Juan 16:16 - Biblia Yanowamö

¹⁶ ’Tä nö dedejeblou mlai ja, wamale nia möö mladou. Tä nö dedejeblou co̦o däjä, wamale nia shino dablaö co̦o —a cuma.

Juan 16:16 Iomraidhean Croise

Marcos 16:19

Ö̦jö däjä, Bada tä Jesúsnö bä yömölaa jödödöa fa balölönö, fedu jamö a co̦molayoma. Yai Bada boco jayu mashi jamö, a döcäaledayoma.

Juan 12:35

Abinaja Jesúsnö bä nowa tama. —Cafä wamacö nija lobe tä shi̦i cublaa. Ei tä shi̦i cua lä showale däjä, bä da cadidofälö, mö didi tä ja wamacö shi wa̦lia dicoicu. Tä mö didiobä jamö bä lä juu wei, bä mojodili ca̦i juu.

Juan 13:3

Jesús a lä cuinö, jödödöwä täbä lojodobobä, bä Fö̦ö enö Bada a yai tablamaö lä waiquilayono wei tä daö waiquioma. Yai Bada nija a cuo lä balöono wei tä ca̦i daö showaoma. Ö̦jö nijamö a nia lä co̦o wei tä ca̦i.

Juan 13:33

’Ijiluyä wamacö —a cuu co̦oma—. Cafä wamacö nija lobe ya cublaa lä cule. Wamale nia dayäö. Judio bä nija ya lä cuno weinaja, cafä wamacö ma cui, bämacö nowa taö co̦a lä cule. Ya nia lä cuo wei jamö, wamacö juu daomi.

Juan 16:10

Camiyä ya yai lä dodijaö wei tä ja, bä bufi nia ca̦i jaducublamaö. Ya dodijama yalo, Fayä nijamö ya fa co̦lunö, wamale nia dablaö co̦daaimi.

Juan 16:22

Inaja showawä, fei däjä wamacö bufi nia ma cublou wei ma cui, bämacö wäyäcu möyou co̦a yalo, wamacö bufi nia shino doblalou co̦o. Ö̦jö lä däjä, wamacö taamaö ma bälajei ma cui, wamacö bufi nia doblalou fe yadio.

Juan 16:28

Fayä nijamö ya culanö, bita jamö ya waloqueyoluma. Fei däjä ei bita ya tabi fa feicönö, Fayä nijamö ya nia co̦jamöö —a cuma.

Juan 16:5

Abinaja Jesús a cuma. —Ö̦jö ma cui, wale lä shömöleno wei a lä cui nijamö, fei däjä ya nia co̦o ma cui, ya nia yai lä juu wei jamö wama tä wa̦liimi.

Juan 17:13

’Ö̦jö ma cui, fei däjä cafä nija ya co̦o —Jesús a cuma—. Camiyä ya bufi doblalou lä culenaja, bä bufi doblalou cuo mö feduobä, eja ya cuo showao däjä ya tä a̦ bluca wäyäö.

Juan 17:5

Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 7:33

Ö̦jö däjä, judio bä nija abinaja Jesús a cuma. —Cafä wamacö nija ya nö dedejedou fa bälonö, wale lä shömöleno wei nijamö ya nia juu co̦o.

Hechos 1:3

A nö lä bleaamano wejei däjä a fa nomalönö, a demi ca̦i jocädou fa co̦lonö, cama ebä showawä lä cui nija a demi damoa co̦laliyoma. A lä cuaano wei tä blucanö, a nö demi ö̦jöbömolayoma. 40 tä mö didi cublou jaöo mlao däjä, ö̦jö bä nija a dablamou lä cuaale jamö, Yai Badanö cama ebä nia ca̦i lä cuo wei tä a̦ wäyäö cuaama.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.