Juan 17:12 - Biblia Yanowamö

¹² Ö̦jö ya bä ca̦i cuo showao däjä, camiyä nija wa lojode lä wäyämono wei tä showawänö, ya bä nowamadima. Ya bä noshi umaboma. Dodijidawä bä cua lä cule. A nomabä, moli a cuo lä showadaono wei a lä cui, ö̦jö a shino wa̦lidiblaliyoma. Cafä wa wa̦no oni jamö, tä a̦ lä cuu weinaja tä bejedi wawäblou bufioma yalo, ö̦jö tä li cublaliyoma.

Juan 17:12 Iomraidhean Croise

Salmo 41:9

Iba nofi a ma cuinö, ya nofi yai lä tabono wei a lä cuinö, camiyä lija a showadi lä iyano wei a lä cuinö, wale nomojoliaö majöa lä cule.

Juan 13:18

’Cafä bluca bämacö a̦fa wayoaimi —Jesús a cuu co̦oma—. Iba ya bä lä yaileno wei, ya bä daö. Tä nia lä cublou wei tä lä cui, Yai Bada etä a̦ bejedi wawäblou bufio yalo, tä nia li cublou. Abinaja tä a̦ oni cuu. Camiyä nija a showadi lä iyano wei a lä cuinö wale nomojoliaö nomöjöa lä cule. ’Einaja tä a̦ cuu. ¿Ö̦jö tawä?

Juan 17:6

’Fabe —a cuma—. Ei bita jamö afä wa bä lä tabono wei, camiyä nija wa bä jöböbema. Wa bä lä jöböbeno wei bä nija, cafä bäfä damalalema. Wa wa̦ nofi cadidibouje.

Juan 18:9

A cuu lä balöono wei tä a̦ bejedi wawäblobä, a wa̦ li cuoma. Abinaja bä Fö̦ö e nija a lä cuno wei. “Wa bä lä jöböbeno wei bä lä cui, moli ma cui ya wa̦lidiblamanomi”, a lä cuno wei.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Hechos 1:25

Cafä wa nosie juamobä a Juda lä cuono wei jamö, a bada läo nomöjöobä. Jesucristonö bä lä shömöleno wei bä nija a yädäobä. Ö̦jö bä nija Juda a yädäobä a ma cuono wei ma cui, a yacläa dicolayoma. A nö bleaabä jamö a alayoma —Yai Bada nija bä cuma.

Filipenses 2:9

Inaja a ojode cuoma yalo, Yai Bada tänö Bada tä yai tablamalema. Ai täbä a̦fa bada ma wäyämou wei ma cui, ö̦jö a wa̦fa shi̦lo yai Bada jilamou dodijiobä, a Bada tablamalema.

2 Tesalonicenses 2:3

Yanowamö täbä lija wamacö mölaö dodijio mlai. Yai Bada a waibeje, yanowamö täbä a̦ nia bluca obi lofotoaö. Ö̦jö tä cublou showao mlao däjä, Jesucristo a nia fuu co̦o jaöomi. Yai Bada lija a nö yai lä nabämou wei a nia wawäö balöo, shobali wacä jamö a nia lä wa̦liablamou wei a lä cui.

Hebreos 2:13

Abenaja a cuu co̦a. Camiyänö, Yai Bada ya nofi nia mölabou. Abenaja ca̦i. Yai Bada tänö bä lä jibäbeno wei, eja bä ijilubö ya ebä ca̦i bluca cua lä cule. Einaja tä a̦ cuu.

1 Juan 2:19

Camiyä bämacö lä yododaö wei jamö, ö̦jö bä ca̦i ma coyocoblaano wei ma cui bä loo mlalaliyoma. Camiyä bämacö mashi bä yai cuo fa cunoja, bä loo nö mladobö mlai. Ma. Ö̦jö lä bä bluca shomi dablamou wawädoobä, bä coyocaö mladaliyoma.

Apocalipsis 19:12

¿Ö̦jö tawä? Bei mamocu lä cui, jai cowa wacö lä culenaja mamocu cuwä. Bada täbänö täbä lä yojobou wejei täbä wai bluca ja, a fe yojoo. Cama a wa̦fa oni ma tamoqueno wei ma cui, cama a wa̦fa shino damou ayawä. Ai täbä nija a wa̦fa damamoimi.