Juan 17:5 - Biblia Yanowamö

⁵ Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 17:5 Iomraidhean Croise

Mateo 25:34

’Ö̦jö däjä, bada ya yai lä cuinö, jayu ya boco mashi jamö bä lä cule, abinaja ya bä nowa nia taö. “Fayänö wamacö lä bayelibou wei wamacö lä cui, äyämö bämacö nia ajedemabou, camiyä nija wamacö dodijidawä cuobä. Bita tä colo jaba lojodobou showao mlao däjä, bämacö ca̦i nia lä cuo wei, Fayänö tä daö showaoma.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 10:30

Fayä sho, ö̦jö yafäcö waiquiwä —a cuma.

Juan 14:9

Abinaja Jesús e cuma. —Felipe. Cafä wamacö nija ya nö ma dedeale ma cui, ¿wale daimi showawä tawä? Camiyä wale lä möö wejei bä lä cuinö, Fayä a möö waiquiweje. ¿Wedinaja wa bufi li fa cunö, “Faafä a da jömöba”, bei wa li cuu cule?

Juan 17:1

Inaja Jesús a fa culunö, fedu jamö a mö fa nonoicunö a wa̦ fama. —Fabe, Fabemi. Wale taamaö lä bufio wei, fei däjä tä cublou waiquia lä cule. Ijilufä wale doblao da damalalö, cafä bäfä ca̦i doblao dablamaö mö feduo showadaobä.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Juan 3:13

Abinaja e cuu co̦oma. —Fedu jamö a yanowamö lä ösölayono wei a cuami, wama a wa̦ ji̦liabä. Ö̦jamö lä ya cuoma ya lä itolayono wei ya lä cuinö ya tä shino li daö, ya lä yanowamöblaleyoluno wei ya lä cuinö.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.

Filipenses 2:6

Jesucristo a lä cui, “Yai Bada a waiquiwä”, a nofi tabobeje a ma cuono wei ma cui, ö̦jö tä ja a bufi mö blucaonomi.

Hebreos 1:10

Abenaja Yai Bada a ca̦i jo̦wa cuma, bä Ijilubö e lija. Cafä Bada wa lä cui, jaba däjä bita wa colo lä lofotoblamaleno wei wa. Judu mösö ma cui, cafä wa showawänö, wa mösö ca̦i lelemaquema.

Hebreos 1:3

Yai Bada bä Ijilubö e lä cuinö, bä Fö̦ö e doblao damalalema. Yai Bada a cuwä lä dodijiinaja, inaja showawä bä Ijilubö e cuwä mö feduwä. Cama a wa̦ lofotenö, jödödöwä tä fuwäbou showaa lä cule. ¿Ö̦jö tawä? Yanowamö täbä doblou lä mlai täbä bufi aublobä tä tama. Ö̦jö däjä, Yai Bada tä nö shi̦lo wa̦lojaö lä ayai tä lä dicäladi jamö, a dicäquedayoma. Yai Bada jayu boco mashi jamö a dicäquedayoma.

1 Pedro 1:20

Yedu jamö ma cui, Yai Bada tänö tä daö showaoma. Bita a colo lojodomabou showao mlao däjä, inaja Cristo a nia taamaö showaoma. Ya̦cumö a yai wawäblaliyoma, Yai Bada tänö täbä nia lä jömaö wei tä ajedou yaio däjä. Fei däjä wamacö bayeliblamobä, ya̦cumö Cristo a wawäblaliyoma.

1 Pedro 1:21

A fa wawäblalunö, cama nija wamacö bufi cuquema. Wamacö bufi fa cuicunö, Yai Bada wama a bufibou, a demi jocädamaö lä co̦layono wei a lä cui. Ö̦jönö a doblamaquedayoma. ¿Ö̦jö tawä? Yai Bada wama a nofi mölabobä inaja a taamama, showadi wama a bufiblabä. Wamacö bayelibou fe balojowä cudeenö, cafä dodijidawä wama ecö yai cuobä wamacö.

1 Juan 1:2

Ba̦limi täbä lä tablamaö wei a lä cui, Yai Bada tänö a fa yanowamöblamalönö, yama a möma. Ö̦jö lä bei yama a wa̦fa wäyäö. Ba̦limi täbä lä tablamaö wei a lä cui, bä Fö̦ö e nija a ba̦limi cuo showao balöoma. Cafä wamacö nija, ö̦jö yama a wa̦fa wäyäö, camiyä yamacö nija a lä damalaleno wei a showawä lä cui.

Apocalipsis 13:8

¿Ö̦jö tawä? Bita jamö bä yanowamö bluca lä cublai bä lä cui, ö̦jö nija bä möfe bolanö a wa̦fa nia bada doblao taöje. Bä nia ba̦limi lä cudio wei, Yai Bada tänö bä a̦fa lä onibole si ja bä a̦fa lä cule, ö̦jö bä lä cui bä nö bayeli nia shino nacaomi ayao. Ulifi a tablamou showao mlao däjä, ö̦jö bä a̦fa bluca tabou showadaoma. Ö̦jö si lä cui, Oweja a wa̦fa ocalo lä jilamou wei, ö̦jö esi li oni, a lä shämono wei a lä cui.

Apocalipsis 3:21

Bä nö wa̦lojaö lä ayao wei bä lä cui, bada ya bä nia tablamaö. Camiyä ya lä döcäo wei täcö ja bä nia döcäo ajedeblou. Camiyä ya nö ca̦i wa̦lojaö fa ayaonö, Fayä a lä döcäo wei etäcö ajede jamö wale döcämabou lä culenaja showawä.