Juan 18:13 - Biblia Yanowamö

¹³ Ö̦jö däjä, Anasi a bada nija a öböa balöquemaje. Nofi bäyäalewä, ö̦jö däjä a bada lä cuono wei a Caifasi lä cui nija a fecamamoma.

Juan 18:13 Iomraidhean Croise

Mateo 26:3

Ö̦jö däjä showadawä, nofi bäyäalewä bada e yafi jamö, bada bä co̦camolayoma, Caifasi a wa̦fa lä cule e yafi ja. Ö̦jamö lä judio bä bada co̦camolayoma, nofi bäyäalewä bä blowäjäwä sho.

Mateo 26:57

Ö̦jö däjä, Jesús a lä juwäleno wejei bä lä cuinö, Caifasi nijamö a öbölefälömaje, nofi bäyäalewä a bada nijamö. Ö̦jämö lä Moisesi etä a̦ ja täbä lä damaö wejei bä bluca co̦camou waiquioma, judio ai bä bada sho.

Lucas 3:2

Jelusale jamö, nofi bäyäalewä Anasi, Caifasi sho cäcöbö bada läoma, Yai Bada etä yafi jamö. Ö̦jö bä bada cublamou cuaaö däjä, ulifi bloque jamö Sacalia bä ijilubö Juan a cuobä jamö, cama nija Yai Bada a wa̦ bädaliyoma.

Juan 11:49

Ö̦jö ma cui, cama ai a wa̦ bada fama, Caifasi a wa̦fa lä cuono wei. Nofi bäyäalewä ö̦jö a bada cuoma, ö̦jö däjä. Abinaja bä nowa tama. —Uo. Wiisibö ma cui wamacö bufi nofi jaducubloimi dodijiwä yai.

Juan 11:51

Cama a bufi lä cuu weinaja, a wa̦ bädao cuonomi. Nofi bäyäalewä ö̦jö däjä a bada läoma cudeenö, ö̦jö nijamö Yai Bada a wa̦no tamou ja̦tooma. Judio bä bluca bayeliblamobä, Jesús a nia shämou lä läono wei, ö̦jö tä a̦fa yai wäyäö ja̦tooma.

Juan 18:24

Ö̦jö däjä, nofi bäyäalewä a bada Caifasi lä cui nijamö, Anasinö a bococu o̦cama shömöa nomöjölema.

Juan 18:28

Ö̦jö däjä, Caifasi e yafi jamö Jesús a ca̦i faa fa co̦löfälöjenö, Lomateli bada e yafi jamö a öböa fenalefälömaje. Ö̦jö ma cui, Lomateli bä shomi yalo, judio bänö bä nofi fa shamibojenö, u̦eshi jamö a ca̦i fanomije. Yai Bada a waiteli lä jayuano wei a nofi co̦camoaö co̦obä jamö, bä iyaö bufi doblaoma cudeenö, bä shamiaö bufionomi.

Juan 19:11

Jesús abinaja e cuma. —Camiyä wale nia lä taamaö wejei tä ja, wa lä läle wa lä cui, Yai Bada tänö wa lämabou mlao fa cunoja, wa nö läobö mlai. ¿Ö̦jö tawä? Cafänö wale shämaö ja, cafä nija tä nowa nia ma shadio wei ma cui, cafä nija wale lä jöböano wei a lä cui, ö̦jö etä nowa nia shino yai cuo —a cuma.

Hechos 4:6

Anasi lija bä yododoblaliyoma, nofi bäyäalewä a bada lä cui lija. Ö̦jö bä lä co̦cablaliyono wei jamö, Anasi ai ebä cuo mö feduoma, Caifasi a ma cui, Juan a ma cui, Alejado a ma cui, ö̦jö ebä bluca cuo mö feduoma.