Juan 19:13 - Biblia Yanowamö

¹³ Ö̦jö bä a̦ fa ji̦lilänö, Jesús a wawäa co̦malema. Wa̦lidiwä talewä bä jömabeje, bada bä döcäobä täcö jamö Bilado a döcäquema. A lä döcäqueno wei tä ulifi lä cui, Maa mabä wei, tä a̦fa ulifi jilabouje. Ebleo bä caficö a̦ ja, Cabada tä a̦fa ulufi jilaö mö feduoje.

Juan 19:13 Iomraidhean Croise

Mateo 27:19

Abinaja Bilado etä ca̦i cublaliyoma. Jesús a jömabä a döcäo waiquio däjä, bä suwäbö e wa̦no wäyäyolumaje. Abinaja Bilado bä suwäbö e jo̦wa cuma. —Miji a lä cui a cadidou. A nö bleaama dijä. Cama a nowa ja, ¡bejedi ya nö majali bleaaö dodijio bä lä cublei! —bä suwäbö e jo̦wa cuma.

Lucas 12:5

Ma. Ya wa̦ nia wawädoo. Yai Bada a nö shino quili yai da taje. Wamacö shäö fa balöonö, shobali wacö jamö wamacö nia shäyäjaö nomöjöo lä dao wei a. Awei. Ö̦jö wama a nö shino quili yai tabä. ¿Ö̦jö tawä? Bämacö nowa taö lä cule.

Juan 19:17

Ö̦jö cudeenö, Jesús a ca̦i fa alujenö, a juma. A nia lä basuano wejei defi lä cui, camanö defi yalucua showalefälöma. Fe̦losi blaobä tä a̦fa ulifi lä cule jamö a ca̦i jumaje, ebleo bä caficö a̦ ja, Cocoda a wa̦fa lä jilabou wejei jamö.

Juan 19:20

Shabono ajede jamö Jesús a basuquemaje yalo, judio bluca bänö tä a̦ doblaö jayuamaje. Judio bä caficö a̦ ja tä a̦ oni cuoma. Lomateli bä caficö a̦ ca̦i ja. Clesiateli bä caficö a̦ ca̦i ja.

Juan 19:8

Yai Bada bei tä a̦fa Ijilubö lä jilou wei, Biladonö tä a̦ fa ji̦lilänö, a yai quilia fe balojolaliyoma.

Juan 5:2

¿Ö̦jö tawä? Jelusaleteli bä shabonobö jamö, oweja yoca lä cule jamö mau uca cuoma. Ebleo bä caficö a̦ ja, Besada uca a̦fa jilabouje. Ö̦jö u casö jamö, yano bloque 5 maloco bä fe fa̦yooma.

Hechos 4:19

Cäcöbö ma wasöno wejei ma cui, Pedro, Juan sho cäcöbö a̦ juo ja, abinaja cäcöbö cuma. —¿Wedi jamö tä lä cui tä yai dodijidawä, ö̦jö lä? Yai Bada etä a̦ yai ji̦limamou mlai ja, cafä wamacö lä cuu wei, ¿ö̦jö tä a̦ shino yai juamamobä daanö? ¿Wedinaja cafä wamacö bufi li cuu? Ma, cafä wamacö a̦ nia yai juamamoimi.