Juan 16:22 - Biblia Yanowamö

²² Inaja showawä, fei däjä wamacö bufi nia ma cublou wei ma cui, bämacö wäyäcu möyou co̦a yalo, wamacö bufi nia shino doblalou co̦o. Ö̦jö lä däjä, wamacö taamaö ma bälajei ma cui, wamacö bufi nia doblalou fe yadio.

Juan 16:22 Iomraidhean Croise

Mateo 28:8

A̦jele a wa̦ fa ji̦libölänö, maa maca jamö lobe cäcöbö quilili faa co̦layofälöma. Cäcöbö bufi ca̦i doblalou fe balojooma. Jesúsnö cama ebä lä nocamabono wei bä yömölaböbä, lobe cäcöbö läläa showalayofälöma.

Lucas 10:42

Tä yai lä dodijidai, moli tä cua. Maríanö ö̦jö tä yaia waiquilema. Ya wa̦ nia lämoimi —a cuma.

Lucas 16:25

’Ö̦jö ma cui, abinaja Ablaamönö a nowa tama. “U̦asi, a bufi da jaducuicu. Wa demöo däjä, afä wa täbä dodijidawä fa dälönö, wa dodijidawä cuo ayaoma. Ö̦jö waiquiwä. Lasalo dodijidawä a cunomi. Ö̦jö ma cui fei däjä cama a bufi shino dodijidawä cua nomöjöa lä cule. Cafä fei däjä wa nö li bleaaö nomöjöa.

Lucas 19:26

Ö̦jö däjä, bada a wa̦ fama. “Ma, cafä bämacö nowa taö lä cule. Bä li dodijaö yalo, bä lä tabolajei bä nija ai bä nia jöböamou co̦o. Ö̦jö ma cui, bä tabou lä mlajei bä nija, wiisibö a tabou ma bälajei ma cui, a nia co̦amamou, bä li dodijaimi waiquiwä cudeenö.

Lucas 24:41

Bä bufi ma doblalono wei ma cui, bä bufi ca̦i wedinajamou coyocoo showawä ja, a wa̦ bejedi bufii shalilionomije. Ö̦jö cudeenö, abinaja cama bä nija a cuma. —Ya iyabä, ¿wama tä tabou cule? —a cuma.

Juan 14:1

Jesúsnö abinaja bä nowa tama. —Bä bufi nofi jushublao dijä. Yai Bada tä a̦ shino bejedi da bufije. Camiyä wamale a̦ bejedi ca̦i da bufi.

Juan 14:19

Tä nö dedeblou mlai ja, yanowamö täbänö wale nia dablaö co̦o ma mlajei ma cui, cafä wamacönö wamale nia shino yai dablaö. Camiyä ba̦limi ya cua waiquia yalo, inaja showawä wamacö nia ba̦limi cuo mö feduo.

Juan 14:27

’Dodijidawä wamacö cuo juobä, bufi yanöcöwä tä ja bämacö dobäö lä cule. Camiyä ya bufi yanöcöwä lä culenaja wamacö bufi cuo mö feduobä. ¿Ö̦jö tawä? Yanowamö täbänö täbä bufi yanöcömabou daomije. ’Tä nia lä cublou wei tä ja, bä bufi nofi jushublao dijä —a cuma—. Bä quili dijä.

Juan 16:16

’Tä nö dedejeblou mlai ja, wamale nia möö mladou. Tä nö dedejeblou co̦o däjä, wamale nia shino dablaö co̦o —a cuma.

Juan 16:20

Cafä wamacö nija ei ya wa̦ lä cui, bejedi lä ya wa̦. Wamacö bufi nia jo̦liblou. Cafä wamacö lä cui, wamacö nia yai ma ö̦cöö wei ma cui, yanowamö täbä bufi nia bluca doblalou. ¿Ö̦jö tawä? Wamacö bufi ma jo̦liblaliyo wei ma cui, wamacö bufi nia dodijidablou co̦o.

Juan 16:6

¿Ö̦jö tawä? Cafä wamacö nija ei ya tä a̦ wäyäö yalo, wamacö bufi yai wa̦lidiwä jödödöwä.

