Juan 19:4 - Biblia Yanowamö

⁴ Bilado a siboa fa co̦lunö, abinaja judio bä nowa tama. —Bei. Cafä wamacö nija ya nia bälamaö co̦o, ya etä wa̦lidiwä dablaö lä mlai tä ja, wamacö bufi jaducublobä —bä nowa tama.

Juan 19:4 Iomraidhean Croise

Mateo 27:19

Abinaja Bilado etä ca̦i cublaliyoma. Jesús a jömabä a döcäo waiquio däjä, bä suwäbö e wa̦no wäyäyolumaje. Abinaja Bilado bä suwäbö e jo̦wa cuma. —Miji a lä cui a cadidou. A nö bleaama dijä. Cama a nowa ja, ¡bejedi ya nö majali bleaaö dodijio bä lä cublei! —bä suwäbö e jo̦wa cuma.

Mateo 27:24

¿Ö̦jö tawä? Bilado a wa̦ faa doblamanomije. Tä shino yai wa̦lidiblou nomöjölayoma. Ö̦jö cudeenö, mau ubä fa nacalänö, bä lä co̦camole bä mamo mötale jamö, Bilado imicö ya̦lömolayoma. ¿Ö̦jö tawä? Jesús a shämaö bufiono lä mlai a nö yai ö̦jöböamobä, wawädowä imicö li ya̦lömoma. Abinaja e cuma. —Camiyä ya mayonö ei a nia shämoimi. Cafä wamacö cuaaö bufi lä doblao weinaja, cafä wamacö li cuaabä —e cuma.

Mateo 27:4

Blada bä co̦amalanö abinaja e cuma. —Jesús a wa̦fa tamobä tä cua ma mlai ma cui, ya nomojolia fa dicolunö ya doblou mlaa lä cule —a cuma. Abinaja bada ebä cuu nomöjöoma. —Cafä wa li dobloimi. Yamalecö yabäca dijä —bä cuma.

Mateo 27:54

Jesús a nofi lä läbono wejei bä sodado lä cuinö, mashita a bada blösö blösömou fa dalalöjenö, bä quilia fe balojolaliyoma. ¿Ö̦jö tawä? Sodado 100 bä ca̦i lä cuono wei a bada ma cuinö, cama ebä ma cuinö, tä bluca lä cublaliyono wei tä dalalemaje. Ö̦jö tä ja, bä quilia fe fa balojolalunö, abinaja bä cudaliyoma. —Bejedi lä, quiji a lä cui, ¡Yai Bada tä Ijilubö e cuo dodijioma!

Lucas 23:4

Ö̦jö däjä, nofi bäyäalewä blowäjäwä bä ma cui nija, bä lä toujono wei bä ma cui nija, abinaja Bilado a cuma. —Ei a doblou lä mlai ya etä daimi —a cuma.

Lucas 23:41

Bäfäcö doblou fa mlacunö, bäfäcö nofi nacalayoma ma cui, ei a lä cui a nomabä etä cuami —a cuma.

Lucas 23:47

Sodado 100 bä ca̦i lä cuono wei a bada lä cuinö, ö̦jö tä bluca lä cublaliyono wei tä fa dalalönö, Yai Bada a nofi doablama. Abinaja a cuma. —Bejedi lä, ei a doblou lä mlai etä cuonomi.

Juan 18:33

Cama etä yafi jamö Bilado a faa fa co̦lunö, Jesús a nacamaö bufima. Abinaja e cuma. —Cafä ¿judio bada bei wa? —a cuma.

Juan 18:38

—¿Wedi bei tä a̦ li bejedi? —Bilado e cuma. Inaja a fa culunö, judio bä nija a faa co̦layoma. Abinaja bä nowa tama. —Jesús a doblou lä mlai ya etä daimi.

Juan 19:6

Nofi bäyäalewä blowäjäwä bä lä cuinö, ai bä ca̦i bada lä cuinö, Jesús a fa dalalöjenö bä a̦ shi doa dicolayoma. —¡Fii balitama defi jamö a shino da basumacö! ¡A da basumacö! —¡Uo! —Bilado a cudaliyoma—. Cafä wamacö showawänö a da basucuduje, ö̦jö lä. A doblou lä mlai, camiyänö ya etä dablano malä mlai —a cuma.

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Hebreos 7:26

Bämalecö nofi nia lä bäyäbou wei, ö̦jö Jesús a waiquiwä. Ö̦jö a lä cui, nofi bäyäalewä Bada a. A yaia. A wa̦fa ca̦i tamobä etä cuami. Etä ca̦i shami läami. Wa̦lidiwä talewä bämacö lä cui lijamö a coyocomabou mlai ja, fedu fe dole jamö Yai Bada tänö a yai doblamabodayou.

1 Pedro 1:19

Tä nowa yai lä bluca wei tänö wamacö nowa co̦molayoma, ö̦jö Cristo i̦yäbö showawänö. Jaba däjä yanowamö täbä doblou lä mlai etä nowa mladobä, oweja bä shämou läoma, moli etä wai wa̦lidiwä cuono lä mlai bä oweja lä cui. Inaja showawä, wa̦lidiwä etä cua mlai ja, Cristo a ma cui a shämoa läa majölayoma.

1 Pedro 2:22

Cristo a lä cuaano wei tä nofi mojodubo dijejä. Wa̦lidiwä tä tanomi dodijiwä. A wa̦ ca̦i wa̦lidiwä faö buonomi.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.

1 Juan 3:5

Wama tä malä dale. Wa̦lidiwä tä bluca lä cui, Jesucristonö tä joyabä a juma. Cama etä wa̦lidiwä cuami.