Juan 16:13 - Biblia Yanowamö

¹³ Yai Bada tä Bufi waloyoluu däjä, bejedi tä a̦ jamö wamacö nia lulubou. Cama Bayeliawä a bufi lä cuu weinaja, a wa̦ nia faö bädaomi. Fayä nija tä a̦ bluca lä ji̦liaö wei tä a̦ nia yai wäyäö. Tä nia lä cublou wei, cafä wamacö nija tä a̦ nia ca̦i bluca wäwämaö.

Juan 16:13 Iomraidhean Croise

Isaías 11:2

Ö̦jö lija Jeobaa a Bufi fa yanöcöicunö a bufi nia yai jaducämabou. Bufi dao a nia taamabou. Täbä bufi yai shalilamabä, a nia taamabou. A nö nia yai wa̦lojomabou. Bejedi tä a̦ ja, a bufi nia yai damaö, Jeobaa a nö quili tabä.

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 14:17

Yai Bada tä Bufi lä cui, ö̦jö lä ya tä a̦fa taö, tä a̦ bejedi lä wäyäö wei. Yanowamö täbä lä cuinö, tä nö ö̦jöböaimije yalo, tä ca̦i daö fa mlacujenö, tä a̦ waibouje. Ö̦jö ma cui, cafä wamacönö wama tä li daö. Wamacö ca̦i malä cule. Cafä wamacö nija tä nia yai cuo cadidio.

Juan 14:26

Ö̦jö ma cui camiyä ya wa̦nö, Fayänö Bayeliawä a nia shömaö, cama a Bufi showawä lä cui. Ö̦jö a lä cuinö, bluca tä lä cule tä ja wamacö nia yömölabodii juo. Cafä wamacö nija ya tä a̦ bluca lä wäyäno wei tä a̦ ja, wamacö bufi nia jaducuamaö juo.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 16:12

’Cafä wamacö nija ya tä a̦ nia lä wäyäö wei, bluca ya tä a̦ tabou ma showale, fei däjä wamale a̦ nö yai ji̦liabimi —a cuma—.

Juan 3:32

’Tä lä mödayono wei, tä a̦ ca̦i lä ji̦liledayono wei, ö̦jö tä a̦fa bluca wäyäö ma cui, a wa̦ bejedi bufiimije.

Juan 8:38

Fayä nijamö ya tä lä möno wei ya tä a̦fa wäyäö. Inaja showawä, cafä wamacö yai lä fö̦ömou wei nija wama tä a̦ lä ji̦lileno wei, wama tä li taö dicoo —bä nowa tama.

Hechos 11:28

Ö̦jö ai a lä cui, Acabo a wa̦fa cuoma. Bä lä yododano wei jamö ö̦jö a fa ublaicunö, Yai Bada tä Bufinö a wa̦ fa macocoamanö, ofi a nia lä cublono wei bei tä a̦fa wäyäö balöoma. Jödödöwä bä lä bälöblai, ofi tänö bä nö nia jo̦wa bleaaö cuaama. A la cuno weinaja, inaja showawä tä cublaliyoma. Lomateli bada Claudio a lä läono wei däjä, tä bejedi wawäblaliyoma.

Hechos 20:23

Ya tä daö ma mlai ma cui, Yai Bada tä Bufinö wale yömölaö ja, a wa̦ li wawäaö. “Wa juaö ma bädao wei jamö ma cui, showadi wa nö nia bleaamaöje. Wa fe nia labouje”, wale nowa taö.

Hechos 27:24

abinaja wale nowa tama. “A quili dijä, Pablo. Sesa nija wa icuobä wa waiquiwä. Wa bä befi ca̦i lä caläle bä ma cui, Yai Bada tänö ö̦jö bä bayeliblaö bufi doblaa mö fedua lä cule”, wale nowa tama.

2 Tesalonicenses 2:12

täbä bluca waimou showadaobä. Täbä waimobä täbä waiquiwä. Yai Bada etä a̦ bejedi bufibou fa mlacujenö, tä lä wasöö wei tä yai taö bufi malä doblao wejei.

2 Tesalonicenses 2:3

Yanowamö täbä lija wamacö mölaö dodijio mlai. Yai Bada a waibeje, yanowamö täbä a̦ nia bluca obi lofotoaö. Ö̦jö tä cublou showao mlao däjä, Jesucristo a nia fuu co̦o jaöomi. Yai Bada lija a nö yai lä nabämou wei a nia wawäö balöo, shobali wacä jamö a nia lä wa̦liablamou wei a lä cui.

Hebreos 1:1

Yedu ja, Yai Bada a wa̦no wäyämamoma, camiyä judio bämacö nö badabö lija. Cama a wa̦no wäyälewä bä blucanö, a wa̦no wäyäö cuaamaje.

1 Juan 2:20

Ö̦jö ma cui, Yai Bada tänö a lä yaimabole a lä cuinö, cafä wamacö nija a Bufi shömöledayoma. Ö̦jönö wamacö bayelibou yalo, bejedi tä a̦ lä cui wama tä a̦ daö.

1 Juan 2:27

¿Ö̦jö tawä? Jesucristo a wa̦nö, cafä wamacö nija Yai Bada a Bufi yanöcöa waiquia. Shomi täbä nija wamacö damamobä wamacömi. Wamacö nia lä damaö wei, ö̦jö lä a waiquiwä. Cafä wamacö nija a Bufi lä yanöcöle a lä cuinö, jödödöwä tä ja wamacö damaö. A jolemoimi. Tä a̦ lä wawämaö wei tä a̦ bejedi. Ö̦jö cudeenö, Jesucristo nija bä yanöcöwä da cuicu, Yai Bada tä Bufinö wamacö taamaö lä bufii weinaja showawä.

1 Juan 4:6

Camiyä bämacö mö feduwä lä cui, Yai Bada bei bäma ecö li. Yai Bada tä lä daö wejei bänö bämalecö a̦ ji̦liaö bufi doblaoje. Yai Bada ebä lä mlai bänö bämalecö a̦ ji̦lii bufiomije. Ö̦jö lä tänö Yai Bada tä Bufi lä tabou wejei bäma bä nö ö̦jöböaö. Bä lä jolemou wei bä ca̦i.

1 Juan 5:6

Yai Bada bei Ijilubö a Jesucristo lä cui, yanowamö täbä nijamö a waloqueyoluma. Mau u jamö a fe ojoblamolayoma. A befi ca̦i lä i̦taono wei jamö a i̦yä nö ca̦i beblaloma. ¿Ö̦jö tawä? Mau unö a fe lä ojoblamono wei tä bädawänö mlai, bei i̦yäbö lä falayono wei tä ma cuinö a nö ca̦i ö̦jöböamou waiquiwä.

Apocalipsis 1:1

Camiyä Juan ya nija Jesucristonö tä lä damalaleno wei, ei tä a̦ oni. Jesucristo nija Yai Bada tänö ö̦jö tä bluca wawämalema, cama bäma ecö moyawämabou mö feduobä. Tä nö dedei showao mlao däjä, Yai Bada tänö tä nia lä taö wei tä nia cublou. Jesucristo a nosie juamobä ya lä cui nija tä dablamabä, a̦jele e shömöledayoma.

Apocalipsis 1:19

’Bei. Wa täbä lä möö wei tä da oniblalö. Fei däjä tä lä cublole tä ma cui, tä nia obi lä cublou wei tä ma cui, ö̦jö tä bluca da oniblalö.