Juan 16:2 - Biblia Yanowamö

² Judio bänö wamacö nia joyaöje. Bä yododabä bä yafi jamö wamacö nia coyocomabou co̦daaimije. Ö̦jö bädao mlai, abinaja bä bufi ca̦i nia cuu dicoo. “Ei bä lä cui ya bä shäö ja, jai Yai Bada ya yai bayeliblaö ya nia cuaaö”, bä bufi nia cuu dicoo.

Juan 16:2 Iomraidhean Croise

Mateo 10:28

Yanowamö täbä nö quili ta dijejä. Bei wamacö shäö ma cujei, bei wamacö bufi nia nomamaimije. Ma, Yai Bada a nö quili yai shino da taje. Ö̦jönö täbä shäö däjä, bei täbä ma cui, bei täbä bufi ma cui, shobali wacö jamö täbä nö yai bleaamaö lä daö wei, ö̦jö a.

Mateo 24:9

’Ö̦jö däjä, tä nia wa̦lidiblou —a cuma—. Wamacö noshi nia ö̦jödabouje, wamacö nö bleaamabeje. Wamacö nia shäöje. Iba wamacö yalo, bluca bä bälöjöwä lä yaiblai bä ma cuinö wamacö nofi nia wa̦libouje.

Lucas 6:22

’¿Ö̦jö tawä? —a cuma—. Ya lä yanowamöblaleyoluno wei wamale bufii yalo, wamacö nö ma bleaamaöje däjä ma cui, wamacö bufi doblalobä wamacö. Wamacö nofi ma wa̦libouje däjä ma cui, wamacö ma waibouje däjä ma cui, wamacö a̦fa ma lafujaöje däjä ma cui, wamacö a̦fa dobloimi ma taöje däjä ma cui, wamacö bufi doblalobä wamacö.

Juan 12:42

Inaja tä ma cuono wei ma cui, bada bä ca̦i bluca ma cuinö, Jesús a wa̦ bejedi bufia fe yadilemaje. Ö̦jö ma cui, faliseo bä nö bada quili fa tajenö, wawädowä bä a̦ nö wäonomi, judio bä yododabä yafi jamö bä coyocamabou mladou mlaobeje.

Juan 16:25

Abinaja Jesús a cuma. —Cafä wamacö nija ya tä a̦ wäyäö däjä, ya wa̦ faö yaclämou talei. Ö̦jö ma cui, ya wa̦ faö yaclämou mlai ja, wawädowä ya wa̦ nia lä faö wei tä cublou ajedewä waiquiwä. Fayä ya wa̦fa nia wawädowä wäaö.

Juan 16:32

Wamale nia lä daaö wei tä nia cublou. Tä cublou waiquia lä cule. Wamacö nia sheleleblamodayou. Cafä wamacö yafibö jamö wamacö nia co̦oblou. Ö̦jö ma cui, ya yamimi. Fayänö wale ca̦i cua lä cule.

Juan 4:21

Abinaja Jesúsnö a nowa tama. —Ei ya wa̦ lä cui tä a̦ nia bejedi wawäblou. Fayä nija bä möfe bolanö, a wa̦fa Bada doblao tabeje, fei macö nia yaiomi. “Jelusale jamö shino”, bä nia ca̦i cuimi.

Juan 4:23

’Ö̦jö ma cui, abinaja tä nia shino cuo. Tä wawäblou waiquia lä cule. Bä möfe bolanö, Fayä a wa̦fa Bada doblao lä taö wejei bä lä cui, bei bä bufi yainö bä a̦ nia faö. Bä bejedimolanö bä möfe nia bou. ¿Ö̦jö tawä? Inaja bä lä cuaaö wei, Fayänö bä malä bufii wei.

Juan 9:22

Judio bä nija cäcöbö quilima yalo cäcöbö a̦ li cuoma. ¿Ö̦jö tawä? Judio bada bä a̦ wayou malä waiquiono wei. “Yai Bada tänö a shömabä a lä yaileno wei, ö̦jö Jesús a waiquiwä”, wawädowä bä lä cuu wei, bä nia joyamaje. Judio bä yododabä yafi jamö, bä nia coyocomabou co̦daanomije.

Juan 9:34

Abinaja a nowa tamaje. —Cafä wa̦lidiwä talewä wa oshe fa cublalunö, wa cua lä showale wa lä cuinö, ¿camiyä wamalecö nia damaö majöo daanö? —a nowa talajenö, sibo jamö i̦cali a jilululemaje.

Hechos 5:33

Inaja bä cuma yalo, bä bada jushudou fe fa balojolonö, bä shäö bufi doblaomaje.

Hechos 7:56

Ö̦jö tä fa dalalönö, abinaja Esteban a cuma. —Bei. ¡Quiji tä da möje! Judu mösö ca fa jolablalunö, Yai Bada jayu boco mashi jamö, a lä yanowamöblaleyoluno wei bei ya ublaa dablaö lä cule —a cuma.

1 Corintios 4:13

Camiyä yamalecö a̦fa ma wäyäö wejei ma cui, yamacö jushuo mlai ja, dodijidawä yama bä a̦ wayomaö showao. Yamalecö nofi wa̦libou dodijia lä culajei. Shami tä nö quili taö lä cuaaö wejeinaja, yamalecö nofi tabou dicooje.

Filipenses 3:6

Moisesi ya etä a̦no joyaö nofi fa jalubonö, Jesucristo ebä lä yododaö wei ya ebä nö bleaamaö fe balojooma. Moisesi ya wa̦no cadidibou fa dodijionö, yanowamö täbä lija ya wa̦fa tamobä tä cuo fa mlacunö, ya nofi jole doo balöoma.

Apocalipsis 6:9

Oweja a wa̦fa ocalo lä jilamou wei a lä cuinö, mai 5 coco caloblaö lä co̦layono wei däjä, Yai Bada nija täbä nia lä dodoblamou wei bä maqueblamobä ya täcö wawädowä dalalema. Ö̦jö täcö cotä jamö, cama ai ebä lä shämono wei ya bä bufi dalalema. Yai Bada a wa̦no wäyäö nofi jushuaöje ja bä shälemaje cäbä, a wa̦fa wäyäö fe yadiomaje cudeenö.

Jueces 6:30

Ö̦jö däjä, Joasa lija ö̦jamö bä lä bälöle abenaja bä cuma. —Ijilufä a da wawämalö, a shämobä. Baala lija bä yalo dodoblamobä täcö malä wa̦lialeno wei. Asela lija bä nö bayeli nacaobä, fi bada ublaa lä yädäono wei fi malä duyäleno wei —bä cuma.