Juan 17:3 - Biblia Yanowamö

³ Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 17:3 Iomraidhean Croise

Proverbios 8:35

Camiyä wale yai lä dablaö wei a lä cui, a nia demi lä cudio wei tä yai dablaö malä cui. Jeobaanö a nofi fa ojodadanö a nia lä bayelibou wei tä ca̦i.

Isaías 53:11

A bufi nö ma bleaano wei ma cui, ö̦jö tä dodijidawä fa dalalönö, a bufi nia doblao fe yadio. Jeobaa a nosie fuamobä a lä cui, a lä bejedimou wei ö̦jö a. Ö̦jö a lä daö wejei bä lä cui, a daöje yalo, jai bä bejedimou waiquiwä Jeobaanö bä nofi nia bluca tabou. Bä doblou lä mlai, cama lija etä nowa nia bluca yädäo.

Marcos 9:37

—Ei a lä culenaja a wai ijilu lä cui, a shomi ma cui, camiyä ya wa̦nö a wai nofimaö fe yadioje ja, camiyä ma cui wale nofimaö mö feduoje. Inaja showawä, camiyä wale nofimaöje ja, wale lä shömöleno wei a ma cui, ö̦jö a nofimaö mö feduo showaoje —bä nowa tama.

Lucas 9:48

Ö̦jö däjä, abinaja bä nowa tama. —Ei ijilu a lä cui, a shomi ma cui, camiyä ya wa̦nö a wai nofimaö fe yadioje ja, camiyä ma cui wale nofimaö mö feduoje. Inaja showawä, camiyä wale nofimaöje ja, wale lä shömöleno wei a ma cui, ö̦jö a nofimaö mö feduo showaoje. ¿Ö̦jö tawä? Cafä wamacö nijamö a jömöo lä mlai a lä cui, a nofi bada tabou lä mlajei, ö̦jö a lä cui, Yai Bada tänö bada bei a nofi shino yai tabou.

Juan 10:36

¿camiyä bei wamale nia li bufiblaimi, eja, bita jamö Fayänö wale shömabä, wale lä yaileno wei ya lä cui? Yai Bada ya a̦fa Ijilubö jilou yalo, ¿wedi tabä “Yai Bada wa tä nö waiblaö”, wamale nowa li taö dicoo?

Juan 11:42

Showadi wale a̦ shino lä ji̦liaö wei, ya tä daö waiquiwä ma cui, ei bä ublaa lä ajedele bä bufi jaducublobä ya wa̦. Cafänö wale lä shömöleno wei, tä a̦ yai bejedi bufibeje —a cuma.

Juan 14:26

Ö̦jö ma cui camiyä ya wa̦nö, Fayänö Bayeliawä a nia shömaö, cama a Bufi showawä lä cui. Ö̦jö a lä cuinö, bluca tä lä cule tä ja wamacö nia yömölabodii juo. Cafä wamacö nija ya tä a̦ bluca lä wäyäno wei tä a̦ ja, wamacö bufi nia jaducuamaö juo.

Juan 17:18

Yanowamö täbä nijamö camiyä wale lä shömöleno weinaja, cama bä ma cui, ya bä ca̦i shömöa mö fedulema.

Juan 17:21

Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Juan 17:23

Cama bä nija ya culanö, camiyä nija cafä wa ca̦i cuobä. Ö̦jö däjä, cama bä ma cui, moli dodijiwä bä ca̦i cuo mö feduo showaobä. Yanowamö täbä bufi jaducublobä. Cafänö eja camiyä wale lä shömöleno wei wale dabeje. Cafänö camiyä wale lä nofimalenaja, iba wa bä nofimaö mö lä feduo wei tä lä cui, ö̦jö tä ca̦i dabeje.

