Juan 16:11 - Biblia Yanowamö

¹¹ Yai Bada tänö täbä nia lä jömaö wei tä ja, Bayeliawänö täbä bufi nia ca̦i jaducublamaö. Bita jamö a yai lä nosiemou wei a fecula bada lä cui, ö̦jö a jömöbou malä waiquile.

Juan 16:11 Iomraidhean Croise

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

Salmo 68:18

Jeobaanö yanowamö bluca täbä fa däfälönö, ösö jamö täbä ca̦i yamobefälöma. Yanowamö täbä shijiloblao lä mlai bä ma cui lija, a dobämoma. Jeobaa a lä bufiblamou wei, ö̦jamö a nia bälödio.

Mateo 12:18

Bei. Ya wa̦ juamobä, ei ya yailema. Ya nofimaö fe balojowä. Cama nija ya bufi yai doblalou. Bei ya Bufi fa lucälönö, judio bä lä mlai bä nia bluca yömölaö cuaaö. Camiyä nija bä nia dodijidawä cuo fe lä yadio wei tä a̦ nia wäyäö.

Mateo 12:36

’Bämacö nowa taö lä cule —a cuma—. Yai Bada tänö täbä bluca jömaö däjä, yanowamö täbä a̦ faö lä bädao wei tä a̦ ma cui ja, bä a̦ nia wäamadayou.

Lucas 10:18

Abinaja Jesús a cuu nomöjöoma. —Bejedi lä. Sadanasi a lä ujudulayono wei däjä, fedu jamö ya quei dalalema, madula a wacö quei lä culenaja showawä.

Juan 12:31

Fei däjä Yai Bada tänö yanowamö täbä nia jömaö. Fei däjä fecula bada a nö nia bleaamaö, bita jamö a lä nosiemou wei a lä cui.

Juan 14:30

’Bei —a cuma—. Fei däjä bämacö a̦ wayomadibä tä cuami waiquiwä. Fecula bada a ajeo lä cule, ei tä ulifi jamö a lä nosiemou wei a lä cui. Cama nija camiyä ya nosiemamoimi.

Juan 16:12

’Cafä wamacö nija ya tä a̦ nia lä wäyäö wei, bluca ya tä a̦ tabou ma showale, fei däjä wamale a̦ nö yai ji̦liabimi —a cuma—.

Hechos 10:42

’Ö̦jö däjä, yanowamö yama bä yömölabä yamalecö nosiemama, Yai Bada tänö a Bada lä tablamaleno wei yama a wa̦fa wäyäbä. Bämacö demi lä showai bämacö ma cui, bä nomaa lä waiquilaliyono wei bä ma cui, bämalecö nia bluca lä jömaö wei, ö̦jö a. Bämacö dodijaö ma cui, bämacö doblou ma mlai ma cui, ö̦jönö bämalecö nowa nia taö. Ö̦jö yama tä a̦ bluca wäyäbä yamalecö nosiemama.

Hechos 24:25

Täbä lä bejedimou wei tä a̦ ma cui, täbä bufi lä wasöo wei tä a̦ ma cui, Yai Bada tänö täbä nia obi lä jömaö wei tä a̦ ma cui, Pablonö ö̦jö tä a̦ bluca wawämaö ja, a wa̦ lojodoama. Feli a quilima. —Inaja lä waiquiwä —a cuma—. Fei däjä a co̦jamö da balöo. Obi, ya yabäcoimi ja, bäfä nacamaö co̦o weicätä —a cuma.

Hechos 26:18

Wa bä bufi möblamabä bäfä nia shömaö, bä mö jamoliblobä. Tä mö lä didi wei jamö bä ma cule ma cui, tä shi̦i lä wacacai jamö bä mö shino yaiblou nomöjöobä. Fecula bada tänö bä ma lojodobou däjä, ö̦jö tä fa dacöjenö, camiyä Yai Bada nija bä mö cublou nomöjöobä. Bä doblou lä mlai tä bluca ma cule, tä nowa mladobä. Camiyä wale nofi lä mölabou wejei tänö, iba bä lä yaile bä nija bä yädäblobä”, camiyä nija Bada tä cuma. ¿Ö̦jö tawä? —Pablo a cuma.

Romanos 16:20

Inaja wamacö cuaalanö, bämalecö bufi lä yanöcömabou wei tä Yai Bada lä cuinö wamacö nia nowamöbou. Sadanasi wama a ja̦mabobä wamacö nia lofotomabou. Bei. Bada tä Jesucristo lä cuinö, showadi wamacö shi̦lo bayeliblabä. Wamacö nofi ojodabobä.

