Juan 15:7 - Biblia Yanowamö

⁷ ’Camiyä nija wamacö yanöcöwä cuo ja, showadi wamale a̦ nofi ca̦i jaducubou ja, camiyä nija wamacö nö bayeli nacao lä bädao wei tä ma cui ja, wamacö a̦ nia juamou —a cuma—.

Juan 15:7 Iomraidhean Croise

Proverbios 4:4

Wale damaö ja, abenaja wale nowa tama. —Bei wa bufinö wale a̦ da lofotolä. Bä nowa lä taö wei wa tä a̦ nofi jaducäbou ja, dodijidawä wa nia cudio.

Mateo 7:7

Abinaja Jesús a cuma. —Yai Bada nija bä da naco, wamacö dobäö cuquei. Dodijidawä tä da dayäaje, wama tä dablaö weicätä. Bei yoca da cloocaje, yoca caloblaö wä. ¿Ö̦jö tawä?

Juan 14:13

Camiyä ya wa̦nö, wamacö nö bayeli nacao ja, wama tä nacaö lä bädao wei tä ma cui ja, bämacö a̦ nia juaö, Fayä ya doblao dablamabä.

Juan 15:16

’Cafä wamacönö camiyä wamale yaianomi —a cuma—. Ma, camiyänö cafä bämacö yai yailema. Bämacö nia fa shömanö, bämacö cadidialalema, nii bä wawäblou lä culenaja, cafä wamacö ma cuinö, dodijidawä wama tä wawäblamaö cuobä. Wama tä dodijidawä lä wawäblamaö wei tä lä cui tä mladou mlai ja, tä cudalodibä. Inaja wamacö cuaaö ja, camiyä ya wa̦nö, Fayä nija wamacö nö bayeli nacao lä bädao wei tä ma cui ja, Fayänö wamacö nia dobäö.

Juan 16:23

’Ö̦jö däjä camiyä nija wamacö nia nacoimi —a cuma—. Cafä wamacö nija ei ya wa̦ lä cui, bejedi lä ya wa̦. Inaja tä cublou däjä, Fayä nija, camiyä ya wa̦nö wamacö nö bayeli nacao lä bädao wei tä ma cui ja, wamacö nia dobämou.

Juan 8:31

Ö̦jö däjä, Jesús a wa̦ bejedi lä bufileno wejei bä judio lä cui bä nija abinaja a cuma. —Showadi wamale a̦ nofi cadidibou ja, camiyä nija bejedi lä wamacö nia shino yai nocao.

Juan 8:37

’Ablaamö nija wamacö lä nodiblaliyono wei, ya tä daö lä. Ö̦jö wama ecö bäwä ma cui, wamale a̦ waii dicoo yalo, wamale shäö bufi doblao.

Gálatas 4:2

A ca̦i lä culajei bänö a bufi nia jaducäblamaö balöoje. Ö̦jö bä lija a nia damamou balöo. Bä fö̦ö e lä cuu weinaja a nia taamaö balöoje. “Ijiluyä einaja a bufi ca̦i jaducäwä cublou däjä, iba täbä ja a nia lämou nomöjöo”, bä fö̦ö e lä cuu weinaja, inaja showawä a nia taamaöje.

Gálatas 5:16

Ö̦jö ma cui, abenaja bämacö nowa taö. Yai Bada tä Bufi ja, bä noshi yai shi̦lo da ö̦jödao. Yanowamö täbä showadi cuaaö bufi lä doblao wei tä ja, bä cuaa dijä.

Deuteronomio 6:6

’Fei däjä bämacö lä yömölafe, bei wamacö bufi jamö wama tä a̦ nia bejedi lämabou.

Colosenses 3:16

Cristo etä a̦ jamö, bä bufi yai shi̦lo da taamamo. Wamacö bufi jaducälanö bä da yömölayo. Bä ca̦i da wasöyo. Yai Bada tä ja wamacö bufi doblalanö, ö̦jö lija täbä a̦ amowa lä yädäblai täbä a̦ shi̦lo da taje. Nö badabö David etäbä a̦ ca̦i. Yai Bada tä Bufinö täbä a̦ lä bädamaö wei täbä a̦ ca̦i.

1 Juan 2:14

Yai Bada a sho cäcöbö cuo lä balöono wei a lä cui, bada wamacönö wama a daö yalo, cafä wamacö nija ya tä a̦ oni shömaö. Fiya wamacö lä cui, wamacö bufi lojode. Yai Bada bei wama tä a̦ nofi jaducubou. Fecula bada a yai lä wa̦lidii nija wamacö nö wa̦lojaö waiquia. Ö̦jö cudeenö, cafä fiya wamacö nija ya tä a̦ ca̦i oni shömaö mö fedua.

1 Juan 2:27

¿Ö̦jö tawä? Jesucristo a wa̦nö, cafä wamacö nija Yai Bada a Bufi yanöcöa waiquia. Shomi täbä nija wamacö damamobä wamacömi. Wamacö nia lä damaö wei, ö̦jö lä a waiquiwä. Cafä wamacö nija a Bufi lä yanöcöle a lä cuinö, jödödöwä tä ja wamacö damaö. A jolemoimi. Tä a̦ lä wawämaö wei tä a̦ bejedi. Ö̦jö cudeenö, Jesucristo nija bä yanöcöwä da cuicu, Yai Bada tä Bufinö wamacö taamaö lä bufii weinaja showawä.

1 Juan 3:22

Ö̦jö däjä, Yai Bada nija bäma tä a̦fa lä bou wei tä lä cui, bäma tä bluca däaö. Tä tamaö lä bufii wei bäma tä taö yalo, bäma a bufi doblamabou cudeenö bämalecö dobäö.

1 Juan 5:14

¿Ö̦jö tawä? Yai Bada nija bämacö nö bayeli nacao däjä, bämacö bufi mölaö ca̦i icuo dao. Yai Bada tänö tä tamaö lä bufii wei tä ja bämacö yädäo bufi doblao yalo, bämacö nö bayeli nacao lä bädao wei tä ma cui ja, bämalecö a̦ nia ji̦liaö.