Juan 17:25

’Fabe, cafä wa lä cadidou wei wa. Yanowamö täbänö wa daö ma mlajei ma cui, camiyänö bäfä daö. Iba bä lä cuinö, eja wale lä shömöleno wei, wale ca̦i daöje.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 3:34

¿Ö̦jö tawä? Yai Bada tänö a lä shömöleno wei a lä cui, ö̦jönö cama a wa̦no wäyäö. Yai Bada tänö a fa dobälönö, bei a Bufinö a malä jödödöbole.

Juan 5:44

Yai Bada a yami lä cule nija wamacö a̦fa dodijaö tamobä tä ma cule ma cui, ö̦jö tä lä cui wama tä nofi yai cadidiboimi. Ma, Yai Bada nija mlai, yanowamö täbä nija wamacö a̦fa shino dodijaö tamou bufi doblao. Ö̦jö cudeenö, camiyä wamale a̦ bejedi nö bufibimi waiquiwä.

Juan 6:57

’Fayänö wale shömölema, täbä lä ba̦limiblamaö wei a lä cuinö —a cuma—. Ba̦limi ya cuobä, camanö wale tablalema. Inaja showawä, wale lä waö wejei bä lä cui, camiyänö ba̦limi ya bä nia tablamaö.

Juan 7:29

Camiyänö ya shino daö lä cule. Cama a lä culadi jamö ya cuoma ya malä waloqueno wei. Ö̦jönö wale shömölema —a cuma.

Juan 8:19

Inaja a cuma yalo, abinaja bä cuu nomöjöoma. —¿Wedi jamö Faafä bei a, ö̦jö lä? Abinaja Jesúsnö bä nowa tama. —Fayä wama a daimi waiquiwä. Camiyä wamale ca̦i daimi. Camiyä wamale daö fa cunoja, Fayä a ma cui, wama a nö ca̦i daö mö feduobö wei—bä nowa tama.

1 Corintios 15:34

Bä bufi da jaducäicu. Wa̦lidiwä wama tä taö dicoo mlai. “Yai Bada ya daö”, wamacö cuu ma cui, ai wamacö bejedimou malä mlai. Wamacö shädayaimobä ya wa̦.

1 Corintios 8:4

¿Ö̦jö tawä? Nö ijidubö täbä lija täbä yalo fa dodobojenö, täbä yalo ma waö wejei ma cui, ei bäma tä daö. Täbä nö ijidubö lä bufiblamou wei täbä demimi. A bufiblamobä moli Yai Bada a cua ayaa.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

Filipenses 3:10

Jesucristo ya daö wawädoobä, ö̦jö ya tä bluca joyaö ojodaoma. A demi lä jocädamaleno wei etä lofote showawänö, showadi wale bayelibobä. Jesucristo ya wa̦ lä fuaö wei tä nowa ja, wale nö ma bleaamaö wejei ma cui, Yai Bada lija ya noshi ö̦jödao fe yadiobä. Yai Bada a wa̦ fuama yalo, Jesucristo a nö bleaaö ojodao malä balöono wei. Ya nomabä tä ma cublou däjä ma cui, ya noshi ö̦jödao fe yadiobä. Cama a nomaö malä ojodaono wei.

Filipenses 3:8

Ö̦jö lä, jödödöwä ya tä nofi jaba lä tabono wei ya tä bluca joyalema. Bada ya tä Jesucristo yai nofiaö fe balojoobä, “Tä nowa cuami waiquiwä”, ya täbä nofi bluca tabou majöa. Jesucristo ya yai tabobä, ai ya tä bluca waia waiquilema. Jai shii bä jilaa tejemi ya tä nofi tabou nomöjöa lä cule. Jesucristo lija ya fa yädäicunö, ya yai bayelio dodijiobä.

1 Tesalonicenses 1:9

Cama cäbä showawä ma cuinö tä a̦fa malä wayoaö wejei. Cafä wamacönö dodijidawä yamalecö a̦ lä ji̦liano wei tä a̦fa wayoaöje. Nö ijidubö bä lija wamacö nö jaba bayeli ma nacaono wei ma cui, Yai Bada wama a nofi yai mölabobä, wama bä jo̦wa fujeblalema. Yai Bada tä demi cua shi lä wa̦lile, tä Yai Bada bejedi bufiblamobä tä lä cule, ö̦jö wama a nosie yai fuaö majöobä wamacö bufi mö jo̦wa yabajadaliyoma.

