Juan 15:4 - Biblia Yanowamö

⁴ ’Camiyä nija bä yanöcöwä da cuicu —a cuma—, cafä wamacö nijamö ya lä culenaja showawä. Colo toto jamö totobä boco shadiomi ja, uba bä ca̦i nia faimi waiquiwä. ¿Ö̦jö tawä? Inaja showawä, camiyä nija wamacö yanöcöwä cuomi ja, cafä wamacö nija dodijidawä tä nia wawäbloimi.

Juan 15:4 Iomraidhean Croise

Mateo 12:33

’Bä bufi yai da shaliliblalu —Jesús a cuma—. Defi dodijidawä waiquiwä ja, ö̦jö defi jamö dodijidawä täcö nia dablamou. Defi wa̦lidiwä ja, wa̦lidiwä täcö nia ca̦i dablamou mö feduo. Täbä nii lä lalou wei täbä ja, defibä nö malä ö̦jöböamou wei.

Lucas 8:15

’A mashita lä dodijidai jamö ai mobä bläläa lä culayono weinaja, ai bä ma cuinö tä a̦ ji̦liaö cuwä mö feduweje —a cuma—. Ö̦jö bä lä dodijaö wei bä lä cuinö, bä bufi bejedimolanö tä a̦ ji̦liaö cuaaöje. Tä a̦ fa ji̦liajenö, tä a̦ nofi jaducubou dodijioje. Bä bufi yanöcölanö tä a̦ juadiije ja, etä yai dodijidawä cublaliyo.

Juan 14:20

Ö̦jö däjä, wamacö bufi nia yai jaducublou. Fayä nija camiyä ya lä cule, wama tä nia daö wawädoo. Camiyä nija cafä wamacö lä cule, wama tä ca̦i nia daö. Cafä wamacö nija camiyä ya cua mö lä fedule tä ca̦i.

Juan 17:23

Cama bä nija ya culanö, camiyä nija cafä wa ca̦i cuobä. Ö̦jö däjä, cama bä ma cui, moli dodijiwä bä ca̦i cuo mö feduo showaobä. Yanowamö täbä bufi jaducublobä. Cafänö eja camiyä wale lä shömöleno wei wale dabeje. Cafänö camiyä wale lä nofimalenaja, iba wa bä nofimaö mö lä feduo wei tä lä cui, ö̦jö tä ca̦i dabeje.

Juan 6:56

Wale ya̦ji lä waö wejei, wale i̦yabö lä coaö wejei, ö̦jö bä lä cui camiyä nija bä yanöcöwä cua, cama bä nija ya ca̦i yanöcöwä cua mö fedua.

Juan 8:31

Ö̦jö däjä, Jesús a wa̦ bejedi lä bufileno wejei bä judio lä cui bä nija abinaja a cuma. —Showadi wamale a̦ nofi cadidibou ja, camiyä nija bejedi lä wamacö nia shino yai nocao.

Hechos 11:23

Ö̦jamö a fa co̦blalunö, Yai Bada tänö bä lä bayeliblaleno wei tä fa dalalönö, a bufi doblaloma. Ö̦jö däjä, abinaja bä nowa tama. —Bada tä nija showadi wamacö bufi bejedimou fe yadiobä, bä bufi yai da shaliliicu —Benabeinö bä nowa tama.

Hechos 14:22

Cäcöbö jayuaö co̦lanö, Jesucristo nija bä lä nocao wei, ebä bufi lojodoamaböö cuaaö co̦ofälöma. A nofi mölabou fe yadiobeje, bä yömölaböö cuaama. Abinaja bä nowa taböma. —Yai Bada tänö cama ebä nia ca̦i lä cuo wei tä cublou showao mlao däjä, bämacö yanöcöobä tä cuami waiquiwä. Jesucristo bäma a nofi lä mölabou wei, showadi bämalecö nö nia bleaamaöje —bä nowa taböö jayuaö co̦ofälöma.

2 Corintios 13:5

Cafä wamacö ma cui, bä bufi bejedi da mömo, ö̦jö lä, Jesucristo wama a nofi jo̦wa lä mölabou wei, wamacö bufi bejedi dablamobä. Wamacö jolemoimi ja, “Awei, camiyä lija Jesucristo a cua lä cule”, wamacö nia cudou.

