Juan 2:11 - Biblia Yanowamö

¹¹ Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Juan 2:11 Iomraidhean Croise

1 Reyes 17:24

Abenaja Elia lija a suwä cuma. —Yai Bada wa e lä cui, fei däjä bä yai daö. Jeobaa wa wa̦no lä taö wei, fei däjä ya tä a̦ ca̦i bejedi daö —a cuma.

Éxodo 14:31

Jeobaanö, Ejidoteli bä nö bleaamaö fe lä balojoono wei tä dalalemaje, Isaeli ebä lä cuinö. Ö̦jö tä fa dalalöjenö, Jeobaa nija bä quilima. A nofi mölabomaje. Ö̦jö a nosie lä juano wei a Moisesi ma cui, ö̦jö a nofi ca̦i mölabou mö feduomaje.

Éxodo 4:9

Tä nö lä quilijii wa tä taö ma bolacale ma cui, wa wa̦ bejedi bufiimi showaweje ja, wa wa̦ ji̦liblaimi showaweje ja, abinaja wa cuaaö nomöjöobä. Nilo u jamö mau wa u fa jiquelänö, mashita wejediwä jamö wa u löabä. Ö̦jamö Nilo u jamö mau wa u lä yaqueleno wei u lä cui, mashita wejediwä ajamö u nia i̦yäblou —Jeobaa a cuma.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 1:17

Yai Bada tänö tä tamaö lä bufii wei, Moisesi nija tä a̦ ma jöbäqueno wei ma cui, täbä nofi nia yai lä ojodabou wei tä lä cui, Jesucristo nija ö̦jö tä shino yai wawälayoma, tä a̦ yai lä bejedii tä a̦ ca̦i.

Juan 1:43

Ö̦jö tä fena ja, Calilea jamö Jesús a bufi cadidioma. Felipe a fa dalalönö, a nacalema. —Jabo. Camiyä nija a da yauiquiyo —e cuma.

Juan 1:50

Abinaja Jesús a cuma. —“Ico fi cotä jamö bäfä dalalema”, ya cuu ja, ö̦jö tä wai bädawä ma cuinö, ¿wale a̦ nia bejedi bufii tawä? Tä yai lä lojode wei, wa tä nia bluca dablaö —a cuma.

Juan 10:41

Ö̦jamö Jesús nija bluca bä co̦camolayoma. Bä a̦ wayomayou ja, abinaja bä nowa tayoma. —Fe ojomalewä Juan a lä cuinö, tä nö lä quilijii tä wawämano ma mlai ma cui, fei a wa̦fa da wäyäblei a wa̦ bluca bejedioma —bä cuma.

Juan 11:15

¿Ö̦jö tawä? Cama nijamö ya cuonomi yalo ya bufi doblalou, ya cuo lä mlaono wei tänö, wamacö bufi yai jaducublobä. Wamale a̦ bejedi yai bufibä. Bei. Cama nijamö bämacö da ju —a cuma.

Juan 11:47

Ö̦jö cudeenö, nofi bäyäalewä blowäjäwä bä lä cuinö, faliseo bä mö ca̦i feduwä lä cuinö, bada bä yododoblamalemaje, bä a̦ wayobä. Abinaja bä nowa tayoma. —¿Wedinaja bämacö yai cuaabä, ö̦jö lä? Yai Bada e nö nia fa ö̦jöböamonö, quiji a lä cuinö, tä nö lä quilijii bluca tä wawämadii.

Juan 12:18

Ö̦jö bä a̦ fa ji̦liläjenö, bluca bänö Jesús a nabä co̦camoaö mö baomaje, Yai Bada e nö ö̦jöböamobä, a nö lä quiliano wei tä a̦ ji̦lilemaje yalo.

Juan 12:37

Täbä mamo showao däjä, bejedi lä Jesús a nö quiliama. Yai Bada e nö ö̦jöböamobä, tä nö lä quilijii tä bluca ma wawämano wei ma cui, a wa̦ bejedi bufinomije.

Juan 12:41

¿Ö̦jö tawä? Jesús a nia lä doblaodayou wei a daa showalalema yalo, Isaianö a wa̦fa wäyäö balöoma.

Juan 14:13

Camiyä ya wa̦nö, wamacö nö bayeli nacao ja, wama tä nacaö lä bädao wei tä ma cui ja, bämacö a̦ nia juaö, Fayä ya doblao dablamabä.

Juan 16:27

Cama Fayä a showawä lä cuinö wamacö malä nofimaö wei. Camiyä wamale nofimaö yalo, Fayänö wamacö nofimaö. Fayä nijamö ya cuoma ya lä waloqueyoluno wei wama tä a̦ bejedi bufii yalo, wamacö nofimaö.

Juan 16:30

Cafänö jödödöwä wa tä daö nö mlawä. Fei däjä, ö̦jö yama tä daö. Wa wa̦lii showao ma mlajei ma cui, cama bä bufi lä cuu wei, wa tä daö waiquiwä. Ö̦jö lä tänö yamacö bufi yai taamamou lä cule. Yai Bada nijamö wa cuoma wa lä waloqueyoluno wei tä lä cui, ö̦jö yama tä a̦ bejedi yai bufii lä cule —bä cuma.

Juan 2:1

Bolacabö tä mö didi fa cublalunö, Calilea tä ulifi jamö, Canaateli bä co̦camolayoma. Cäcöbö lä doayou wei cäcöbö nofi co̦camoabeje jamö, Jesús bä nöö e ca̦i loo coyocooma.