2 Tesalonicenses 1:8

Yai Bada tä daö bufio lä mlajei bä nabä fa queicunö, a nö yuo cuquei. Bada tä Jesús etä a̦ dodijidawä ji̦liblaö lä mlajei bä nabä nia ca̦i queo.

Hebreos 3:1

¿Ö̦jö tawä, iba wamacö? Jesucristo ai ebä yaia lä culenaja, cafä wama ecö ma cui, wama ecö yaia cua mö fedua. Cafä wamacö ma cui, wamacö ca̦i cadidia mö fedulema. Jesús lija bä bufi da daeo, Yai Bada a wa̦no wäyäyolubä a lä shimöledayono wei a lä cui lija. Nofi bäyäalewä bäma a shi̦lo Bada bufibobä, ö̦jö Jesús a waiquiwä.

2 Pedro 1:2

Bei. Yai Bada wama a daö yalo, Bada tä Jesús wama a ca̦i daö yalo, bä shino bayeliblamou da dodijio. Ö̦jö lä cäcöbönö wamacö nofi shino ojodaboböbä. Wamacö bufi shino ca̦i yanöcömaboböbä.

2 Pedro 1:3

Yai Bada bäma a daö yalo, cama etä lojodenö bämalecö bufi showadi bayelibou. Eja dodijidawä bämalecö tamabou fe yadio, bäma a bufi yai doblamabobä. Cama a lä doblalenaja bämacö dodijidawä cuo mö feduobä, bämalecö nacalema.

2 Pedro 1:8

Einaja wamacö yai cuaabä. ¿Ö̦jö tawä? Bada tä Jesucristo wama a yai daö ja, inaja wamacö bufi nia cuaaö lojodoo. Ö̦jö däjä wamacö doblou lä mlai tä ma läle ma cui wamacö nia doblou fe yadio. Wamacö ca̦i nia yai dodijaö.

1 Juan 1:2

Ba̦limi täbä lä tablamaö wei a lä cui, Yai Bada tänö a fa yanowamöblamalönö, yama a möma. Ö̦jö lä bei yama a wa̦fa wäyäö. Ba̦limi täbä lä tablamaö wei a lä cui, bä Fö̦ö e nija a ba̦limi cuo showao balöoma. Cafä wamacö nija, ö̦jö yama a wa̦fa wäyäö, camiyä yamacö nija a lä damalaleno wei a showawä lä cui.

1 Juan 1:3

Yama a lä möno wei, yama a wa̦ ca̦i lä ji̦lino wei, cafä wamacö nija yama a wa̦fa wäyäö, cafä sho bämacö nofi bluca tamayobä. Bämacö lä Fö̦ömou wei a sho, bä Ijilubö Jesucristo e ca̦i sho, bämacö nofi bluca tamayobä.

1 Juan 2:23

Yai Bada bei Ijilubö e lä waii wejei bä lä cuinö, bä Fö̦ö e ma cui e taboimije. “Ö̦jö lä a waiquiwä”, Jesús a nofi tabolajenö, a nofi lä mölabou wejei bä lä cuinö, Jesús, bä Fö̦ö sho cäcöbä tabou bolacaaje.

1 Juan 4:6

Camiyä bämacö mö feduwä lä cui, Yai Bada bei bäma ecö li. Yai Bada tä lä daö wejei bänö bämalecö a̦ ji̦liaö bufi doblaoje. Yai Bada ebä lä mlai bänö bämalecö a̦ ji̦lii bufiomije. Ö̦jö lä tänö Yai Bada tä Bufi lä tabou wejei bäma bä nö ö̦jöböaö. Bä lä jolemou wei bä ca̦i.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.