Juan 16:7 - Biblia Yanowamö

⁷ Wamacö bufi ma wa̦lidii ma cui, wamale a̦ da ji̦lilä. Bejedi lä ya wa̦. Ya nia lä co̦o wei tä ja, wamacö nia yai bayeliblamou. Ya co̦o mlao fa cunoja, cafä wamacö nija Bayeliawä a nö waloobö ma mlai ma cui, ya co̦o däjä, cafä wamacö nija ya nia shömadayou.

Juan 16:7 Iomraidhean Croise

Salmo 68:18

Jeobaanö yanowamö bluca täbä fa däfälönö, ösö jamö täbä ca̦i yamobefälöma. Yanowamö täbä shijiloblao lä mlai bä ma cui lija, a dobämoma. Jeobaa a lä bufiblamou wei, ö̦jamö a nia bälödio.

Lucas 24:49

¿Ö̦jö tawä? Fayänö tä a̦fa wäyäö lä balöono wei ya tä nia shömaö. Yai Bada tänö wamacö nö nia lä wa̦lojomabou wei wama tä nö dabou showalanö, eja Jelusale jamö bä cua da balöicu —bä nowa tama.

Lucas 4:25

Cafä wamacö nija ya bejedimou. Yai Bada a wa̦no wäyälewä Elia a jaba lä bälöono wei däjä, Isaeli nodiwä bä ulifibö ofäo nö quilio fe balojooma. Lasha 3 a lalou ma co̦ono wei ma cui, ai a lalou bäshäcuaaö ma co̦ono wei ma cui, maa a quenomi showawä. Ö̦jamö, suwä bä lä feiblono wei bä bluca ma bälöono wei ma cui,

Lucas 9:27

Ö̦jö ma cui, cafä wamacö nija ei ya wa̦ lä cui, bejedi lä ya wa̦. Ai wamacö lä ublale wamacö nomaö showaono mlai ja, Yai Bada tänö cama ebä nia ca̦i lä cuo wei, wama tä nia dablaö.

Juan 14:26

Ö̦jö ma cui camiyä ya wa̦nö, Fayänö Bayeliawä a nia shömaö, cama a Bufi showawä lä cui. Ö̦jö a lä cuinö, bluca tä lä cule tä ja wamacö nia yömölabodii juo. Cafä wamacö nija ya tä a̦ bluca lä wäyäno wei tä a̦ ja, wamacö bufi nia jaducuamaö juo.

Juan 14:28

Ya nia lä co̦o wei, ya nia obi ca̦i juu lä co̦o wei, cafä wamacö nija ya wa̦fa wäyämou waiquia. Wamale yai nofimaö fa cunoja, Fayä nija ya nia lä co̦o wei tä ja, wamacö bufi nö yai doblalobö wei. Ö̦jö a shino yai Bada malä cui.

Juan 14:3

Cafä wamacö bälöobä, ya tä dodijidablaö fa balölonö, bämacö nabä nia juimaö. Camiyä ya cuobä jamö wamacö cuo mö feduobä, bämacö nia co̦ablaö.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 16:8

Ö̦jö a yai waloyoluu däjä, yanowamö täbä bufi nia taamaö, tä lä wa̦lidii tä nö ö̦jöböabeje. Tä lä dodijidai tä ca̦i. Wa̦lidiwä talewä bä nia lä jömamou wei, tä nö ca̦i ö̦jöböabeje.

Juan 7:39

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Hechos 10:34

Ö̦jö däjä, Pedro a wa̦ fama. —Fei däjä ya bufi jaducua lä cule. Yai Bada tänö ai täbä shino nofimaö ayaomi.

Hechos 2:33

’¿Ö̦jö tawä? —a cuma—. A nö Bada ö̦jöböamobä, cama Yai Bada jayu boco mashi jamö, a döcämabou lä culadi. Ö̦jamö a Bada lä döcämaqueno wei däjä, bä Fö̦önö a dobälema. Cama a Bufi a̦fa wäyämamou lä balöono wei tä ja, a dobälema. Ö̦jö tä ja, cama a fa dobämamoludunö, camiyä yamalecö dobäa fe dolea nomöjölema. Ei wama tä lä möle, wama tä a̦ lä ji̦liale, ö̦jönö tä wawäblamalei lä cufe.

Romanos 8:28

Ei bäma tä daö. Tä cublou lä bädao wei tä ma cui, Yai Bada tänö tä fulii yalo, a lä nofimaö wejei bä lä cui bä bayeliblamou. Inaja Yai Bada tänö bä taamaö bufi doblao fa showaonö, bä nacama.

2 Corintios 4:17

Yamacö nö lä bleaaö wei tä lä cui, tä cudio shi wa̦liobä tä malä mlai. Doblao yamacö cuo shi wa̦liodayobä, inaja lä yamacö cuaaö balöa lä cule. ¿Ö̦jö tawä? Yamacö nia lä doblaodayou wei tä jamö yamacö bufi daeo däjä, yamacö bufi fejeleo dodijio.