Juan 21:7

Jesúsnö bä lä nocamabono wei ai e lä cui, a yai lä nofimano wei e lä cui, abinaja Pedro nija ö̦jö a cuma. —Casö jamö quiji a lä ublale, ¡Bada cätä! —a cuma. ¿Ö̦jö tawä? Bä yulimobä jamö, Pedro a lä didiono wei ecö camishi jayublaö ma waiquilayono wei ma cui, “Bada cätä”, a wa̦ cuu fa ji̦lilänö, a lucäa co̦a showadaaliyoma. Ö̦jö däjä, modu u jamö a quea showadabaliyoma, lobe a washölöblou balöobä.

Juan 4:14

camiyänö ya u lä jöbäaö wei u co̦aöje ja, bä amishaö co̦daaö mlaicätä. Ubä fe lä jojoblai jamö ubä fadii shi wa̦lii lä cuaaö weinaja, ba̦limiblamodima ya u nia lä jöbäaö wei, inaja u fa cuaadinö, ba̦limi bä nia cuo shi wa̦lii —a nowa tama.

Hechos 13:52

Ö̦jö ma cui, Adioquia jamö Jesucristo nija bä nocao bufi lä doblaono wei bä lä cui, bä bufi yai doblaloma. Yai Bada tä Bufinö bä fa jödödöblalönö, ö̦jö nija bä luluamou bufi doblaoma.

Hechos 16:25

Bäshäcuoladi, Yai Bada nija Pablo, Sila sho cäcöbö nö bayeli nacao fe jaluma. Yai Bada tä nija cäcöbö ca̦i amowamoma. Ai bä fe lao mö lä feduono wei bä lä cui, bä yömöca daoma.

Hechos 2:46

Cama bä bluca lä cui, showadi Yai Bada e yafi jamö bä yododaö nosi blacäcodima. Cama bä yafibö jamö bä iyaö ca̦i co̦camodima. Bä iyamayou bufi doblaoma.

Hechos 5:41

Bada bä lä co̦caono wei jamö, bä faa co̦layofälöma. Jesús a nowa ja bä nö li bleaama cudeenö, bä bufi doblaloma. Inaja Yai Bada tänö bä taamaö bufi doblao ja, bä bufi yai doblaloma.

2 Corintios 6:10

Yamacö bufi wa̦lidiaö ma cui, yamacö bufi doblalou fe yadio showawä. Yamacö nö fo̦lili bleaaö ma cui, tä nowa yai lä bluca wei tä ja, bluca yama täbä dobäö. Yamacö nö madofibimi ma cui, tä jödödöwä bluca lä cublai, camiyä yamalecö befi li bluca waiquiwä.

2 Tesalonicenses 2:16

Bei. Bada tä Jesucristo lä cui, cama lija showadi wamacö bayeliblamobä, Fayä Yai Bada lija ca̦i, bämalecö nofimaö fe lä balojoo wei a lija. Bämalecö nofi fa ojodadalönö, bämalecö bufi nia lofotomabou shi wa̦lii. Bäma a nofi mölabobä, bämalecö bufi taamaö.

Hebreos 10:34

Bä fe lä labono wejei bä lä cui, wama bä nofi ca̦i malä ojodabono wei. ¿Ö̦jö tawä? Afä täbä madofi ma däablaöje däjä ma cui, wamacö bufi doblao ca̦i cuo fe yadioma. Afä ba̦limi täbä yai dodijidawä lä culadi wama täbä bufiblaö waiquioma cudeenö, dodijidawä wamacö cuo fe yadioma.

Hebreos 6:18

Yai Bada a wa̦ nö wäo ja a wa̦ cadidou showadao. A wa̦ nia shominajaö majöomi. Inaja showawä, cama a caficö jolemou dao lä mlai a wa̦fa wäyämou ja, a wa̦ nö shominajaaö majöobimi waiquiwä. ¿Ö̦jö tawä? A wa̦ nö lä wäono wei tä a̦ lä cui ja, bämacö mölaö lofotoo showaobä tä a̦. Yai Bada lija bämacö nofi lä yashuo wei bämacö lä cui, bämacö nia lä bayeliblou wei tä a̦ ja, bämacö mölaö showao fe yadiobä.

1 Pedro 1:8

Jesucristo a wawäbloimi showawä. Wama a möimi. Wama a möö ma mlai ma cui, wama a nofimaö. Wama a möö ma mlai, wama a bejedi bufiblaö yalo wamacö bufi doblalou. Wamacö nia dodijidawä lä cuo wei tä ja, ¡bejedi lä wamacö bufi fejeleo!