Juan 18:11 - Biblia Yanowamö

¹¹ Pedro nija abinaja Jesús a cuu showadaoma, —Sibalafä a taa da co̦cu. Ya nö yai bleaabä, Yai Bada tänö tä däamaö lä ojode wei tä ja, ya noshi umlaobä ya malä mlai —a cuma.

Juan 18:11 Iomraidhean Croise

Mateo 20:22

Ö̦jö ma cui, abinaja Jesús a cuma, ö̦jö suwä a lä cui bä ijilubö ecöbö nija. —Wafä tä lä nacaö wei wafä tä daimi dicowä. Wale nö nia lä bleaamaö wejei däjä, ¿wafäcö nö bleaaö mö feduobä wafäcö daanö?—a cuma. —Awei, inaja lä yafäcö ca̦i tablamamobä yafäcö waiquiwä —cäcöbö cuma.

Mateo 26:39

Jesús a bayäcäblou fa co̦lodunö, a blaaledayoma. Yai Bada nija a nö bayeli nacao ja, abinaja a cuma. —¡Fabe! Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö. Ö̦jö ma cui, wa tä nö blajamabimi waiquiwä ja, ö̦jö waiquiwä. Camiyä ya cuaaö bufi lä doblao weinaja mlai, cafänö wale taamaö bufi lä doblao weinaja, wale da taama —a cuma.

Mateo 26:42

Ö̦jamö lä a aa mö yabaa fa co̦lunö, a nö bayeli nacao co̦odayoma. Abinaja e cuma. —¡Fabe! Fei däjä ya yai nö nia lä bleaaö wei tä lä cui, tä nö ja̦amodobimi waiquiwä ja, inaja lä waiquiwä. Ya yai taamamobä tä cua ja, ö̦jö tä ca̦i waiquiwä. Cafänö wa tä yai taamaö lä bufii weinaja, tä shino cublobä —e cuma.

Lucas 12:30

Bluca bä bälöjöwä lä yaiblai bä lä cui, inaja cama bä bufi li bluca cuaablalou. Ö̦jö ma cui, wamacö lä jo̦li wei, Faafä a lä culadinö wamacö li daö waiquia.

Lucas 22:42

—Fabe. Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö. Ö̦jö ma cui, camiyä ya cuaaö bufi lä doblao weinaja mlai, cafänö wale taamaö bufi lä doblao weinaja wale da taama —a cuma.

Juan 15:10

Wamale a̦ nofi cadidibou ja, bämacö lä nofimale tä ja wamacö nia yanöcöo. Fayä ya wa̦ nofi cadidibolanö, camanö wale lä nofimale tä ja ya e yanöcöwä lä culenaja showawä.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Juan 18:36

Abinaja Jesús e cuma. —Bita jamö ya bada läobä yami. Yanowamö täbä nija ya bada läobä ya cuo fa cunoja, wale a̦ lä juaö wejei bä lä cui bä nö ishobö wei, judio bä nija ya jöböamou mlaobä. Ma, bita jamö bä bada lä nosiemou weinaja, ya bada cuobä yami —e cuma.

Juan 20:17

—Wale jubaö shi jalimou dicoo dijä —Jesúsnö a nowa tama—. Fayä a lä culadi jamö ya junomi showawä. Fääshäyä bä nija wale a̦fa yai da wäyädu. Fayä nijamö ya juu, cafä wamacönö wama a nofi Fö̦ömaö lä showale a lä cui nijamö. ¿Ö̦jö tawä? Yai Bada ya lä bufiblale a lä cui nija ya juu, wama a ca̦i bufiblaö mö lä feduo wei a nija —a nowa tama.

2 Corintios 10:4

Täbä ishobä täbä ca̦i lä fuu wejei yama täbä bou malä mlai. Yai Bada etä lofote lä cui ö̦jö yama etä yai bufiblaö, fecula bada yama etä wa̦liabä.

2 Corintios 6:7

Yamacö a̦ faö ja yamacö bejedimou. ¿Ö̦jö tawä? Yai Bada tä lofotenö inaja yamacö cuaaö. Yamacö showadi lä bejedimou wei tänö yamacö nowamöo.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.