Juan 16:10 - Biblia Yanowamö

¹⁰ Camiyä ya yai lä dodijaö wei tä ja, bä bufi nia ca̦i jaducublamaö. Ya dodijama yalo, Fayä nijamö ya fa co̦lunö, wamale nia dablaö co̦daaimi.

Juan 16:10 Iomraidhean Croise

Juan 16:28

Fayä nijamö ya culanö, bita jamö ya waloqueyoluma. Fei däjä ei bita ya tabi fa feicönö, Fayä nijamö ya nia co̦jamöö —a cuma.

Juan 16:5

Abinaja Jesús a cuma. —Ö̦jö ma cui, wale lä shömöleno wei a lä cui nijamö, fei däjä ya nia co̦o ma cui, ya nia yai lä juu wei jamö wama tä wa̦liimi.

Juan 3:14

¿Ö̦jö tawä? Ulifi bloque a jamö, Moisesinö olu cäcö nö ijidubö befi ca̦i lä i̦taqueno weinaja, inaja showawä camiyä ya lä yanowamöblaleyoluno wei, ya befi ca̦i i̦tao cuobä ya.

Juan 5:32

Ai tänö wale a̦fa li yai wäyäö culadi. ¿Ö̦jö tawä? Ö̦jönö wale a̦fa lä wäyäö wei, ya bejedimou daö.

Juan 7:33

Ö̦jö däjä, judio bä nija abinaja Jesús a cuma. —Cafä wamacö nija ya nö dedejedou fa bälonö, wale lä shömöleno wei nijamö ya nia juu co̦o.

Hechos 17:31

Yanowamö täbä obi nia malä jömaö wei. Bämacö dodijaö ma cui, bämacö doblou ma mlai ma cui, bämalecö nowa taö ja a wa̦ nia cadidou. A wa̦ nia lä famaö wei a yaia waiquilema. “Bejedi lä ö̦jö lä a waiquiwä”, bämacö bluca cubä, a nofi lä yaibole a ma nomalayono wei ma cui, a demi jocädamaö co̦layoma —Pablo a cuma.

Hechos 2:32

Ö̦jö Jesús a lä cui, Yai Bada tänö a demi jocädamaö co̦layoma. Camiyä bluca yamacö mamocunö, yama a demi daa co̦lalei cublelei.

Hechos 3:14

’Yai Bada a wa̦ yai juabä, a ma yaiono wei ma cui, ö̦jö a shino ma bejedimono wei ma cui, wama a wailema. Bilado wama a fa wa̦linö, a lä unocai wei wama a yai shino jujeblamaö bufi doblao dicooma.

Hechos 7:52

Yai Bada a wa̦no wäyälewä bä lä cui, ¿bä nö bluca bleaamanomi sijewä? Yai Bada a wa̦ juamobä a lä yaileno wei a ma cui, ö̦jö a wa̦fa juu wäyäö lä balöono wejei bä bluca ca̦i shäa balöalalemaje. Ö̦jö a wa̦fa juu lä wäyäno wejei a lä cui, cafä wamacö lä nodiblaliyono wei wamacö ma cuinö, fei däjä wama a fa nomojolilänö wama a shämalema.

Romanos 1:17

Ö̦jö etä a̦ dodijidawä lä cui jamö, Yai Bada tänö bämalecö nofi tabou fe lä yadio wei tä dablamou. Bäma tä a̦ nofi yai lä mölabou wei tänö, jai bämacö cadejewä waiquiwä bämalecö nofi tabou. Ö̦jö tä shi̦lonö. Yai Bada tä a̦ oni lä cuu weinaja showawä. Abenaja tä a̦ cuu. Cama a nofi mölabouje yalo, jai bä cadejewä waiquiwä Yai Bada tänö bä nofi tabou. Ö̦jö bä lä cui bä nia shi̦lo yai demi cuo. Einaja tä a̦ cuu.

1 Corintios 1:30

Jesucristo lija wamacö bufi fa yädäicunö, Yai Bada tänö wamacö ba̦limibou lä cule. ¿Ö̦jö tawä? Cama bufi moyawe etä lä cuinö bämacö bufi li camiyä moyawäblaliyoma. Cama dodijidawä etänö, bämacö li dodijidablaliyoma. Yai Bada bäma ecö dodijidawä cuobä, Jesucristo lija bämacö yaimoa yädälayoma. Bämalecö nowa fa co̦macönö, Yai Bada lija bämalecö ajedea comaquema.

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Gálatas 5:5

Jesucristo bäma a nofi mölabou yalo, jai bämacö dodijaö waiquiwä Yai Bada tänö bämalecö nofi tabou waiquiwä. ¿Ö̦jö tawä? Yai Bada tä Bufinö, inaja bämalecö bufi malä taamaö wei.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.