Juan 15:22 - Biblia Yanowamö

²² ’¿Ö̦jö tawä? —a cuma—. Yanowamö ya bä nowa tabä ya waloo mlao fa cunoja, bä nö wa̦lidiwä jömamobö mlai. Ö̦jö ma cui, fei däjä bä a̦fa mojodi tamobä, tä yai cuami.

Juan 15:22 Iomraidhean Croise

Lucas 12:46

Inaja a cuaaö showao däjä, a nofi lä badabou wei e nia co̦blou co̦o ja̦toyoluu. “Fei däjä a co̦bei”, a bufi cuu mlao däjä, a nia co̦blou co̦a ja̦tolayou. A lä shominajaano wei etä fa dalalönö, bada anö a nö nia bleaamaö. Yai Bada a wa̦ bejedi bufii lä mlajei bä nijamö a nia coyocomabou. Ö̦jamö lä bä nia ö̦cöö. Bä nö beblalou yalo, bä nia lalöö.

Juan 12:48

Wale lä waii wejei, wale a̦ juaö lä mlajei bä lä cui, obi bä nia yai jömamou. Tä lä jödödöblole däjä, wale a̦ lä waileno wejei ya wa̦ showawänö, bä nia jömamou.

Juan 15:23

Wale nofi lä wa̦libou wejei bä lä cuinö, Fayä a ma cui a nofi ca̦i wa̦libou mö feduoje.

Juan 15:24

Cama bä nijamö tä nö lä quilijii ya tä bluca wawämaö mlao fa cunoja, bä nö wa̦lidiwä jömamobö mlai. Ö̦jö ma cui, ya lä cuaano wei tä ma dalaleno wejei ma cui, wale nofi wa̦libou fe yadioje. Fayä a ma cui, a nofi ca̦i wa̦libou mö feduoje.

Juan 16:9

’¿Ö̦jö tawä? —a cuma—. Camiyä wale a̦ bejedi bufiimije yalo, Bayeliawänö tä nö nia wa̦lidiwä ö̦jöböamaö.

Juan 19:11

Jesús abinaja e cuma. —Camiyä wale nia lä taamaö wejei tä ja, wa lä läle wa lä cui, Yai Bada tänö wa lämabou mlao fa cunoja, wa nö läobö mlai. ¿Ö̦jö tawä? Cafänö wale shämaö ja, cafä nija tä nowa nia ma shadio wei ma cui, cafä nija wale lä jöböano wei a lä cui, ö̦jö etä nowa nia shino yai cuo —a cuma.

Juan 9:41

Ö̦jö bä nija abinaja Jesús a cuma. —Wamacö mamocu a̦fa wa̦lidiwä tamou showadao fa cunoja, afä tä nowa nö cuobö mlai. Täbä lä jubäbö wei, täbä shino bayeliblamou malä cui. Ö̦jö ma cui, “Yama tä dodijidawä möö waiquia lä cule”, wamacö cuu dicoo ja, afä tä nowa cua showaa.

Hechos 17:30

’Täbä yanowamö bufi jaba lä mojoduono wei däjä, Yai Bada tänö bä nö bleaamaö jaöono ma mlai ma cui, fei däjä bluca bämacö lä bälöblai bämalecö wasöö, wa̦lidiwä tä ja bämacö bufi lädobä.

Romanos 1:20

¿Ö̦jö tawä? Bei tä yai dablamou ma mlai ma cui, ulufi a jödödöwä lä tablaleno wei tä ja bä bufi jaducäblou dao. Täbä lä tablaleno wei täbä ja, a lofote shi lä wa̦lii wei etä dablamou. A yai bufiblamobä etä ca̦i dablamou. Ö̦jö cudeenö bä a̦ jole mojodumobä etä cuami waiquiwä.

Romanos 2:1

Ai wama bä lä jimaö wei däjä, cafä wamacö ma cui wamacö ca̦i jimamou mö feduo. Ai wama bä nö bleaamaö lä bufio wei däjä, cafä wamacö ma cui wamacö ca̦i waimamou mö feduo. Wama bä ma jimaö wei ma cui, inaja showawä cafä wamacö ca̦i malä cuaaö wei.

Santiago 4:17

¿Ö̦jö tawä? Tä lä dodijidai bäma tä nö ma ö̦jöböaö wei ma cui, bäma tä taimi ja bämacö dobloimi waiquiwä.

1 Pedro 2:16

Ö̦jö bä bada lä cui bä nosie bada juamobä wamacö taboimije. Bejedi lä. Wamacö nosiemamou mlai ja, wamacö cuaaö bufi lä doblao weinaja wamacö cuaaö dao lä ma cui, bä da moyaweicu. Abinaja wamacö bufi cuu mlai. “Ja̦o. Ya cuaaö bufi lä doblao weinaja ya cuaabä lä ya waiquiwä cudeenö, ¿wedi tabä ya bä nosie li julei?”, bä bufi cu dijä. Yai Bada wama a nosie juabä wama ecö malä cui. ¿Ö̦jö tawä? Dodijidawä wamacö shino yai cuobä, ö̦jö lä. Yai Bada tänö bä a̦ bada juamaö bufii waiquiwä ja lä, wama bä a̦ nia juaö.