Juan 17:23 - Biblia Yanowamö

²³ Cama bä nija ya culanö, camiyä nija cafä wa ca̦i cuobä. Ö̦jö däjä, cama bä ma cui, moli dodijiwä bä ca̦i cuo mö feduo showaobä. Yanowamö täbä bufi jaducublobä. Cafänö eja camiyä wale lä shömöleno wei wale dabeje. Cafänö camiyä wale lä nofimalenaja, iba wa bä nofimaö mö lä feduo wei tä lä cui, ö̦jö tä ca̦i dabeje.

Juan 17:23 Iomraidhean Croise

Juan 10:38

Ö̦jö ma cui, ya tä yai taö däjä, camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi juducua fe da yadiicu. Camiyä nija Fayä a lä cule, wama tä daö fe yadiobä. Cama nija camiyä ya ca̦i lä cule, wama tä ca̦i dabä. Ö̦jö yafäcö —Jesús a cuma.

Juan 13:35

Wamacö yai lä nofimayou wei tänö, camiyä nija wamacö lä nocao wei, bluca täbä nija wamacö nö nia yai ö̦jöböamou —a cuma

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 14:23

Abinaja Jesús e cuma. —Wale lä nofimaö wejei bänö, wale a̦ nofi nia cadidibouje. Fayänö bä nia nofimaö. Ö̦jö bä nija yafäcö nia walooyoluu, yafäcö bälödiobä.

Juan 15:9

Fayänö camiyä wale nofimaö lä culenaja, bämacö nofimaö cuwä mö feduwä. Bämacö lä nofimale tä ja bä da yanöcöicu.

Juan 16:27

Cama Fayä a showawä lä cuinö wamacö malä nofimaö wei. Camiyä wamale nofimaö yalo, Fayänö wamacö nofimaö. Fayä nijamö ya cuoma ya lä waloqueyoluno wei wama tä a̦ bejedi bufii yalo, wamacö nofimaö.

Juan 17:11

Fei däjä, ei bita a lä cui ya nia daaö. Iba bä cuo juo däjä, cafä nijamö ya nia co̦o. ’Fabe. Cafä yami wa yaia —a cuma—. Cafä sho bäfäcö moli lä culenaja bä molio mö feduobä, bä da nowama. Cafä wa lojodenö wa bä nowamabä, camiyä nija wa lojode lä wäyämono wei tä showawä lä cuinö.

Juan 17:21

Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Juan 17:26

Fei bä nija cafä bäfä damalalema. Inaja showawä, bäfä nia dablamaö cuo showao, cafänö wale lä nofimaö weinaja, yanowamö täbä nofimaö cuo mö feduobeje. Cama bä nija ya yai cuobä —a cuma.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 6:56

Wale ya̦ji lä waö wejei, wale i̦yabö lä coaö wejei, ö̦jö bä lä cui camiyä nija bä yanöcöwä cua, cama bä nija ya ca̦i yanöcöwä cua mö fedua.

1 Corintios 1:30

Jesucristo lija wamacö bufi fa yädäicunö, Yai Bada tänö wamacö ba̦limibou lä cule. ¿Ö̦jö tawä? Cama bufi moyawe etä lä cuinö bämacö bufi li camiyä moyawäblaliyoma. Cama dodijidawä etänö, bämacö li dodijidablaliyoma. Yai Bada bäma ecö dodijidawä cuobä, Jesucristo lija bämacö yaimoa yädälayoma. Bämalecö nowa fa co̦macönö, Yai Bada lija bämalecö ajedea comaquema.

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Gálatas 3:28

¿Ö̦jö tawä? Jesucristo lija täbä moliblou. Judio bä ma cui, judio bä lä mlai bä ma cui, bä nosie fuamobä bä lä tabou wejei bä ma cui, bä tabou lä mlajei bä ma cui, wa̦lo bä ma cui, suwä bä ma cui, Jesucristo lija, moli bä bluca cublou.

