Juan 17:21 - Biblia Yanowamö

²¹ Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Juan 17:21 Iomraidhean Croise

Marcos 3:24

Bä bälöa lä yaile bä nofi wa̦liayou däjä, bä nia bälöo lojodoo majöomi.

Juan 10:16

’Ai ya bä oweja ca̦i tabou, fei ya bä lä ji̦colobole mlai. Ö̦jö ya bä blacämaö mö feduobä ya. Ö̦jö bänö wale a̦ ca̦i nia ji̦liaöje. Ö̦jö ya bä fa co̦lönö, oweja moli bä nia shino yododoo. Ya bä nowamabä, moli ya nia shino läo.

Juan 10:30

Fayä sho, ö̦jö yafäcö waiquiwä —a cuma.

Juan 10:38

Ö̦jö ma cui, ya tä yai taö däjä, camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi juducua fe da yadiicu. Camiyä nija Fayä a lä cule, wama tä daö fe yadiobä. Cama nija camiyä ya ca̦i lä cule, wama tä ca̦i dabä. Ö̦jö yafäcö —Jesús a cuma.

Juan 11:42

Showadi wale a̦ shino lä ji̦liaö wei, ya tä daö waiquiwä ma cui, ei bä ublaa lä ajedele bä bufi jaducublobä ya wa̦. Cafänö wale lä shömöleno wei, tä a̦ yai bejedi bufibeje —a cuma.

Juan 13:32

¿Ö̦jö tawä? Yai Bada ya doblao dablamaö ja, cama Yai Bada tänö camiyä ya lä yanowamöblaleyoluno wei ya lä cui, wale nö nia ca̦i doblao ö̦jöböamaö showadao.

Juan 13:35

Wamacö yai lä nofimayou wei tänö, camiyä nija wamacö lä nocao wei, bluca täbä nija wamacö nö nia yai ö̦jöböamou —a cuma

Juan 17:11

Fei däjä, ei bita a lä cui ya nia daaö. Iba bä cuo juo däjä, cafä nijamö ya nia co̦o. ’Fabe. Cafä yami wa yaia —a cuma—. Cafä sho bäfäcö moli lä culenaja bä molio mö feduobä, bä da nowama. Cafä wa lojodenö wa bä nowamabä, camiyä nija wa lojode lä wäyämono wei tä showawä lä cuinö.

Juan 17:18

Yanowamö täbä nijamö camiyä wale lä shömöleno weinaja, cama bä ma cui, ya bä ca̦i shömöa mö fedulema.

Juan 17:20

’Fei iba bä waiquiwä lä cui, ya bä nö bayeli nacaö ayaomi —a cuma—. Cama bä a̦nö wale a̦ nia bejedi lä bufiaö wejei, ö̦jö ya bä nö ca̦i bayeli nacaö.

Juan 17:25

’Fabe, cafä wa lä cadidou wei wa. Yanowamö täbänö wa daö ma mlajei ma cui, camiyänö bäfä daö. Iba bä lä cuinö, eja wale lä shömöleno wei, wale ca̦i daöje.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 5:23

wale nofi dodijidawä tabobeje. Fayä Yai Bada a lä cui, a nofi dodijidawä lä tabou wejeinaja, bä Ijilubö ya e ma cui wale nofi ca̦i tabou mö feduobeje. Bä Ijilubö wale nofi dodijidawä tabou lä mlajeinaja, Fayä a ma cui inaja showawä a nofi ca̦i taboimi mö feduweje, wale lä shömöleno wei a lä cui.

Hechos 2:46

Cama bä bluca lä cui, showadi Yai Bada e yafi jamö bä yododaö nosi blacäcodima. Cama bä yafibö jamö bä iyaö ca̦i co̦camodima. Bä iyamayou bufi doblaoma.

Hechos 4:32

Jesucristo bufilewä bä lä cui, bä bufi shedecou mlai ja, moli tä ja bä bufi bluca yaimoma. Bä bluca lä tabono wejei bä ma cui ja, “Ei iba moli tä li cuobä”, bä cunomi. Bä bufi läablalou mlai ja, bä madofibö nofi bluca ibamayoma.

Romanos 12:5

Inaja showawä, Cristo lija bämacö bluca yädäa yalo, bämacö li moli. Bämacö bluca nia lä bayeliblamou wei bämacö shomiblawä.

1 Corintios 1:10

Iba wamacö. Bada tä Jesucristo a wa̦nö bämacö yömölaö. Moli tä a̦ showawä ja, bä bufi da shalilo. Wamacö a̦ fa majöablalonö, wamacö bufi shedecou mlai. Moli tä a̦ ja wamacö fa cadidonö, wamacö dodijabä.

1 Corintios 12:12

Yanowamö wa moli ma cui wa bayucuwä. Wa bayucuwä ma cule wa moli showawä. Cristo lija bämacö lä yädäo wei, inaja tä cuwä mö feduwä.

1 Corintios 6:17

Ö̦jö ma cui, Bada tä lä culadi a lija a bufi lä yädäo wei a lä cui, Jesucristo sho cäcöbä bufi moliblaliyo.

Gálatas 3:28

¿Ö̦jö tawä? Jesucristo lija täbä moliblou. Judio bä ma cui, judio bä lä mlai bä ma cui, bä nosie fuamobä bä lä tabou wejei bä ma cui, bä tabou lä mlajei bä ma cui, wa̦lo bä ma cui, suwä bä ma cui, Jesucristo lija, moli bä bluca cublou.

Filipenses 1:27

Bei tawä. Cristo dodijidawä etä a̦nö wamacö taamaö lä bufii weinaja bä da cuaa. Wamacö cadidoimi fa dicoonö, jai tä a̦ nowa cuami bä bufi tamaö dicoo dijeje. Bämacö möyou co̦obä tä ma cui, bämacö möyou ma mlai ma cui, moli tä ja wamacö bufi bluca lä cadidio wei bämacö wa̦no ji̦liabä. Wamacö fa bayeliblayonö, wamacö nö bluca lä wa̦lojaö wei ya tä a̦ yai ji̦liabä. Jesucristo etä a̦ dodijidawä bufiblamou fe yadiobä.

1 Juan 1:3

Yama a lä möno wei, yama a wa̦ ca̦i lä ji̦lino wei, cafä wamacö nija yama a wa̦fa wäyäö, cafä sho bämacö nofi bluca tamayobä. Bämacö lä Fö̦ömou wei a sho, bä Ijilubö Jesucristo e ca̦i sho, bämacö nofi bluca tamayobä.

1 Juan 5:7

Yai Bada tä Bufinö, ö̦jö tä a̦ ca̦i bejedi wäyäö. Tä a̦ lä bejedi wei tä a̦ wäyäbä, ö̦jö Yai Bada tä Bufi malä waiquii.