Juan 19:11 - Biblia Yanowamö

¹¹ Jesús abinaja e cuma. —Camiyä wale nia lä taamaö wejei tä ja, wa lä läle wa lä cui, Yai Bada tänö wa lämabou mlao fa cunoja, wa nö läobö mlai. ¿Ö̦jö tawä? Cafänö wale shämaö ja, cafä nija tä nowa nia ma shadio wei ma cui, cafä nija wale lä jöböano wei a lä cui, ö̦jö etä nowa nia shino yai cuo —a cuma.

Juan 19:11 Iomraidhean Croise

Mateo 26:65

Ö̦jö a wa̦ ja, nofi bäyäalewä bada a lä cui, a nö wa̦lowä jushudaliyoma yalo, a camishibö cacablamolayoma. Abinaja bä nowa bluca tama. —¿Ö̦jö tawä? Yai Bada a nö waiblaö lä cufe. ¿Wedi tä tabä ai bäma bä a̦ li ji̦liaa co̦lei? Yai Bada a nö lä waiblafe, fei däjä wama a wa̦ ji̦liaa waiquilei lä cufe. Yanowamö a ma cui, ¡Yai Bada a wa̦fa jilou!

Mateo 27:2

Ö̦jö däjä, bococu fa o̦cacöjenö, Bilado nijamö a öbölefälömaje, Lomateli bänö Bilado a bada lä lämabono wejei a nijamö.

Mateo 6:13

Yamacö nö doblobö lä mlai jamö, yamalecö ca̦i da wasö. Tä lä wa̦lidii tä ja, yamalecö da nowamöbo.” Einaja Yai Bada nija wamacö cubä.

Marcos 14:44

Jesús a nia lä nomojoliaö weinö, abinaja bä nowa taö malä balöono wei. —Ya mamocacö nia lä buyucaö wei, ö̦jö bei a waiquiwä. Wama a fa juwälönö, wama a documaö mlai ja, wama a öböafälöbä —bä nowa taa balölema.

Lucas 22:53

Yai Bada etä yafi jamö bämacö ca̦i loo däjä wamale juwäano malä mlai. Ö̦jö ma cui, wamacö cuaaö bufi lä doblao wei wamacö cuaabä tä cublou lä cule, mö didi jamö a bada lä läle a nosiemobä —a cuma.

Juan 18:13

Ö̦jö däjä, Anasi a bada nija a öböa balöquemaje. Nofi bäyäalewä, ö̦jö däjä a bada lä cuono wei a Caifasi lä cui nija a fecamamoma.

Juan 18:3

Judanö täca dama cudeenö, Jesús a nabä jubeje bä fa nacalänö, bä ca̦i ayofälöma. Lomateli ai bä sodado coyocomoma. Yai Bada etä yafi jamö bä lä läono wei ai bä ca̦i. ¿Ö̦jö tawä? Nofi bäyäalewä blowäjäwä bänö bä shömölemaje, faliseo bä bada ca̦inö. Cowa wacöbä shi̦i cuobä täbä däaquemaje. Wacöbä ca̦i ji̦ibomaje. Bä ishobä täbä ca̦i showabou showadaomaje.

Juan 19:10

E a̦ juonomi yalo, abinaja e cuu nomöjöoma. —Camiyä nija ¿bei wa wa̦ juo mlaquei? Camiyä ya wa̦nö wa nia lä cushäblamou wei ya. Camiyä ya wa̦ showawänö, fii balitama defi jamö wa nia lä basuo wei ya —e cuma.

Juan 3:27

Juan abinaja a cuu mö feduoma. —Ö̦jö a nö bada ö̦jöböaöje ja, ö̦jö Yai Bada tä mayo waiquiwä. Yai Bada tänö yanowamö täbä nofi bada tamaboimi ja, bä nofi nia taboimi bädaoje.

Juan 7:30

Inaja a cuu yalo, a nia juwäama ma cujei, a nia yai lä shämou wei etä cuonomi showawä yalo, bä imicö queonomi.

Juan 9:41

Ö̦jö bä nija abinaja Jesús a cuma. —Wamacö mamocu a̦fa wa̦lidiwä tamou showadao fa cunoja, afä tä nowa nö cuobö mlai. Täbä lä jubäbö wei, täbä shino bayeliblamou malä cui. Ö̦jö ma cui, “Yama tä dodijidawä möö waiquia lä cule”, wamacö cuu dicoo ja, afä tä nowa cua showaa.

Hechos 2:23

Ö̦jö a Jesús shäbeje, wama a jöbäa dicoquema. Yai Bada tänö inaja a taamaö bufi doblao waiquioma yalo, tä cublaliyoma. Tä daö waiquioma. Wa̦lidiwä talewä bä nija, fii balitama defi jamö wama a shäa dicomalema.

Hechos 3:13

Bämacö nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija a lä bufiblamou wei a lä cuinö, Jesús a doblao damalalema. ¿Ö̦jö tawä? Ö̦jö Jesús a lä cui, Yai Bada a nosie yai lä juaö wei a, bada bänö a shäbeje, wama a noshi lä ö̦jödabono wei a lä cui. Biladonö ö̦jö a nia ma jujeblano wei ma cui, ö̦jö a mamo mötale däjä, wama a waia dicolema.

Hechos 4:28

A nia lä taamano wejei, yedu jamö ma cui, cafänö wa tä taamaö bufi doblao waiquioma. Wa tä taamaö bufi fa doblaonö, cafä wa lojodenö wa tä wawäblamalema.

Romanos 11:36

Camanö täbä bluca malä tablaleno wei. Cama a showawänö täbä bluca li fuwäbou. Camanö täbä tabobä täbä. ¿Ö̦jö tawä? Cama a wa̦fa shi̦lo doblao tamou shi wa̦libä. Inaja lä tä cuobä.

Romanos 13:1

Bada bä lä läo wei, bluca wamacönö wama bä a̦ nia fuaö. Yai Bada tänö bä lämaboimi ja bä nia läo bädao malä mlai. Bada bä lä läblai bä lä cui, Yai Bada tänö bä li inaja tamabou ja lä bä li läblawä.

Santiago 1:17

Täbä yai lä doblamaö wei a lä cui, ö̦jö Yai Bada a waiquiwä, fedu jamö a lä culadi. Ö̦jamö culanö bämalecö yai bayeliblaö. ¿Ö̦jö tawä? Bäma a nofi lä Fö̦ömale a lä cuinö tä ulifi wacacamabobä, judu mösö jamö täbä shi̦i shadimaquedayoma. Tä shi̦i yai lä doblaladi, cama a waiquiwä. Tä mö dödöjöblou majöobä a nia shomibloimi.

Santiago 4:17

¿Ö̦jö tawä? Tä lä dodijidai bäma tä nö ma ö̦jöböaö wei ma cui, bäma tä taimi ja bämacö dobloimi waiquiwä.