Juan 15:5 - Biblia Yanowamö

⁵ Camiyä bei ya toto colo, ¿ö̦jö tawä? Cafä wamacö lä cui, bei ya totocu boco. Camiyä nija bä lä yanöcöo wei bä lä cui, cama bä nija ya ca̦i yanöcölanö, ö̦jö bä nia dodijaö. Ö̦jö bä lä cuinö, uba bä dodijidawä lalou lä culenaja, bluca tä nia dodijidawä wawämaö cuoje. Camiyä nija bä yanöcöomi ja, bä dobloimi malä waiquii.

Juan 15:5 Iomraidhean Croise

Mateo 13:21

Ö̦jö ma cui, mobä nasöcö daloblou fa mlacunö mosibä nö dedejebloimi. Ö̦jö mosibä lä culenaja bä lä cui, bä nö jaba wa̦lojaö ma bäquei wei ma cui, bä yabäcamou däjä yedu bä waiquidou. Tä a̦ lä däaö wejei tä a̦ nowa ja, bä nö bleaamaöje däjä, inaja showawä bä waicou.

Juan 12:24

Cama a nia lä taamamono wei tä a̦fa wäyäö ja, abinaja a cuu nomöjöoma. —Cafä wamacö nija ei ya wa̦ lä cui, bejedi lä ya wa̦. Mashita jamö, nii mo befi ca̦i lä quei wei, dude mo cuo däjä, mo nia cauu showadaomi. Mo nia yami blao. Wa̦lidiwä mo fa cublalunö mo shino caulayou. Mo fa caulunö, moli mlai, bluca mobä nia yädäo.

Juan 15:16

’Cafä wamacönö camiyä wamale yaianomi —a cuma—. Ma, camiyänö cafä bämacö yai yailema. Bämacö nia fa shömanö, bämacö cadidialalema, nii bä wawäblou lä culenaja, cafä wamacö ma cuinö, dodijidawä wama tä wawäblamaö cuobä. Wama tä dodijidawä lä wawäblamaö wei tä lä cui tä mladou mlai ja, tä cudalodibä. Inaja wamacö cuaaö ja, camiyä ya wa̦nö, Fayä nija wamacö nö bayeli nacao lä bädao wei tä ma cui ja, Fayänö wamacö nia dobäö.

Juan 5:19

Abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada bei Ijilubö ya e lä cui, camiyä ya cuaaö bufi lä doblao wei tänö ya cuaaimi. Fayä a lä cuaaö wei ya tä möö yalo, inaja camiyä ya e ca̦i cuaaö mö fedua. Fayänö tä lä taö wei, bä Ijilubö ya enö ya tä cai̦ taö mö fedua. ¿Ö̦jö tawä?

Juan 9:33

Fei a lä cui, Yai Bada tänö a shömaö mlao fa cunoja, a nö cuaabö mlai —bä nowa tama.

Hechos 4:12

Ai a nija bämacö nia lä jucäamou wei a cuami. Jödödöwä täbä lä bälöblai täbä ma cui nija, ai a wa̦fa wäyämamou malä mlai, bämacö jucäamobä —Pedronö bä nowa tama.

Romanos 12:5

Inaja showawä, Cristo lija bämacö bluca yädäa yalo, bämacö li moli. Bämacö bluca nia lä bayeliblamou wei bämacö shomiblawä.

Romanos 6:22

Ö̦jö ma cui wa̦lidiwä tä ja, fei däjä wamacö fujeblaliyoma. Yai Bada wama a nosie yai fuaö majöobä wama ecö cublou fa nomöjölonö, wamacö yai bayeliblamou. Yai Badanö dodijidawä wamacö fa yaimacönö, ba̦limi wamacö cuobä.

Romanos 7:4

¿Ö̦jö tawä, iba wamacö? Inaja showawä, Moisesi etä a̦ jamö wamacö jaba ma cuono wei ma cui, Cristo a lä nomalayono wei däjä, wamacö nomaö ca̦i yädäoma, cama lijamö wamacö yai cuo majöobä. A demi jocädamaö lä co̦layono wei a lä cui lijamö wamacö cua majöa, wamacö lä bejedimou wei tänö, Yai Bada wama a dodijidawä dablamabä.

1 Corintios 10:16

Jesucristo a shämoa lä lälayono wei bäma tä nofi jaducäbobä, uba bäma toubä lä coaö wei toubä ja, Yai Bada lija bämacö bufi a̦fa doblalou wäyämou talei. Jesucristo i̦yäbö ja bämacö bufi bluca bayeliblamoma yalo, bäma i̦yäbö nö e̦le coaö. Nii bäma a lä cleaö wei bä ma cui ja, inaja showawä. A lä shämolayono wei tä ja, bämacö bufi ca̦i bluca bayeliblamoma yalo, bei bäma a nö e̦le ca̦i waö.

1 Corintios 12:12

Yanowamö wa moli ma cui wa bayucuwä. Wa bayucuwä ma cule wa moli showawä. Cristo lija bämacö lä yädäo wei, inaja tä cuwä mö feduwä.

