa Ijilubö waiquiwä ja, wa ma basule ma cui, ¡a da itolu! —ebä cuma.

Mateo 27:63

abinaja ebä cuma. —Bada tä. Quiji a lä jolemono wei a lä cui, a demöo showao däjä, abinaja a cuu dicoo cublelei. “Bolacabö tä mö didi fa cublalunö, ya nia jocädou co̦o”, a cuma.

Marcos 14:58

—Ei a lä cui, yama a wa̦ ji̦lilei cublelei. Abinaja a cuma. “Ei Yai Bada etä yafi lä cui, yanowamö bänö a yafi lä tablaleno wejei a lä cui, ya e yafi nia wa̦liaö. Ö̦jö däjä bolacabö tä mö didi cublou fa co̦lonö, ai ya yafi nia tablaö co̦o majöo, yanowamö bänö a yafi tablaö daö lä mlajei a yafi lä cui.” Einaja a cuu cublelei —ebä cuma.

Marcos 15:29

Ai bä lä cui bä jayuafälölanö a jömamaje. A nö ca̦i waiblamaje. Abinaja ebä cuma. —¡Bei tawä! ¡Wa nö nia jo̦wa lä wa̦lojano wei! Yai Bada wa etä yafi fa wa̦lialönö, bolacabö tä mö didi fa cublalunö, ¡wa etä yafi nia i̦tamaö lä co̦ono wei wa nofi lä cui!

Marcos 8:31

Ö̦jö däjä, cama a lä yanowamöblaleyoluno wei, Jelusale jamö a nö nia lä bleaamano wejei tä a̦ ja, Jesúsnö bä jaba yömölaö cuaama. Judio bada bä ma cuinö, nofi bäyäalewä bä blowäjäwä ma cuinö, Moisesi etä a̦ ja täbä lä damaö wejei bä ma cuinö, ö̦jö bänö a nö nia jo̦wa bleaamaö fe balojoomaje. A nia waimaje. A nia shämou cadidioma. Inaja a taamamobä a cuo waiquioma. Ö̦jö ma cui, bolacabö tä mö fa dödölönö, a demi nia jo̦wa jocädou co̦oma.

Juan 11:25

Abinaja Jesúsnö a nowa tama. —Täbä demi nia jocäcou lä co̦o wei, ö̦jö lä ei ya waiquiwä —Jesús a cuma—. Ba̦limi bä cuobä, camiyä ya showawä. Camiyä wale a̦ bejedi lä bufii wejei, bä ma nomaö wei ma cui, bä nia cudio fe yadio.

Juan 5:19

Abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada bei Ijilubö ya e lä cui, camiyä ya cuaaö bufi lä doblao wei tänö ya cuaaimi. Fayä a lä cuaaö wei ya tä möö yalo, inaja camiyä ya e ca̦i cuaaö mö fedua. Fayänö tä lä taö wei, bä Ijilubö ya enö ya tä cai̦ taö mö fedua. ¿Ö̦jö tawä?

Hechos 2:24

Ö̦jö ma cui, a ma shäleno wejei ma cui, Yai Bada tänö a jucäa fe yadilema. A ca̦i demi jocädamaö co̦layoma. A nomaö shi wa̦lijiobä a cuono malä mlai.

Hechos 2:32

Ö̦jö Jesús a lä cui, Yai Bada tänö a demi jocädamaö co̦layoma. Camiyä bluca yamacö mamocunö, yama a demi daa co̦lalei cublelei.

Hechos 3:15

¿Ö̦jö tawä? —a cuma—. Täbä lä demidamaö wei, wama a shäa dicomalema. Wama a ma shämaleno wei ma cui, Yai Bada tänö a demi jocädamaö co̦layoma. Camiyä yamacönö, yama a demi daa co̦lalema.

Hechos 3:26

Ö̦jö cudeenö, Yai Bada a wa̦ yai lä juaö wei a fa wawämalönö, cafä wamacö nija a shömöa balölema, wamacö doblou lä mlai tä ja, wamacö fe bluca fa dadomalönö, wamacö yai bayeliblamobä —a Pedro cuma.

Hechos 6:14

Yama a wa̦ malä ji̦lileno wei. Nasaleteli Jesús a lä cuinö, ei bei a yafi nia jo̦wa wa̦liaö. Moisesinö yamalecö taamaö lä bufino wei tä a̦ lä cui, ö̦jö bei tä a̦ nia jo̦wa shomiblamaö nomöjöo—bä cuma.

Romanos 4:24

camiyä bämacö ma cui bämalecö a̦fa ca̦i wayoaö mö feduo showaoma. Bada tä Jesús a demi jocädamaö lä co̦layono wei a lä cui, ö̦jö bäma a bejedi bufii yalo, bämalecö nofi ca̦i tabou mö feduo.

Romanos 6:4

¿Ö̦jö tawä? Bämalecö fa yädämacönö, Cristo a nomabä jamö bämacö nomaa yädälayoma. A nomawä lä didiqueno wejei jamö ma cui, bämacö ca̦i didio yädäoma, a demi lä jocädono wei tä jamö bämacö ca̦i yädäblou mö feduo showaobä. ¿Ö̦jö tawä? Bä Fö̦ö e lä doblale etä lofotenö a demi jocädamaö lä culayono weinaja, inaja showawä camiyä dude bämalecö ca̦i tablamaö mö fedulayoma, bämacö showadi lä cuaano wei bäma tä bufiblaö co̦o mlaobä.

Romanos 8:11

Jesús a demi jocädamaö lä co̦layono wei wama a Bufi tabou ja, wamacö ma nomaö wei ma cui, wamacö demi nia ca̦i jocädamaö co̦o. Cafä wamacö lija Yai Bada tä Bufi lä bälölenö, wamacö nia inaja taamaö.

1 Corintios 15:12

¿Ö̦jö tawä? Cristo a demi lä jocädaliyono wei tä a̦ ma wäyämou wei ma cui, ¿wedi tabä ai wamacö jolemou dicoo? Täbä lä mladou wei täbä nia jo̦wa dablou co̦daaimi.

Colosenses 2:12

Wamacö fe lä ojomamono wei däjä, Cristonö wamacö ca̦i nomawä lä didiodayono wei wama tä jimama. Wamacö bocäblou lä co̦ono wei däjä, camanö wamacö ca̦i demi lä jocädaliyono wei wama tä ca̦i jimaö mö feduo showaoma. ¿Ö̦jö tawä? Yai Bada tä lofotenö Cristo a demi lä jocädamaleno wei tä lä cui, ö̦jö wama tä a̦ bejedi bufilema yalo, inaja wamacö taamamou mö feduo showaoma.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.