Juan 19:7 - Biblia Yanowamö

⁷ Judio bä a̦ juo ja, abinaja Bilado a nowa tamaje. —Camiyä yamacönö, Moisesi yama etä a̦ tabou. Yama tä a̦ daö. Miji a lä cui, Yai Bada bei tä a̦fa Ijilubö jilou yalo, a nomabä a waiquiwä—a nowa tamaje.

Juan 19:7 Iomraidhean Croise

Isaías 53:4

Camiyä bämacö bufi nö yai bleaabä tä ma cuono wei ma cui, ö̦jönö tä fa dälönö, cama a bufi nö bleaaö läoma. Camiyä bämacö nö ninili bleaabä tä ma cuono wei ma cui, ö̦jönö tä fa dälönö, cama a nö ninili bleaaö läo dodijioma. Inaja tä ma cuono wei ma cui, “Yai Bada tänö a nö bleaamaö”, bäma a nofi tabou dicooma. “Ö̦jönö a li inaja taamaö”, bämacö bufi jole cuu dicoblaoma.

Marcos 15:39

Sodado 100 bä ca̦i lä cuono wei a bada lä cui, Jesús a mö lä yaile jamö a lä ublaono wei a lä cui, a je̦le je̦lemou mladou fa dalalönö, a wa̦ faö showadaoma. —Bejedi lä quiji a lä cui, ¡Yai Bada tä Ijilubö e cuo dodijioma! —a cuma.

Juan 19:8

Yai Bada bei tä a̦fa Ijilubö lä jilou wei, Biladonö tä a̦ fa ji̦lilänö, a yai quilia fe balojolaliyoma.

Juan 5:18

Täbä yanöcöobä tä mö sábado jalu ma cui ja a wasöomi cudeenö, Jesús a shäö bufi doblao waiquiomaje. Yai Bada nija a ca̦i Fö̦ömou fa cadidionö, bä jushuo balaö showadaoma, Yai Bada a sho cama cäcöbö a̦fa wäyämoma yalo.

Hechos 18:13

Abinaja bada a nowa tamaje. —Fei a lä cuinö, Yai Bada nija bä bayeliblamaö lä bufii wei tä dodijidawämi. Tä taö ma wasöö wejei ma cui, a wa̦ fe fa blacäjonö, bä bufi taamaö fe yadia lä cule —bä cuma.

Romanos 1:4

Bada tä Jesucristo lä cui, Yai Bada Ijilubö e. A demi lä jocädamaleno wei tänö, Yai Bada tä Bufi lofotenö bä Ijilubö e wawädowä nö ö̦jöbömalema.