Juan 17:13 - Biblia Yanowamö

¹³ ’Ö̦jö ma cui, fei däjä cafä nija ya co̦o —Jesús a cuma—. Camiyä ya bufi doblalou lä culenaja, bä bufi doblalou cuo mö feduobä, eja ya cuo showao däjä ya tä a̦ bluca wäyäö.

Juan 17:13 Iomraidhean Croise

Juan 13:3

Jesús a lä cuinö, jödödöwä täbä lojodobobä, bä Fö̦ö enö Bada a yai tablamaö lä waiquilayono wei tä daö waiquioma. Yai Bada nija a cuo lä balöono wei tä ca̦i daö showaoma. Ö̦jö nijamö a nia lä co̦o wei tä ca̦i.

Juan 15:11

’Camiyä ya bufi doblalou lä culenaja wamacö cuo mö feduobä, bämacö yömölaö lä cule —a cuma—. Wamacö bufi shino yai doblalobä.

Juan 16:33

Camiyä nija wamacö culanö, wamacö bufi yanöcöo fe yadiobä ya wa̦. Bita jamö wamacö cua showalanö, wamacö nö nia ma bleaamaö wejei ma cui, bä bufi nö da wa̦lojoicu. Bita jamö a lä nosiemou wei a nija ya nö wa̦loblou waiquilayoma —a cuma.

Juan 17:11

Fei däjä, ei bita a lä cui ya nia daaö. Iba bä cuo juo däjä, cafä nijamö ya nia co̦o. ’Fabe. Cafä yami wa yaia —a cuma—. Cafä sho bäfäcö moli lä culenaja bä molio mö feduobä, bä da nowama. Cafä wa lojodenö wa bä nowamabä, camiyä nija wa lojode lä wäyämono wei tä showawä lä cuinö.

Juan 3:29

’¿Ö̦jö tawä? —Juan a cuma—. Wa̦lonö suwä a däaö ja, cama e li suwä. Ö̦jö a wa̦ ja, cama e nofi lä cui, e bufi nia doblalou mö feduo. Inaja showawä, ö̦jö a nö Bada ö̦jöböaöje ja, fei däjä ya bufi shino yai doblalou.

Juan 7:33

Ö̦jö däjä, judio bä nija abinaja Jesús a cuma. —Cafä wamacö nija ya nö dedejedou fa bälonö, wale lä shömöleno wei nijamö ya nia juu co̦o.

Hechos 13:52

Ö̦jö ma cui, Adioquia jamö Jesucristo nija bä nocao bufi lä doblaono wei bä lä cui, bä bufi yai doblaloma. Yai Bada tä Bufinö bä fa jödödöblalönö, ö̦jö nija bä luluamou bufi doblaoma.

Romanos 14:17

Yai Bada tänö bämalecö dodijidawä ca̦i cuobä, nii bä a̦fa jayumamobä tämi. Toubä lä coaö wejei toubä ca̦i mlai. Ö̦jö täbä nowa cua malä mlai. Bämacö nia lä bejedimou wei, ö̦jö tä nowa shi̦lo yai bluca. Bämacö bufi nia ca̦i lä yanöcöo wei tä ca̦i. Yai Bada tä Bufinö bämacö bufi nia ca̦i lä doblalou wei tä ca̦i. Ö̦jö tä nowa shi̦lo yai bluca.

Gálatas 5:22

Ö̦jö ma cui, Yai Bada tä Bufi ja bä lä luluamou wei bä lä cui, abenaja bä cuaaö. Bä bufi nofio. Bä bufi ca̦i doblalou. Yanöcöwä bä bufi ca̦i cuo. Bä shi jalimoimi. Täbä ca̦i bayeliblaö bufi doblaoje. Dodijidawä bä ca̦i cuoje. Bä ca̦i li cadidou.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.

1 Juan 1:4

¿Ö̦jö tawä? Cafä wamacö nija yama tä a̦ wäyäö lä cule, bämacö bufi bluca yai doblalou fe balojoobä.

2 Juan 1:12

Cafä wamacö nija ya tä a̦ oni shömabä ya tä a̦ bluca tabou ma cule, inaja lä balöwä. Ya tä a̦ oni shömaö mlai, bämacö fe walobä ya nö shino daa lä cule. Bämacö möyou däjä bämacö a̦ yai wayobä, bämacö bufi yai doblamayobä.