Juan 18:10 - Biblia Yanowamö

¹⁰ Ö̦jö däjä, Simón Pedro a lä cuinö, sibala a fa ucädalänö, a ishoa mö balayoma. Nofi bäyäalewä bada a wa̦ juamobä e nabä fa queicunö, jayu boco mashi lä cui jamö e yömöca baquequeblalema. Ö̦jö a nabä lä queono wei a lä cui, Maco a wa̦fa cuoma.

Juan 18:10 Iomraidhean Croise

Marcos 14:30

Jesúsnö abinaja a nowa tama. —Cafä nija ei ya wa̦ lä cui, bejedi lä ya wa̦. Ei tä didi showawä ja, cadala a wa̦ faö showao mlao däjä, cafänö 3 wale nofi nia jole jole mojodubou cuo —a cuma.

Marcos 14:47

Ö̦jö ma cui, Jesús ai e ublao lä ajedeono wei a lä cuinö, sibala a fa ucädalönö, a ishoa mö balayoma. Nofi bäyäalewä bada a wa̦ juamobä e nabä fa queicunö, a yömöca baquequeblalema.

Lucas 22:33

Abinaja Pedro a cuma. —Tä a̦ wäyäle. Bäfä nia daaimi. Täbä fe lä lamaö wejei jamö wa fe ma laquei wejei ma cui, wa shäö ma cujei, cafä nija ya nia nocao fe yadio showao —a cuma.

Juan 18:26

Nofi bäyäalewä a wa̦ bada juamobä ai e lä cui e a̦ fama, Pedronö yömöca lä baquequeblaleno wei e mashi lä cui. —Cafä wa lä cui, ¿Jesús sho ficali ca jamö bäfäcö dablanomi daanö?