Juan 17:1 - Biblia Yanowamö

¹ Inaja Jesús a fa culunö, fedu jamö a mö fa nonoicunö a wa̦ fama. —Fabe, Fabemi. Wale taamaö lä bufio wei, fei däjä tä cublou waiquia lä cule. Ijilufä wale doblao da damalalö, cafä bäfä ca̦i doblao dablamaö mö feduo showadaobä.

Juan 17:1 Iomraidhean Croise

Marcos 14:41

Cama ebä nija 3 a waloo lä co̦le däjä, abinaja bä nowa tadaleyoluma. —¡Uo! ¿Wamacö midia showaa cule? ¿Bei wamacö washimi jolou showawä tawä? Inaja lä waiquiwä. Bei. Fei däjä tä cublou waiquia lä cule. Ya lä yanowamöblaleyoluno wei wale nia nomojoliaö, wa̦lidiwä talewä bä nija wale jöböabä.

Lucas 18:13

’¿Ö̦jö tawä? —Jesús a cuma—. Inaja cama a ma cuno wei ma cui, Lomateli bada bä befi bä blada lä doaö wei a lä cui, a ublaa bayäcälanö, Yai Bada tä lä culadi jamö a mö nonoo quilima. A bufi wa̦lidiwä yalo, a balöcö shäablamolanö a wa̦ fama. “Cafä Yai Bada wa lä cui nija ya wa̦ faö lä cule”, a cuma. “Camiyä wa̦lidiwä talewä ya lä cui wale nofi da ojodadalö.” Einaja a cuma.

Lucas 22:53

Yai Bada etä yafi jamö bämacö ca̦i loo däjä wamale juwäano malä mlai. Ö̦jö ma cui, wamacö cuaaö bufi lä doblao wei wamacö cuaabä tä cublou lä cule, mö didi jamö a bada lä läle a nosiemobä —a cuma.

Juan 11:4

Ö̦jö ma cui, Jesúsnö a wa̦fa jalili ji̦liaö däjä, abinaja a cuma. —A lä jaliliale tä wayunö, a nia nomawä cudiomi. Yai Bada a wa̦fa doblao tamobä tä li, Yai Bada ya Ijilubö doblao dablamobä —a cuma.

Juan 11:41

Inaja a cuma yalo, ma blajaa fe yadimalemaje. Ö̦jö däjä, Jesús a mö fa nonoicunö, abinaja a cuma. —Fabe. Cafänö wale a̦ ji̦liaö ja, ya bufi doblao.

Juan 12:23

Jesús abinaja a cuu mö feduoma. —Ya lä yanowamöblaleyoluno wei ya lä cui, Yai Bada tänö wale nia doblao dablamaö. Tä cublou ajedewä waiquia lä cule— a cuma.

Juan 13:1

Yai Bada a waiteli lä jayuano wei tä nofi nia co̦camoaö jaödao co̦omaje. Bä Fö̦ö e nijamö a nia co̦o lä jaödaono wei, Jesúsnö tä daö waiquioma. Ei tä bita tabi nia feiaö co̦oma. Cama ebä bita jamö lä cule, bä showadi lä nofimadino wei, bä nofimaö mladonomi. A waicobä jamö ma cui bä nofimaö fe yadio showaoma.

Juan 16:32

Wamale nia lä daaö wei tä nia cublou. Tä cublou waiquia lä cule. Wamacö nia sheleleblamodayou. Cafä wamacö yafibö jamö wamacö nia co̦oblou. Ö̦jö ma cui, ya yamimi. Fayänö wale ca̦i cua lä cule.

Juan 7:30

Inaja a cuu yalo, a nia juwäama ma cujei, a nia yai lä shämou wei etä cuonomi showawä yalo, bä imicö queonomi.

Juan 7:39

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Juan 8:20

Yai Bada etä yafi jamö bä yömölaö ja, einaja a cuma, Yai Bada nija bä blada lä jöböblaaö wejei, bä blada didiobä tä lä cule jamö. Ö̦jamö bä yömölaö ma wawädoono wei ma cui, a juwäamanomije. A yai nia lä shämou wei etä cuo showadaono malä mlai.

Hechos 3:13

Bämacö nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija a lä bufiblamou wei a lä cuinö, Jesús a doblao damalalema. ¿Ö̦jö tawä? Ö̦jö Jesús a lä cui, Yai Bada a nosie yai lä juaö wei a, bada bänö a shäbeje, wama a noshi lä ö̦jödabono wei a lä cui. Biladonö ö̦jö a nia ma jujeblano wei ma cui, ö̦jö a mamo mötale däjä, wama a waia dicolema.

1 Pedro 1:21

A fa wawäblalunö, cama nija wamacö bufi cuquema. Wamacö bufi fa cuicunö, Yai Bada wama a bufibou, a demi jocädamaö lä co̦layono wei a lä cui. Ö̦jönö a doblamaquedayoma. ¿Ö̦jö tawä? Yai Bada wama a nofi mölabobä inaja a taamama, showadi wama a bufiblabä. Wamacö bayelibou fe balojowä cudeenö, cafä dodijidawä wama ecö yai cuobä wamacö.