Juan 2:23

Jelusale jamö, Yai Bada a waiteli lä jayuano wei a nofi co̦camoaö co̦oje däjä, Jesús a cuoma. Ö̦jamö lä a culanö, Yai Bada e nö ö̦jöböamobä, tä nö lä quilijii tä bluca wawämalema. Ö̦jö tä dalalemaje yalo, bluca bänö a wa̦ bejedi bufilemaje.

Juan 3:2

Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 4:46

Calilea tä ulifi jamö a fa co̦blalunö, Canaateli bä nija a waloa co̦aliyoma, uba nashiwä ubä cublou lä nomöjölayono wei ubä mau lä taamano wei jamö. ¿Ö̦jö tawä? Ö̦jö tä mashi biyä jamö, Cabenaoteli bä nija bä bada lä läono wei ai a lä cui, bä ijilubö e jalilioma.

Juan 4:54

¿Ö̦jö tawä? Judea tä ulifi jamö culanö, Calilea jamö a waloa fa majöicunö, tä nö lä quilijii tä jaba wawämalema, Yai Bada e nö ö̦jöböamobä. Ö̦jö däjä a juu co̦obä jamö, bada bä ijilubö e jalomaö däjä, inaja showawä a cuaaö co̦oma. Yai Bada e nö ö̦jöböamobä, a nö quiliaö co̦oma.

Juan 5:23

wale nofi dodijidawä tabobeje. Fayä Yai Bada a lä cui, a nofi dodijidawä lä tabou wejeinaja, bä Ijilubö ya e ma cui wale nofi ca̦i tabou mö feduobeje. Bä Ijilubö wale nofi dodijidawä tabou lä mlajeinaja, Fayä a ma cui inaja showawä a nofi ca̦i taboimi mö feduweje, wale lä shömöleno wei a lä cui.

Juan 6:14

Nii bä wai bolacami ma cui ja, Jesúsnö täbä bluca lä iyamaleno wei tä fa dalalöjenö, ö̦jö däjä Yai Bada e nö ö̦jöbölemaje. Abinaja bä cuma. —Yai Bada a wa̦no wäyälewä a nia jo̦wa lä juno wei, ¡fei ö̦jö lä a waiquiwä! —bä cuma.

Juan 6:2

Ö̦jamö lä, Jesús nijamö bluca dodijiwä bä nocalayoma. Yai Bada e nö ö̦jöböamobä, jalili bä jalomaö nö lä quiliano wei tä fa dalalöjenö, bä bluca nocalayoma.

Juan 6:26

Jesúsnö abinaja bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada ya e nö ö̦jöböamobä, tä nö lä quilijii ya tä ma wawämano wei ma cui, ö̦jö tänö wamacö bufi fa jaducublalunö wamale dayäimi. Ma, nii bänö wamacö bädölayoma yalo wamale li dayäaö. ¿Ö̦jö tawä?

Juan 6:30

Ö̦jö cudeenö, abinaja bä cuu nomöjöoma. —Yai Bada wa e nö ö̦jöböamobä, tä nö lä quilijii tä da wawämalö, ö̦jö lä. Ö̦jö yama tä fa dalalönö, bäfä a̦ bejedi bufibä. ¿Wedi wa tä yai tabä, cafä bei wa?

Juan 7:31

Ö̦jö ma cui, ai bä bluca lä cuinö a wa̦ bejedi bufia fe yadilemaje. Abinaja bä cuma. —Yai Bada tänö a shömabä a lä yaileno wei a lä cui, fei a waiquiwä. ¿Wedi tabä ai bäma tä nö li dabou nomöjöquei? Yai Bada e nö ö̦jöböamobä, fei a lä cuinö, tä nö lä quilijii tä bluca wawämaö malä waiquii—bä cuma.

Juan 9:16

Faliseo ai bä bada lä cui, abinaja bä cuma. —Ma. Ei a lä jalomalöfe, Yai Bada tänö a shömanomi. Täbä yanöcöobä, tä mö jalu nofi cadidibou malä mlai —bä cuma. Ö̦jö ma cui, abinaja ai bä cuu mö feduoma. —Wa̦lidiwä talewä a cuo fa cunoja, tä nö lä quilijii tä lä wawämafenaja, a nö cuaaö fe balojoobö mlai —bä cuu mö feduoma. Einaja bä bluca cuu majöadalou ja, bä bufi shedequeblaliyoma.

2 Corintios 3:18

¿Ö̦jö tawä? Bämacö quilii mlai ja, Bada tä lä doblale jamö bämacö mö yaidalou ja, cama a lä culenaja bämacö yanöcö nia cublou mö feduo. Bada tä Bufinö, inaja lä showadi bämalecö taamaö malä cui, Cristo a lä culenaja bämacö cublou mö feduobä.

2 Corintios 4:17

Yamacö nö lä bleaaö wei tä lä cui, tä cudio shi wa̦liobä tä malä mlai. Doblao yamacö cuo shi wa̦liodayobä, inaja lä yamacö cuaaö balöa lä cule. ¿Ö̦jö tawä? Yamacö nia lä doblaodayou wei tä jamö yamacö bufi daeo däjä, yamacö bufi fejeleo dodijio.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

1 Juan 5:13

Yai Bada bei Ijilubö wama a bejedi lä bufii wei wamacö bufi jaducublobä, ei ya tä a̦ oni shömaö. Ba̦limi wamacö cua lä waiquile wama tä dabä.