Juan 16:19 - Biblia Yanowamö

¹⁹ A wa̦lii bufi lä doblaono wejei Jesúsnö tä daö waiquioma yalo, abinaja bä nowa tama. —Bämacö nowa lä tafe tä a̦ ja, ¿wamacö wa̦liyo da culanö? Abinaja ya cuma. Tä nö dedejeblou mlai ja, wamale nia dablaö mladou. Tä nö dedejeblou co̦o däjä, wamale nia shino dablaö co̦o. ¿Ö̦jö tawä?

Juan 16:19 Iomraidhean Croise

Mateo 6:8

Ö̦jö bä lä cuaaö weinaja, bä cuaa dijä. Wamacö lä jo̦li wei, Faafä a lä culadinö wamacö daö waiquiwä. Wamacö nö bayeli nacao showao mlao däjä ma cui, wamacö daö malä waiquile.

Mateo 9:4

Bä bufi cuu lä ja̦toono wei, Jesúsnö bä daö fa showadaonö, a wa̦ fama. —¿Wedi tä tabä, wa̦lidiwä tä ja wamacö bufi li cuaablalou dicoo?

Marcos 9:32

Ö̦jö ma cui, cama a wa̦fa lä wäamono wei, a wa̦ ji̦lia möblanomije. Tä a̦ ca̦i wa̦lii quilimaje.

Juan 13:33

’Ijiluyä wamacö —a cuu co̦oma—. Cafä wamacö nija lobe ya cublaa lä cule. Wamale nia dayäö. Judio bä nija ya lä cuno weinaja, cafä wamacö ma cui, bämacö nowa taö co̦a lä cule. Ya nia lä cuo wei jamö, wamacö juu daomi.

Juan 14:19

Tä nö dedeblou mlai ja, yanowamö täbänö wale nia dablaö co̦o ma mlajei ma cui, cafä wamacönö wamale nia shino yai dablaö. Camiyä ba̦limi ya cua waiquia yalo, inaja showawä wamacö nia ba̦limi cuo mö feduo.

Juan 16:16

’Tä nö dedejeblou mlai ja, wamale nia möö mladou. Tä nö dedejeblou co̦o däjä, wamale nia shino dablaö co̦o —a cuma.

Juan 16:18

Abinaja bä nowa ca̦i tayoma. —¿Wedinaja a cuu bufio yalo, “Tä nö dedejeblou mlai ja”, a li cuu cufe? Bäma a wa̦ ji̦liblaimi waiquiwä —bä nowa tayoma.

Juan 16:23

’Ö̦jö däjä camiyä nija wamacö nia nacoimi —a cuma—. Cafä wamacö nija ei ya wa̦ lä cui, bejedi lä ya wa̦. Inaja tä cublou däjä, Fayä nija, camiyä ya wa̦nö wamacö nö bayeli nacao lä bädao wei tä ma cui ja, wamacö nia dobämou.

Juan 16:26

Fayä ya wa̦fa wawädowä wäaö däjä, camiyä ya wa̦nö wamacö nö nia bayeli nacao. Ö̦jö däjä, camiyänö Fayä nija bämacö nia bayelimaimi. Ma, inaja tä nia cuomi.

Juan 16:30

Cafänö jödödöwä wa tä daö nö mlawä. Fei däjä, ö̦jö yama tä daö. Wa wa̦lii showao ma mlajei ma cui, cama bä bufi lä cuu wei, wa tä daö waiquiwä. Ö̦jö lä tänö yamacö bufi yai taamamou lä cule. Yai Bada nijamö wa cuoma wa lä waloqueyoluno wei tä lä cui, ö̦jö yama tä a̦ bejedi yai bufii lä cule —bä cuma.

Juan 21:17

Ö̦jö däjä, Jesúsnö 3 a wa̦lii co̦oma. —Jonasi ijilubö Simón wa lä cui. ¿Wale nofimaö da culanö? —e cuu co̦oma. ¿Ö̦jö tawä? “¿Wale nofimaö da culanö?”, 3 a cuu co̦o ja, Pedro a bufi nö bleaama. Abinaja e cuma. —Bada tä. Wa tä daö jödödöwä. Bäfä lä nofimaö wei wale daö —e cuma. —Wale nofimaö ja lä, iba oweja bä da iyama, ö̦jö lä.

Juan 6:61

Ö̦jö ma cui, Jesúsnö bä bufi jushujuwä ca̦i lä fano wei tä daö fa showadaonö, abinaja bä nowa tama. —Camiyä ei ya wa̦ ja, ¿wamacö nia ja̦amodou daanö?

Juan 7:33

Ö̦jö däjä, judio bä nija abinaja Jesús a cuma. —Cafä wamacö nija ya nö dedejedou fa bälonö, wale lä shömöleno wei nijamö ya nia juu co̦o.

Hebreos 4:13

Yai Bada lijamö a nia lä jo̦yao wei, moli ma cui a cuami waiquiwä. Täbä jödödöwä wawädobou. Ö̦jö a showawä lä cuinö bämalecö a̦ nö nia wäamaö.

Apocalipsis 2:23

Ö̦jö a suwä lä cui, bä ijilubö ya ebä nia shäö showadao, a wa̦ suwä lä juaö wejei bä lä cui, iba bä lä yododoblai bä bufi yai jaducublobä. Bä bufi lä cuaablalou wei ma cui ya tä daö. Bä bufi lä waiyou wei tä ca̦i. Bä lä cuaaö wei tä nowa lä cudalenaja ya tä nowa nia bluca co̦aö cuo.