Juan 17:8 - Biblia Yanowamö

⁸ Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 17:8 Iomraidhean Croise

Proverbios 1:23

’Bämacö lä wasöö wei wamale a̦ da ji̦lilä —a cuu—. Ya bufi lä cuu wei ya tä a̦ nia wawämaö. Cafä wamacö lija ya wa̦ nia wawädoo showadao.

Proverbios 1:3

Bufi dao bä ca̦i cuobeje, ei tä a̦ ja bä nia damamou, bä cadidobä, bä ca̦i dodijabä. Ai täbä nofimaö ayao mlajei, dodijidawä täbä ca̦i bluca cuobeje, ei tä a̦ li.

Proverbios 2:1

U̦asi. Wale a̦ da ji̦lilä. Ya tä tamaö lä bufii wei tä a̦ jamö, a bufi mö shi̦lo da blucaicu.

Proverbios 4:10

U̦asi. Wale a̦ da ji̦lilä. Bä yömölaö ja, wale a̦ da dälä, dodijidawä wa cudiobä.

Proverbios 8:10

’Blada wama bä nofi yaibobä mlai, camiyä lija wamacö damamobä, tä a̦ nofi yai da yaiboje. Olo bä yai lä dodijidai mlai, wamacö bufi damamobä tä a̦ shi̦lo da yailöje.

Mateo 13:11

Abinaja Jesúsnö bä nowa tama. —Yai Bada tänö cama ebä ca̦i lä cuo wei tä a̦ lä cui ja, cafä wamacö bufi jaducumabou. Tä a̦ ji̦limamou walalao showadao ma mlai ma cui, dodijidawä wama tä a̦ bluca ji̦liaö fe yadiobä, wamacö bufi damaö. Ö̦jö ma cui, ai bä mö feduwä lä cui, bä bufi jaducumaboimi.

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 15:15

’Bada a wa̦ juamobä bä lä cui, a bayeliblabeje bä li tabou —a cuma—. Bada a lä cui, cama a nia yai lä cuaaö wei, ö̦jö bä nija tä a̦fa nia wäaimi. Bä ojodamou buobä cäbä. Ö̦jö cudeenö, camiyä ya lä cuinö, “Ya wa̦ juamobä cäbä”, bämacö nofi fei däjä tabou bäami. Ma, “Iba ya bä nofimaö lä dodijile cäbä”, bämacö nofi yai tabou majöa lä cule. Fayä nija ya tä a̦ bluca lä ji̦lileno wei wama tä a̦ daö mö feduobä, ya tä a̦ bluca wäa malä waiquiqueno wei.

Juan 16:27

Cama Fayä a showawä lä cuinö wamacö malä nofimaö wei. Camiyä wamale nofimaö yalo, Fayänö wamacö nofimaö. Fayä nijamö ya cuoma ya lä waloqueyoluno wei wama tä a̦ bejedi bufii yalo, wamacö nofimaö.

Juan 16:30

Cafänö jödödöwä wa tä daö nö mlawä. Fei däjä, ö̦jö yama tä daö. Wa wa̦lii showao ma mlajei ma cui, cama bä bufi lä cuu wei, wa tä daö waiquiwä. Ö̦jö lä tänö yamacö bufi yai taamamou lä cule. Yai Bada nijamö wa cuoma wa lä waloqueyoluno wei tä lä cui, ö̦jö yama tä a̦ bejedi yai bufii lä cule —bä cuma.

Juan 17:14

Iba bä nija bäfä a̦no wäyäö ja, bä shomiblaliyoma. Yanowamö täbänö bä nofi wa̦libouje, cama bämi cudeenö. Camiyä ya shomi lä culenaja, iba bä cuwä mö feduwä yalo, bä nofi li wa̦libouje.

Juan 17:18

Yanowamö täbä nijamö camiyä wale lä shömöleno weinaja, cama bä ma cui, ya bä ca̦i shömöa mö fedulema.

