Juan 16:18 - Biblia Yanowamö

¹⁸ Abinaja bä nowa ca̦i tayoma. —¿Wedinaja a cuu bufio yalo, “Tä nö dedejeblou mlai ja”, a li cuu cufe? Bäma a wa̦ ji̦liblaimi waiquiwä —bä nowa tayoma.

Juan 16:18 Iomraidhean Croise

Lucas 24:25

Abinaja Jesúsnö cäcöbö nowa tama. —¡Wafäcö bufi jaducuwä lä mlai! Yai Bada a wa̦no wäyälewä bänö tä a̦fa bluca wäyäö ma balöono wejei ma cui, ¡wafä tä a̦ bejedi bufii si ijejewämi!

Juan 16:17

Cama ebä lä nocamabono wei ai ebä lä cui, abinaja bä nowa tayoma. —¿Wedinaja a bufi li fa cunö, einaja bämalecö nowa li taö cufe? Tä nö dedejeblou mlai ja, bäma a nia jo̦wa dablaö mladou. Tä nö dedejeblou fa co̦lonö, bama a nia jo̦wa shino dablaö co̦o. “Fayä nijamö ya co̦o yalo”, a ca̦i lä cufe, ¿wedinaja a bufi li fa cunö, bei a wa̦ li? —bä nowa tayoma.

Juan 16:19

A wa̦lii bufi lä doblaono wejei Jesúsnö tä daö waiquioma yalo, abinaja bä nowa tama. —Bämacö nowa lä tafe tä a̦ ja, ¿wamacö wa̦liyo da culanö? Abinaja ya cuma. Tä nö dedejeblou mlai ja, wamale nia dablaö mladou. Tä nö dedejeblou co̦o däjä, wamale nia shino dablaö co̦o. ¿Ö̦jö tawä?

Hebreos 5:12

Wamacö nö dedeaö waiquiwä yalo, ai wama täbä damaö mö feduobä wamacö ma cui, wamacö doblou malä mlai. Ai wama bä damaö mlai ja, ai bä lija cafä wamacö yai damamou co̦obä wamacö, Yai Bada colo tä a̦ lä cui ja wamacö bufi yai jaducäblobä. Ijilu oshe bä lä culenaja wamacö cuwä showawä. Nii bä wabeje bämi. Sifu ubä ja bä shadio showawä cäbä.