Juan 18:8 - Biblia Yanowamö

⁸ Jesús abinaja a cuu mö feduoma. —Camiyä ö̦jö lä ya. Ya cuu malä waiquiofe. Camiyä wamale nabä yai juu yalo, ei bä lä cui bä juwäma dijejä —a cuma.

Juan 18:8 Iomraidhean Croise

Isaías 53:6

Oweja bä mojoluu si ijejewä lä cuaaö weinaja bämacö bluca cuaaö fa dicoonö, bämacö mojoluolaliyoma. Camiyä bämacö cuaaö bufi lä doblao weinaja bämacö li cuaaö dicooma. Ö̦jö tä nowa ja, Jeobaanö bämalecö nö bleaamabä tä ma cuono wei ma cui, ö̦jö lija tä nowa fa majöcönö, tä li yädämaquema.

Mateo 26:56

Ö̦jö ma cui, Yai Bada etä a̦ oni jamö tä a̦ lä cuu weinaja tä a̦ bejedi cublobä, ei tä waiquiwä —a cuma. Ö̦jö däjä, cama ebä lä nocamabono wei bä lä cuinö, Jesús a fa dacöfälöjenö, bä bluca docuolaliyoma.

Juan 10:28

Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami.

Juan 13:1

Yai Bada a waiteli lä jayuano wei tä nofi nia co̦camoaö jaödao co̦omaje. Bä Fö̦ö e nijamö a nia co̦o lä jaödaono wei, Jesúsnö tä daö waiquioma. Ei tä bita tabi nia feiaö co̦oma. Cama ebä bita jamö lä cule, bä showadi lä nofimadino wei, bä nofimaö mladonomi. A waicobä jamö ma cui bä nofimaö fe yadio showaoma.

Juan 13:36

Abinaja Simón Pedro e cuma. —Bada tä. ¿Wedi jamö wa nia yai juu? Jesús abinaja a cuma. —Ya nia lä juu wei jamö, fei däjä wa yauo daomi. Ö̦jö ma cui, obi wa nia shino juu nomöjöo —e cuma.

Juan 16:32

Wamale nia lä daaö wei tä nia cublou. Tä cublou waiquia lä cule. Wamacö nia sheleleblamodayou. Cafä wamacö yafibö jamö wamacö nia co̦oblou. Ö̦jö ma cui, ya yamimi. Fayänö wale ca̦i cua lä cule.

Juan 18:7

Ö̦jö däjä, Jesús a wa̦ faö co̦oma. —¿Wedi jamö a lä cui, wama a li dayäaö? —a cuu co̦oma. —Nasaleteli a wa̦fa Jesús lä cule —bä cuu co̦oma.

Juan 18:9

A cuu lä balöono wei tä a̦ bejedi wawäblobä, a wa̦ li cuoma. Abinaja bä Fö̦ö e nija a lä cuno wei. “Wa bä lä jöböbeno wei bä lä cui, moli ma cui ya wa̦lidiblamanomi”, a lä cuno wei.

1 Corintios 10:13

Wamacö bufi lä wabamou wei tä ja, wamacö bufi wedinajamou mlai. Showadi täbä yanowamö bufi wabamou lä cuaaö weinaja wamacö wabamou cuaaö showawä. Ö̦jö ma cui Yai Bada wama a nofi mölabou showaobä cätä. Wamacö nö bleaamaö mlaicätä. Wamacö bufi ma wabamou wei ma cui wamacö nia bayeliblaö showao, wamacö nö wa̦lojaö fe yadiobä.

2 Corintios 12:9

abenaja wale nowa taö dicooma. —Ma. Bä nofi lä ojodabou wei, inaja lä waiquiwä. Wa ujuduo däjä, cafä lija ya lofote malä dablamou talei —wale nowa tama. Ö̦jö cudeenö ya lä ujuduo wei, bufi doblalolanö ya wa̦fa nia shi̦lo yai wäamamou fe yadio. Ya ujuduu däjä, Cristo etä lofotenö ya shi̦lo yai malä bayeliblou wei.

Efesios 5:25

Bä fe̦yalobö wama ecönö, suwäböfä bä yai da nofimaje, cama bäma ecö lä cui, Cristonö bämalecö nofimaö lä cuaano weinaja showawä. Bäma ecö bayeliblobä a noshi malä ö̦jödaono wei.

1 Pedro 5:7

Wamacö bufi lä jalujou wei, Yai Bada nija tä a̦ bluca ca̦i da wäaje. Wamacö nofi malä jalujubou wei.