Juan 17:2 - Biblia Yanowamö

² Jödödöwä ya täbä juwäbobä, Bada wale malä tablamaleno wei, camiyä nija wa bä bluca lä jöböbeno wei, ba̦limi ya bä tablamabä.

Juan 17:2 Iomraidhean Croise

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Mateo 25:46

’Ö̦jö däjä, bä nö bleaaö shi wa̦libä, bä nia alayofälöö. Ö̦jö ma cui, bä lä cadidou wei bä lä cui, ba̦limi bä nia lä cudio wei jamö ö̦jö bä nia juu ayao —Jesús a cuma.

Mateo 28:18

Abinaja Jesúsnö bä nowa tama. —Fedu jamö ma cui, bita jamö ma cui, bluca täbä lä cublai täbä ja ya Bada cuobä, camiyä Yai Bada tänö wale tablamalema.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Juan 17:6

’Fabe —a cuma—. Ei bita jamö afä wa bä lä tabono wei, camiyä nija wa bä jöböbema. Wa bä lä jöböbeno wei bä nija, cafä bäfä damalalema. Wa wa̦ nofi cadidibouje.

Juan 17:9

’Ö̦jö ya bä nö bayeli nacaö lä cule —a cuma—. Yanowamö ya täbä nö bayeli nacaö ma mlai ma cui, cafänö wa bä lä jöböbeno wei, ö̦jö ya bä shino yai bayelimaö. Afä bä malä cui.

Juan 3:35

Bämacö lä Fö̦ömole a lä cuinö, showadi bä Ijilubö e yai nofimaö. Jödödöwä täbä lojodobobä, a Bada tablamalema.

Juan 4:14

camiyänö ya u lä jöbäaö wei u co̦aöje ja, bä amishaö co̦daaö mlaicätä. Ubä fe lä jojoblai jamö ubä fadii shi wa̦lii lä cuaaö weinaja, ba̦limiblamodima ya u nia lä jöbäaö wei, inaja u fa cuaadinö, ba̦limi bä nia cuo shi wa̦lii —a nowa tama.

Juan 6:27

’Nii bä mladou si lä ijejei bä ja, bä cuaablalou fe balojoo dijä. Täbä ba̦limi cuobä cäcö nii ja, wamacö shino yai ojodamobä. Ö̦jö cäcö nii ja wamacö dobämobä, ei lä ya waiquiwä, camiyä ya lä yanowamöblaleyoluno wei ya lä cui. Fayä Yai Bada tänö wale nö malä ö̦jöböamale —bä nowa tama.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Juan 6:39

’¿Ö̦jö tawä? —a cuma—. Wale lä shömöleno wei a lä cuinö, abinaja wale taamaö bufi doblao. Tä lä jödödöblole däjä, moli ya feimabou mlai ja, iba bä lä jöböbeno wei ya bä demi bluca jocädamaö co̦obä, wale tamabou bufi doblao.

Romanos 6:23

Wa̦lidiwä tä lä taö wejei tä nowa ja täbä malä nomaö wei. Ö̦jö ma cui Bada tä Jesucristo lija bämacö bufi cua yalo, Yai Bada tänö no mlai ja bämalecö bayeliblaö, ba̦limi bämacö cuobä.

1 Corintios 15:25

Täbä nö lä nabämou wei bä lä cui, Cristo lija Yai Bada tänö bä bluca blamabou showao mlao däjä, Cristo a nia bälöo lofotomabou dodijio.

Efesios 1:20

Cristo a demi jocädamaö co̦layoma. Fedu jamö, cama jayu boco mashi jamö, a ca̦i dicämaquedayoma.

Filipenses 2:10

¿Ö̦jö tawä? Bluca bä lä bälöjöi bänö Jesús a nö Bada ö̦jöböabeje, Bada bei a yai tablamalema. Fedu jamö bä bluca lä culadi bä ma cui, bita jamö bä bluca lä cublai bä ma cui, mashita a co̦jomö jamö bä bluca lä cublai bä ma cui, Jesús lija bä möfe bluca quilili boobä, Bada a tablamalema.

1 Timoteo 1:16

Ö̦jö ma cui, täbä bufi bluca nia fa jaducäblamanö, camiyä ya yai doblono lä mlai yale nofi asiboma. Täbä ba̦limiobä a bejedi nia obi lä bufibono wejei täbä lija, Jesucristo a bufi nia oquewä fa dablamonö, camiyä wale nofi asibou balöoma. “Ö̦jö a nö joyaa yailebö a ma cui, a nofi malä asibono wei”, bä bufi nia fa tadamanö.

Hebreos 1:2

Ö̦jö ma cui, fei däjä, Yai Bada tänö täbä nia lä jimaö wei tä cublou ajedou däjä, camiyä bämacö lija a wa̦no wäyämamou nomöjöobä, bä Ijilubö e yai shimöledayoma. ¿Ö̦jö tawä? Bä Ijilubö e lija, Yai Bada tänö jödödöwä tä lä cule tä bluca tablamalema. Ö̦jö täbä bluca ja a Bada läobä, a yaia showadalema.

1 Pedro 3:22

A demi jocädou fa co̦lonö, fedu jamö a co̦molayofälöma. Yai Bada jayu boco mashi jamö a cua lä culadi. A̦jele täbä ma cui, täbä bada lä läladi täbä ma cui, täbä ca̦i lojode lä culadi täbä ma cui, ö̦jö lä täbä bluca nija Jesucristo a Bada läadayoa.

1 Juan 1:2

Ba̦limi täbä lä tablamaö wei a lä cui, Yai Bada tänö a fa yanowamöblamalönö, yama a möma. Ö̦jö lä bei yama a wa̦fa wäyäö. Ba̦limi täbä lä tablamaö wei a lä cui, bä Fö̦ö e nija a ba̦limi cuo showao balöoma. Cafä wamacö nija, ö̦jö yama a wa̦fa wäyäö, camiyä yamacö nija a lä damalaleno wei a showawä lä cui.

1 Juan 2:25

¿Ö̦jö tawä? Camiyä bämacö nija Jesucristonö tä a̦fa lä wäyäno wei tä lä cui, bämacö nia lä ba̦limiblou wei tä a̦fa yai wäyäma.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

Judas 1:21

¿Ö̦jö tawä? Yai Bada tänö wamacö lä nofimaö wei wama tä bufibolanö, bä shino dodijidawä da cuo. Bada tä Jesucristonö wamacö nofi ojodabou yalo, ba̦limi wamacö nia cuo. Ö̦jö tä ja bä nö yai da daicu.