Filipenses 3:15

Yai Bada lija bämacö bufi moyawe lä waiquii bämacö lä cui, ya lä cufe tä a̦ ja bämacö bufi bluca shaliliobä. “Inaja lä waiquiwä”, ai wamacö bufi cuimi bädao ja, Yai Bada tänö tä wawämaö weicätä.

Colosenses 1:28

Wawädowä, ö̦jö yama a wa̦fa shi̦lo yai wäyäö. Yamacö a̦ moyawälanö yama bä bluca wasöbou, yama bä bluca ca̦i yömölabou, Yai Bada lija bä nia lä icuo wei däjä, Cristo ebä bufi bluca jaducäwä ca̦i icuobä.

Colosenses 2:2

Wamacö bufi ca̦i bluca lofote cuobä ya ojodamou. Wamacö lä nofimayou wei tänö, jai moli wamacö mashi cublobä. Bufi jaducälanö, Jesucristo wama tä a̦ nofi yai mölabobä. Yai Bada tänö tä a̦ jaba lä jo̦yabono wei wama tä a̦ fa dalalönö, ö̦jö tänö Cristo wama a yai dablabä. Ö̦jö däjä wamacö bufi nia shi̦lo yai doblalou.

Colosenses 3:14

Abenaja bä shi̦lo yai da cuaa. Bä bufi yai da nofio, ¿ö̦jö tawä? Wamacö yai lä nofimayou wei tänö, dodijidawä wamacö nia shi̦lo yai cuo.

1 Pedro 5:10

Fei däjä wamacö nö ma bleaaö wei ma cui, tä nö nia dedeaimi. Wanonowä wamacö nö bleaaö fa balöonö, cama Yai Bada tä showawänö dodijidawä wamacö nia tabou fe yadio. Wamacö bufi ca̦i nö nia wa̦lojomabou, wamacö bufi shominajablou si ijejeo mlaobä. Wamacö bufi ca̦i nia lojodomabou. ¿Ö̦jö tawä? Yedu ja ma cui bämalecö daö showadaoma. Cristo bäma ecö cuobä bämalecö nacalema, cama ba̦limi a doblao lä culadi jamö, ba̦limi bämacö doblao cuo mö feduodayobä. Showadi bämalecö bayelibou. No mlai ja bämalecö nofi bluca ojodabou talei.

1 Juan 1:3

Yama a lä möno wei, yama a wa̦ ca̦i lä ji̦lino wei, cafä wamacö nija yama a wa̦fa wäyäö, cafä sho bämacö nofi bluca tamayobä. Bämacö lä Fö̦ömou wei a sho, bä Ijilubö Jesucristo e ca̦i sho, bämacö nofi bluca tamayobä.

1 Juan 3:1

Bämacö lä Fö̦ömou wei a lä cuinö, ¡bejedi lä bämalecö nofimaö! Bämalecö nofimaö dodijia ja lä, Yai Bada bei ijilubö bäma ecö a̦fa jilamobä bämalecö tablamalema. Ö̦jö bäma ecö waiquiwä malä cui. Yanowamö täbänö Yai Bada tä daö fa mlacujenö, camiyä bämalecö nö ca̦i ö̦jöböboimi mö feduweje.

1 Juan 4:19

Yai Bada tänö bämalecö nofimaö balöoma yalo, cama bäma a nofimaö nomöjöa, cama ebä ma cui, ö̦jö lä bäma bä ca̦i bluca nofimaö.

Apocalipsis 3:9

¿Ö̦jö tawä? Ö̦jö bä a̦fa jole jole judio lä jilou wei bä lä cui, bä jolemou. Sadanasi a nofi yai co̦camoaöje. ¿Ö̦jö tawä? Iba Filadefiateli bä cotä jamö, ya bä möfe nia bomabou. Iba ö̦jö ya bä showadi lä nofimaö wei, ya tä nia dablamaö.