Romanos 2:16

Ö̦jö cudeenö Yai Bada tänö bä nia lä jimaö wei tä cublou däjä, Jesucristonö bä a̦ nö nia bluca wäamaö. Bä bufi cuaablalou lä ja̦too wei tä fa wawäblamanö bä nia jimaö.

1 Corintios 4:5

¿Ö̦jö tawä? Ö̦jö cudeenö, täbä dobloimi jimaö shi jalimo dijejä. Bada tä Jesucristo a itou co̦oyoluu däjä, tä bluca nia wawäblou. Jai mö didi jamö tä ma jo̦yale ma cui, tä nia wawäblamaö. Täbä bufi cuaaö lä ja̦too wei tä ma cui, täbä bufi nia ca̦i wawädowä dablamaö. Ö̦jö däjä, täbä dodijaö jimamobä tä cua ja, cama Yai Bada a showawänö, täbä nia jimaö.

2 Corintios 4:4

Bita jamö Sadanasi a bada lä bufiblamou wei a lä cuinö, ö̦jönö bä bufi mojodumabou. Dodijidawä tä a̦nö bä bufi wacacablou mlaobä cama etä a̦ li lämaö. Tä a̦ bejedi bufii lä mlajei, showadi inaja bä li taamaö, Cristo a nö doblao ö̦jöböaö mlaobeje. ¿Ö̦jö tawä? Yai Bada a cuwä lä dodijiinaja, Cristo a cua mö fedua.

Efesios 2:2

Wa̦lidiwä tä jamö yanowamö täbä showadi cuaaö lä showainaja, wamacö cafä ca̦i jaba cuaaö balöoma. Fecula bada lija wamacö luluamoma, fecula ösö jamö bä lä cublai bä lä nosiemaö wei a lä cui lija. Yai Bada tä a̦ fuaö lä mlajei bä lä cui, ö̦jö fecula bada lija bä luluamou showaa lä cudi.

Colosenses 2:15

Bämalecö lofotobou co̦daaö mlaobeje, fecula bä ca̦i bluca ujudua showamalema, cama ebä bada lä läle bä ca̦i. Cristo a shämou lä läono wei tänö, wawädowä bä nö bluca blemalalema.

Hebreos 2:14

Ö̦jö ijilu bäma ecö lä cui, yanowamö bei bämacö, yai bämacömi. Bämacö ya̦ji cublawä. Bämacö i̦yäbö ca̦i cublawä. Camiyä bämacö lä culenaja a cublou mö feduobä, cama a yanowamöblaleyoluma, camiyä bämacö nomaö lä cuo weinaja a nomaö cuo mö feduoyolubä. Yanowamö a fa cublaliyonö, a lä nomaö wei tänö, fecula bada a nia wa̦liaö showadaoma, täbä yanowamö lä nomamaö wei a bada lä cui.

Hebreos 6:2

Täbä fe lä ojomamou wei tä a̦ ma cui, Jesucristo ebä lija bada bä imicö lä maqueo wei tä a̦ ma cui, ö̦jö bäma tä a̦ ca̦i daö waiquiwä. Täbä nia demi jocädou lä co̦o wei tä a̦ ma cui, Jesucristo ebä lä mlai bä nö nia bleaaö shi lä wa̦lii wei tä a̦ ma cui, ö̦jö lä tä a̦ ja, bämacö yömölaö co̦obä tä cuami.

Hebreos 9:27

Yanowamö täbä nia lä nomaö wei, moli bä nia shi̦lo nomaö. Ö̦jö däjä Yai Bada lija bä nia icuo, bä jimamobä.

2 Pedro 3:7

Fei däjä ma cui, Yai Bada tä a̦ lojode showawänö bämacö cua showaa lä cule. Judu mösö ma cui, bita a ma cui, Yai Bada tänö bä tabou balöa showaa. Täbä bluca jömabä etä cublou däjä, Yai Bada tä daö lä mlajei bä mö nia watäblaö. Ö̦jö lä däjä, cowa wacönö jödödöwä tä nia bluca ö̦shömaö. Tä a̦ lojode. Ö̦jö ma cui, tä a̦ nö lä waiblaö wejei bä lä cuinö, tä a̦ nofi mojodubou bufi doblaoje.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

Apocalipsis 1:7

¿Ö̦jö tawä? Jesucristo a lä cuinö, ölajashi bä befi ca̦i nia waloo co̦oyoluu. Jödödöwä bä blucanö a nia dablaöje. A lä diquiano wejei bä bluca ma cuinö a nia ca̦i dablaöje. Ö̦jö a nowa ja, bita jamö bä jödödöwä lä bälöblai bä nofi fa jo̦lijonö bä a̦ nö nia quilili bleaaö. Einaja lä tä nia cuo dodijio. ¡Inaja lä tä cuobä!