Gálatas 2:20

¿Ö̦jö tawä? Fii balitama tefi jamö Cristo a lä shäleno wejei däjä, camiyä ya ca̦i shämoa yädäa showalayoma. Fei däjä ya demi lä cule, Cristonö wale ca̦i demi cua. Camiyä ya bufi lä cuaablalou weinaja ya cuaaimi. ¿Ö̦jö tawä? Eja ya demi cua lä showale, Yai Bada bei Ijilubö ya e nofi mölabolanö ya e cua lä cule. Wale fa nofilänö, wale bayeliblabä cama a jibämoquema.

Efesios 3:17

Cristo wama a nofi mölabou ja, cafä wamacö bufi jamö a cudiobä ya wa̦ ca̦i faö. Wamacö bufi yai nofiobä ya wa̦ ca̦i faö, fii fibä nasöcö fa dalonö, tefibä ublao lofotoo lä culenaja, wamacö bufi yai lofotoo cuobä. Yafi bä colo lofotoo däjä, bä yafi wäcäö dao lä mlainaja wamacö yai cuo mö feduobä.

Filipenses 1:11

Jesucristonö wamacö fa bayeliblanö, cama etä dodijidawä lä cuinö wamacö yai dodijidawä cuobä. Inaja wamacö cuaalanö, Yai Bada wama a dodijaö dablamabä, a nofi doablabeje.

Colosenses 1:23

Bufi lofotolanö, wama a wa̦ nofi mölabou showao däjä, inaja wamacö nia yai taamaö, wamacö bufi cadidou showao däjä. ¿Ö̦jö tawä? Wama tä a̦ dodijidawä lä ji̦lileno wei tä a̦ nofi da cadidileje, ö̦jö lä. Jödödöwä täbä lä bälöblai täbä ma cui lija tä a̦ wäyämamou waiquia lä cudi. Ö̦jö ya tä a̦ wäyäö cuaaö mö feduobä, camiyä Pablo ya ma cui ya e cublaliyoma.

Colosenses 1:27

Ö̦jö tä a̦ jaba lä jo̦yaono wei tä a̦ lä cui, cama bluca ebä lija tä a̦ ya̦cumö wawäblamaö bufi doblaoma, judio bä lä mlai bä nia lä bayeliblamono wei tä a̦ dodijidawä lä cui. Ö̦jö tä a̦ lofote dodijiwä. Judio wamacö lä mlai wamacö lija, Cristo a Bufi nia lä bälöo wei, ö̦jö tä a̦ li waiquiwä. Cristo wama a Bufi tabou waiquia yalo, wamacö nia lä doblaodayou wei tä ja wamacö mölaö.

Colosenses 2:6

Jesucristo a wa̦fa Bada lä wäyämou wei, ö̦jö wama tä a̦ bejedi bufibou waiquia. Wama a nofi Badabou waiquia ja lä, ö̦jö a nosie shi̦lo yai da fuaje, ö̦jö lä.

1 Tesalonicenses 3:5

Ö̦jö cudeenö, ya bufi nö yanöcödobimi waiquia yalo, Timoteo ya shimölema, Yai Bada ya wa̦ nia bufibou showaa fa mönö. Mölamalewä lija bämacö bufi yabäcaö nofi fa jalujubonö, ya shimölema. Yamacö nö bleaaö nofi ca̦i fa jalujumobonö, bämacö bomaö bufima.

Hebreos 10:39

Ö̦jö ma cui, camiyä bämacö lä cui, bämacö bufi mö yabablou co̦obä bämacö malä mlai. ¿Ö̦jö tawä? Bämacö mö watäblamobä bämacömi. Ma, bäma a nofi yai mölabou. Ö̦jö lija bämacö lä nowamöo wei bämacö, bämacö dodijidawä cudio fe yadiobä.

1 Juan 2:6

“Ö̦jö nija ya cua”, bämacö lä cuu wei, Jesús a lä cuaano weinaja bämacö cuaaö mö feduobä bämacö.

2 Juan 1:9

Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.