Juan 18:12 - Biblia Yanowamö

¹² Ö̦jö cudeenö, a nabä lä juno wejei bä lä cuinö, Jesús a juwäa showadalemaje. Sodado bä ca̦i lä cuono wei a bada ma cuinö, cama ebä ma cuinö, judio bä bada ma cuinö, Jesús a juwäa fa showadalöjenö, a bococu o̦cablalemaje.

Juan 18:12 Iomraidhean Croise

Génesis 22:9

Yai Bada tänö tä a̦fa ulifi lä wäyäno wei jamö, cäcöbö fa waloicunö, Ablaamönö maa mabä yododomaquema. Mabä fa yododomacönö, ö̦jö mabä feyaca jamö, co̦wa a̦yobä maquequea feyacalema. A̦yobä fa maquequelönö, maa mabä jamö a̦yobä lä maqueono wei jamö, bei ijilubö Isaacö a fa o̦cablalönö, a maquea feyacaquema.

Génesis 40:3

cäcöbö fe laquema. Bada a nowamabeje bä sodado ca̦i lä cule e yafi ja, cäcöbö fe laquema, José a fe lao lä waiquiono wei jamö.

Mateo 26:57

Ö̦jö däjä, Jesús a lä juwäleno wejei bä lä cuinö, Caifasi nijamö a öbölefälömaje, nofi bäyäalewä a bada nijamö. Ö̦jämö lä Moisesi etä a̦ ja täbä lä damaö wejei bä bluca co̦camou waiquioma, judio ai bä bada sho.

Mateo 27:2

Ö̦jö däjä, bococu fa o̦cacöjenö, Bilado nijamö a öbölefälömaje, Lomateli bänö Bilado a bada lä lämabono wejei a nijamö.

Mateo 27:27

Ö̦jö däjä, bada tä yafibö sibo lä ji̦coloi jamö, sodado bänö Jesús a öböbou ca̦i siboa majöa co̦layofälömaje. Ö̦jamö lä cama ai bä ca̦i sodado mashi bluca nacaalalemaje.

Marcos 14:53

Ö̦jö däjä, nofi bäyäalewä blowäjäwä e yafi jamö, Jesús a öbölefälömaje. Nofi bäyäalewä blowäjäwä bä ma cui, judio ai bä bada ma cui, Moisesi etä a̦ ja täbä lä damaö wejei bä ma cui, ö̦jamö lä ö̦jö bä bluca co̦camoa waiquilayoma bä cuoma.

Marcos 15:1

Tä mö jaba jaluimaö däjä, bada bä bluca yododaö jaluma. Nofi bäyäalewä blowäjäwä bä ma cui, judio bada ai bä ma cui, Moisesi tä a̦ ja täbä lä damaö wejei bä ma cui, ö̦jö bä bluca fa yododoblalunö, bä a̦ wayolayoma, Jesús a shäbeje. Ö̦jö däjä, bococu fa o̦cacöjenö, Bilado nijamö a öbölefälömaje, Lomateli bänö Bilado a bada lä lämabono wei a nijamö.

Lucas 22:54

Ö̦jö däjä Jesús a fa juwälöjenö, nofi bäyäalewä bada e yafi jamö a öbölefälömaje. Pedro a jäwäjäwä yauafälöma.

Juan 18:3

Judanö täca dama cudeenö, Jesús a nabä jubeje bä fa nacalänö, bä ca̦i ayofälöma. Lomateli ai bä sodado coyocomoma. Yai Bada etä yafi jamö bä lä läono wei ai bä ca̦i. ¿Ö̦jö tawä? Nofi bäyäalewä blowäjäwä bänö bä shömölemaje, faliseo bä bada ca̦inö. Cowa wacöbä shi̦i cuobä täbä däaquemaje. Wacöbä ca̦i ji̦ibomaje. Bä ishobä täbä ca̦i showabou showadaomaje.

Hechos 10:1

Sesalea jamö, Conelio a wa̦fa lä cule a bälöoma. Judio a cuonomi. Sodado 100 bä ca̦i lä cuono wei a bada cuoma. Ö̦jö 100 bä ca̦i lä cuono wei bä lä cui, Italiano ebä a̦fa sodado jilabomaje.

Hechos 21:31

A nomamaö shi wa̦lijiobeje a shäö showadaoje däjä, sodado bada a lä cui nija bä shi lä dono wei bä a̦fa wäyämaje. Jelusaleteli bä bluca jo̦wa waitelimou ja,

Hechos 21:37

Sodado bä yafibö jamö, Pablo a mini ca̦i lä lucälayono wejei däjä, sodado bada a nija abinaja Pablo a cuma. —Cafä nija ya wa̦ faö bufii —a Pablo cuma. Abinaja bada a cuu mö feduoma. —¿Clesiateli wa bä caficö a̦ ca̦i daö daanö?

Hechos 23:10

Ö̦jö däjä, bä a̦ nö fa quilianö, sodado bada a lä cuinö Pablo a nofi jalujuboma. “A cacalaleije daanö”, a nofi fa tabonö, cama ebä shömöquema. —Bei, bei, bei. Ö̦jö bä nija wama a jucäa fe fa yadilönö, yafi jamö a lucäa da cömalöje —bä nowa tama.

Jueces 16:21

Ö̦jö däjä, filideo bänö a fuwäa fa showadalöjenö, bei mamocu ucälemaje. Ö̦jö däjä, Casa jamö a ca̦i co̦a showadalayofälömaje. Ö̦jamö lä, duo shibä bada fudenö, a o̦cablalemaje. Wa̦lidiwä talewä bä fe lä labou wejei jamö, a ojodamomamaje, nii bä washishamabä.