Juan 18:5 - Biblia Yanowamö

⁵ —Nasaleteli a wa̦fa Jesús lä cule —bä cuma. —Camiyä ö̦jö lä ya —Jesús a cuu showadaoma. Ö̦jö bä nija Juda a ublao coyocooma, a lä nomöjoliano wei a lä cui.

Juan 18:5 Iomraidhean Croise

Mateo 2:23

Nasale tä a̦fa shabono lä jilaö wejei jamö, bä yai bälöaliyoma. Inaja Yai Bada tänö bä taamama, cama a wa̦no wäyälewä bä lä cuno wei tä a̦ bejedi cublobä. Yai Bada tänö a shömabä a lä yaileno wei a lä cui, ö̦jö a wa̦fa wäyämamou ja abinaja tä a̦ cuu. Nasaleteli a wa̦fa nia jilabouje. Einaja tä a̦ cuu.

Mateo 21:11

Ö̦jö däjä, bä bluca lä co̦camono wei bä a̦ nocalayoma. —¡Yai Bada a wa̦no wäyälewä, Nasaleteli fei Jesús ö̦jö lä a, Calilea tä ulifi jamö a lä bälöle! —bä cuma.

Juan 1:46

Abinaja Nataniel e cuma. —Nasaleteli bä nijamö, ¿tä nö bayeli cublou yai tawä? —e cuma. Felipe abinaja e cuma. —Ja̦o. Jabo, ö̦jö lä. Wa möblabä.

Juan 18:4

Ö̦jö däjä, a nia lä taamano wejei tä daö waiquilanö, Jesús a wawäblaliyoma. Bä mö fa bamalänö, abinaja bä nowa tama. —¿Wedi jamö a lä cui, bei wama a nabä li juu cuimi?—bä nowa tama.

Juan 18:6

Jesús a lä cui, “Camiyä ö̦jö lä ya”, a cuu ja, a nabä lä juno wejei bä lä cui, bä quilili wäcäcäolaliyoma.

Juan 19:19

Jesús a lä basuono wei defi jamö etä a̦ oni shadiobä, Biladonö etä a̦ oniblamalema. Abinaja etä a̦ cuma. “Judio bä nija a bada cuobä, ei Nasaleteli Jesús a”, etä a̦ cuma.