Juan 17:21

Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Juan 17:23

Cama bä nija ya culanö, camiyä nija cafä wa ca̦i cuobä. Ö̦jö däjä, cama bä ma cui, moli dodijiwä bä ca̦i cuo mö feduo showaobä. Yanowamö täbä bufi jaducublobä. Cafänö eja camiyä wale lä shömöleno wei wale dabeje. Cafänö camiyä wale lä nofimalenaja, iba wa bä nofimaö mö lä feduo wei tä lä cui, ö̦jö tä ca̦i dabeje.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 3:33

A wa̦ nofi yai mölabou fe lä yadio wejei bä lä cuinö, Yai Bada a wa̦fa ca̦i bejedi taöje.

Juan 6:68

Simón Pedro abinaja e cuma. —Tä a̦ wäyäle. ¿Wedi jamö a lä cui nija yamacö juu nomöjöobä? Täbä nia lä ba̦limiblou wei, cafänö wa tä a̦ yai li tabou.

Juan 8:42

Abinaja Jesúsnö bä nowa tama. —Yai Bada wama ecö ijilubö cuo fa cunoja, wamale nö nofimabö wei. Ö̦jö lä Yai Bada nija ya cuoma ya malä juno wei. Camiyä ya juu bashio bufi fa doblaonö mlai, ö̦jönö wale yai shömölema.

1 Corintios 11:23

Bada tä Jesucristo lija camiyänö ya tä a̦ lä däleno wei, cafä wamacö lija ya tä a̦ fe dolemaö waiquioma. Abenaja tä cuoma. Bä nö lä nabämono wei bä lija, Bada tä Jesús a jimaö fe jaluo lä bufiono wei däjä, nii a dälema.

1 Corintios 15:1

Bei. Iba wamacö. Cafä wamacö lija Jesucristo dodijidawä ya etä a̦ lä wäyäno wei tä a̦ ja, bämacö bufi nia fa jaducäblamanö, ei cä ya wa̦. Ö̦jö wama tä a̦ bejedi fa dälänö, wamacö bufi lofotolanö, Jesucristo wama a nofi mölabou malä showai.

1 Tesalonicenses 2:13

Dodijidawä wama tä a̦ ji̦liama yalo, showadi Yai Bada lija yamacö bufi a̦fa ca̦i doblalou wäamou. Yama tä a̦ da wäyäblei däjä, dodijidawä yamalecö a̦ ji̦lilema. Yanowamö wama täbä a̦ bufinomi. “Yai Bada etä a̦ waiquiwä”, wama tä a̦ nofi tabou yalo, wama tä a̦ ji̦liaö ojodao showaoma. Ö̦jö etä a̦ li malä cui. Ö̦jö tä a̦nö wamacö bufi malä taamamou wei, Jesucristo wama a bejedi lä bufibou wei wamacö lä cui.

1 Tesalonicenses 4:1

Iba wamacö. Ei moli yamacö a̦ fe blacäjou co̦o. Wamacö moyawäobä bämacö yömölaö. Bada tä Jesucristo lä cuinö wamacö yömölaö nö lä cuobö weinaja showawä. Wamacö dodijabä yamacö a̦, Yai Bada wama a bufi doblamabobä. Bämacö da yömölableinaja showawä. Wamacö dodijaö lä waiquilenaja, wamacö dodijaö balafälöbä.

1 Juan 4:14

Yanowamö täbä jucäabä, bämacö lä Fö̦ömou wei a lä cuinö, bä Ijilubö e shömölema. Yama a möma. Yama a wa̦fa bejedi ca̦i wäyäö.

Apocalipsis 1:1

Camiyä Juan ya nija Jesucristonö tä lä damalaleno wei, ei tä a̦ oni. Jesucristo nija Yai Bada tänö ö̦jö tä bluca wawämalema, cama bäma ecö moyawämabou mö feduobä. Tä nö dedei showao mlao däjä, Yai Bada tänö tä nia lä taö wei tä nia cublou. Jesucristo a nosie juamobä ya lä cui nija tä dablamabä, a̦jele e shömöledayoma.