1 Corintios 12:27

Jesucristo lija wamacö lä cule, jai moli wamacö bayucuwä cuwä. Jesucristo lija wamacö bluca yädäa.

2 Corintios 13:8

Tä a̦ bejedi lä waiquii tä a̦ ja, yamacö a̦ läo daomi. Yamacö a̦ nia lä bayelio wei, yamacö a̦ shi̦lo yädäblou dao.

2 Corintios 9:10

Bä lä ficalimou wei bä lija, mobä bluca jibäaö talei. Täbä ofäö mlaobä nii bä bluca ca̦i lalomaö. ¿Ö̦jö tawä? Ö̦jö a showawä lä cuinö, wama bä lä tabole bä nia balamaö. Bä nö lä bleaaö wei, wama bä nofi showadi ojodabobä, afä bä nia blucablamaö.

Gálatas 5:22

Ö̦jö ma cui, Yai Bada tä Bufi ja bä lä luluamou wei bä lä cui, abenaja bä cuaaö. Bä bufi nofio. Bä bufi ca̦i doblalou. Yanöcöwä bä bufi ca̦i cuo. Bä shi jalimoimi. Täbä ca̦i bayeliblaö bufi doblaoje. Dodijidawä bä ca̦i cuoje. Bä ca̦i li cadidou.

Efesios 5:9

Tä mö lä wacacai jamö täbä cua yalo, täbä malä dodijaö wei. Bä bejedimou. Bejedi tä a̦ jamö bä cadidou.

Filipenses 1:11

Jesucristonö wamacö fa bayeliblanö, cama etä dodijidawä lä cuinö wamacö yai dodijidawä cuobä. Inaja wamacö cuaalanö, Yai Bada wama a dodijaö dablamabä, a nofi doablabeje.

Filipenses 4:13

Tä cublou lä bädao wei tä ma cui ja, Jesucristonö wale nö wa̦lojomabou yalo, ya doblou fe yadio.

Filipenses 4:17

¿Ö̦jö tawä? Camiyä ya bayeliobä ya wa̦mi. Cafä wamacö li bayeliobä ya wa̦. Camiyä wamale bayeliblaö tä nowa ja, Yai Bada tänö wamacö bayeliblaö mö lä feduo wei, ö̦jö ya tä nofi cadidibou lä cule. ¿Ö̦jö tawä?

Colosenses 1:10

Dodijidawä wamacö cuobä ya wa̦ faö. Bada tä Jesucristo bäma ecö lä cui, dodijidawä bämacö cuobä bäma ecö waiquiwä malä cui, Jesucristo bäma a bufi yai doblamabobä. Wamacö lä bayeliblayou wei tä lä cui, ö̦jö wama tä shi̦lo yai balamabä yamacö a̦ ca̦i faö. Yai Bada tä lä cui, wama tä ca̦i daö cadidiobä.

Colosenses 1:6

Cafä wamacö lija tä a̦ ca̦i malä waloqueno wejei. Jödödöwä täbä lä bälöblai täbä ma cuinö tä a̦ ji̦liaö balaö lä cudujei. Tä a̦ ji̦liaöje yalo, bluca bä lä cublai Jesucristo ebä cublou lä cudi. Cafä wamacö ma cuinö, Yai Bada tänö täbä nofi lä ojodabou wei wama tä a̦ jaba fa ji̦lilänö, ö̦jö tä a̦ bejedi ja, wamacö bufi jaba fa jaducäblalunö, inaja showawä cafä wamacö ca̦i jo̦wa dodijaö balaö lä cuimadi.

Santiago 1:17

Täbä yai lä doblamaö wei a lä cui, ö̦jö Yai Bada a waiquiwä, fedu jamö a lä culadi. Ö̦jamö culanö bämalecö yai bayeliblaö. ¿Ö̦jö tawä? Bäma a nofi lä Fö̦ömale a lä cuinö tä ulifi wacacamabobä, judu mösö jamö täbä shi̦i shadimaquedayoma. Tä shi̦i yai lä doblaladi, cama a waiquiwä. Tä mö dödöjöblou majöobä a nia shomibloimi.

1 Pedro 2:4

Jesucristo nija bä da ajedeiquiyo. Ö̦jö nija wamacö ajedou däjä, maa ma lä ba̦limi wei ma wa̦fa lä jilabou wejei a nija wamacö yai ajedeblaliyo. Ö̦jö ma lä cui, ma yai demi. Täbä ca̦i demiblamaö. ¿Ö̦jö tawä? Yai Bada tänö ma yailema. Ma wa̦fa nowa bluca taö. Ö̦jö ma cui, yanowamö täbänö ma li wailemaje.

2 Pedro 3:18

Ö̦jö ma cui, Jesucristo nija wamacö bayeliblamou lä waiquio wei wama ecö lä cui, bä yai bayeliblamou fe da balojolu. Wama a daö lä waiquile wamacönö, a yai daö da shalilioje. Bada tänö bämalecö yai bayelibou. Ö̦jö cudeenö, fei däjä ma cui, obi ma cui, ö̦jö bäma a nofi shino yai da doabla. Inaja lä tä cuobä.