Juan 16:4 - Biblia Yanowamö

⁴ ’Bämacö yömölaö balöa lä cule. Inaja cama bä yai cuaaö däjä, ya bä a̦fa lä wäyäfe wama tä a̦ nofi jaducubobä. Jaba däjä inaja bämacö nowa taö showadaonomi. Bämacö ca̦i nia cudioma yalo, ya wa̦ faö jaöonomi. Fei däjä, wawädowä bämacö nowa taö lä cule.

Juan 16:4 Iomraidhean Croise

Mateo 10:7

Wamacö juu cuaalanö, täbä yömölaö da cuaafälöje. “Yai Bada tänö cama ebä ca̦i nia lä cuo wei, etä ajedou waiquia lä cuimi”, wama bä nowa taö cuaabä.

Mateo 24:25

¿Ö̦jö tawä? Tä nia lä cublou wei tä ja, bämacö yömölaö waiquia lä cule.

Mateo 9:15

Abinaja Jesús e cuu yacläoma. —Fiya anö a suwä däaö däjä, ¿cäcöbö nofi co̦camoabeje jamö täbä wajäaö daanö? Ma. Ö̦jö ma cui, tä nö fa dedelönö a fiya fa co̦lunö, ö̦jö däjä bä fa wajäanö, bä nia shino iyaö juomi. ¿Ö̦jö tawä? —cama a wa̦fa tao ja, a cuma.

Marcos 13:23

¿Ö̦jö tawä? Ö̦jö ma cui bä da moyaweicu. Bluca tä nia lä cublou wei tä ja, bämacö yömölaö waiquia lä cule.

Marcos 2:19

Ö̦jö bä nija abinaja Jesús a cuu yacläoma. —Fiya anö a suwä däaö däjä, cäcöbö nofi co̦camoabeje jamö, ¿täbä iyaö wasöo daanö? Ma, ö̦jö a fiyanö bä ca̦i cuo showao däjä, täbä ca̦i nö iyaö wasöobimi.

Lucas 1:2

Yamalecö yömölaöje ja bä lä cuno weinaja, inaja showawä tä a̦ oniblaö cadidiomaje. ¿Ö̦jö tawä? Tä bluca lä cuaano wei däjä, bä mamo lä showaono wei bä lä cuinö yamalecö yömölamaje, tä a̦ showadi lä wäyäno wejei bä lä cuinö.

Juan 13:19

Tä cublou showaa mlai ja, bämacö yömölaö balöa lä cule, tä bejedi cublou däjä wamacö bufi yai möblobä. Ya wa̦fa showadi lä wäyämamou wei, wamale a̦ bejedi bufibä.

Juan 14:29

¿Ö̦jö tawä? Tä cublou showao mlao däjä, fei bämacö nowa taö balöa lä cule. Tä yai cublou däjä wamale a̦ bejedi bufibä.

Hechos 9:16

Wale a̦fa wäyäö tä nowa ja, a nö nia lä bleaamaö wejei tä ja, camiyänö ya nia yömölaö —Jesús a cuma.

2 Tesalonicenses 2:5

Cafä wamacö lijamö ya da cuoblei däjä, ya tä a̦ mada wäyäblei. Wama tä a̦ daö showale cätä.

2 Pedro 1:14

Eja ya nia cudio malä mlai. Wale nia lä shäö wejei tä ajedewä malä waiquii, Bada tä Jesucristonö wale yömölaö ja wale nowa lä tano weinaja showawä.