Juan 17:7 - Biblia Yanowamö

⁷ Cafänö wale lä dobäö wei tä lä cui, fei däjä tä daöje. Cafä nija showadi ya dobämou.

Juan 17:7 Iomraidhean Croise

Juan 14:20

Ö̦jö däjä, wamacö bufi nia yai jaducublou. Fayä nija camiyä ya lä cule, wama tä nia daö wawädoo. Camiyä nija cafä wamacö lä cule, wama tä ca̦i nia daö. Cafä wamacö nija camiyä ya cua mö lä fedule tä ca̦i.

Juan 16:15

Fayänö tä a̦ bluca lä tabole, iba tä a̦ li waiquiwä yalo ya wa̦. Ö̦jö cudeenö, “Camiyä ya wa̦ fa ji̦lilänö, cafä wamacö nija tä a̦ nia wawämaö”, ya malä cufe.

Juan 17:10

Iba bä bluca lä cule, afä bä li. Inaja showawä, cafänö wa bä nofi lä ibabole, iba bä ca̦i waiquiwä. Ö̦jö bänö wale doblao dablamaöje.

Juan 17:6

’Fabe —a cuma—. Ei bita jamö afä wa bä lä tabono wei, camiyä nija wa bä jöböbema. Wa bä lä jöböbeno wei bä nija, cafä bäfä damalalema. Wa wa̦ nofi cadidibouje.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.