Juan 15:2 - Biblia Yanowamö

² Ai ya totobä boco lä cui jamö, uba bä laloimi. Ö̦jö totobä boco nia bloque joyamou. Ai ya totobä boco lä cui jamö, uba bä ma faö wei ma cui, totobä fa aublalönö totobä nia boco ola joyaö, uba bä bluca yai fabä.

Juan 15:2 Iomraidhean Croise

Proverbios 4:18

Ö̦jö ma cui, bä lä dodijaö wei bä lä cui, bä bufi walalawä ca̦i bälöaö yalo, motoca shi̦i balaö lä cuaaö weinaja, bä dodijidawä balafälöö. Ya̦cumö motoca a yo̦loloblou däjä, a mömou shi dowäjäwä lä culenaja showadawä.

Mateo 13:12

’¿Ö̦jö tawä? —a cuma—. Bä bufi jaducuwä lä waiquii, ö̦jö bei bä bufi jamö tä lä didile, Yai Bada tänö etä nia balamafälöö. Ö̦jö däjä, bä bufi nia yai jaducublou. Ö̦jö ma cui, bä bufi jaducudalou lä mlai bä lä cui nija, etä wai wiisibö daö lä bädale etä nia co̦aö, tä a̦ nofi mojodubou majöobeje.

Mateo 13:33

Abinaja Jesús a ca̦i cuu yacläo co̦oma. —Yai Bada tänö cama ebä ca̦i lä cuo wei, suwä anö nii bä lä julumano weinaja tä cuwä. Nii bä lä julumaö wei tä lä cui, nii 3 ji̦bä jamö, wiisibö tä wai coyocoa ma bäqueno wei ma cui, ö̦jö tä wai bädawänö bä bluca julumalema —a cuma.

Mateo 15:13

Abinaja Jesús a cuu nomöjöoma. —Fayä a lä culadinö fibä döano lä mlai, fibä nia bluca ucäblamou majöo.

Mateo 21:19

Bei yo casö jamö ico fi fa dalalönö, a ajedofälöma. A fa blacälönö, fi bloque dalalema. Fi jenabä shino shi̦co buoma. Ö̦jö däjä, fi wafäblaö ja, abinaja a cudaliyoma. —Cafä ico wa fi lä cui ja täbä iyabä, ¡wa defi nia bufiblamou co̦daaimi! —a cudaliyoma. Ö̦jö däjä, defi fäa showadalayoma.

Mateo 25:29

“Bä li dodijaö yalo, bä lä tabolajei bä nija ai bä nia jöböamou malä co̦o wei. Inaja bä lä cuaaö wei bänö, bä nia shino yai blucablamaö majöoje”, a cuma. “Ö̦jö ma cui, bä tabou lä mlajei bä nija, wiisibö a tabou ma bälajei ma cui a nia co̦amou, bä li dodijaimi waiquiwä cudeenö”, a cuma.

Mateo 3:10

¿Ö̦jö tawä? ¿Yai Bada a nia ishoimi daanö? Fii fibä nasöcö jamö a fa̦yocola yalejebou waiquia lä cule. Ö̦jö cudeenö, nii dodijiwä bä lalou lä mlai fibä nia diyämamou. Cowa wacö jamö fibä nia shäyäblamou —Juannö bä nowa tama.

Mateo 3:12

’¿Ö̦jö tawä? —a cuma—. Nii bä tamou däjä, mobä yaiblamou lä culenaja a nia cuaaö. Mobä fa yaiblalöjenö, tä ulifi aublaö co̦oje. ¿Ö̦jö tawä? Shode walalawä fe ca̦i bada juu waiquia lä cuimi, tesibä fa joyalönö mobä feiblamabä. Mobä nia lä cuo wei jamö, mobä taablabä. Ö̦jö ma cui, cowa wacö ludalou dao lä mlai jamö, bei tesibä nia yablaö —Juan a cuma.

Mateo 7:19

¿Ö̦jö tawä? Nii dodijiwä bä lalou lä mlai fibä fa diyälalöjenö, fibä nia yablaöje.

Marcos 4:20

’Ö̦jö ma cui, mashita a lä dodijidai jamö mobä bläläa lä culaliyono weinaja, ai bä ma cuinö tä a̦ ji̦liaö cuwä mö feduweje. Tä a̦ fa ji̦liajenö, tä a̦ däa showadaleije. Tä lä dodijidai, ö̦jö bei etä wawäblou. Ai mosibä jamö, 30 mobä faa lä culayono weinaja, ai bä nija inaja etä dodijidawä cublou. Ai mosibä jamö, 60 mobä faa lä culayono weinaja, inaja showawä, ai bä nija etä cublou mö feduo. Ai mosibä jamö, 100 mobä faa lä culayono weinaja, inaja showawä, ai bä nija etä yai dodijidawä cublaliyo —e cuma.

Lucas 8:13

’Bei masi blaobä jamö mobä bläläa lä culaliyono weinaja, ai bä mö feduwänö tä a̦ ca̦i ji̦liaö cuaaöje —a cuma—. Tä a̦ ji̦liaöje däjä, bufi doblalanö tä a̦ däaöje. Ö̦jö ma cui, mobä nasöcö daloblou fa mlacunö, mosibä dedejebloimi. Ö̦jö mosibä lä culenaja bä lä cui, tä a̦ bejedi jaba ma bufilei wejei ma cui, bä yabäcamou däjä, bä waiquidou.

Juan 15:1

Jesús a wa̦ faö co̦oma. —Fayä ficali etäca jamö, camiyä too bei ya toto colo yai. Uba comi bä lalobä, too totobä lä dodijidablaö wei, ö̦jo Fayä bei a.

Juan 15:16

’Cafä wamacönö camiyä wamale yaianomi —a cuma—. Ma, camiyänö cafä bämacö yai yailema. Bämacö nia fa shömanö, bämacö cadidialalema, nii bä wawäblou lä culenaja, cafä wamacö ma cuinö, dodijidawä wama tä wawäblamaö cuobä. Wama tä dodijidawä lä wawäblamaö wei tä lä cui tä mladou mlai ja, tä cudalodibä. Inaja wamacö cuaaö ja, camiyä ya wa̦nö, Fayä nija wamacö nö bayeli nacao lä bädao wei tä ma cui ja, Fayänö wamacö nia dobäö.

Juan 15:3

Cafä wamacö lä cui nija ya tä a̦ lä wäyäno wei tä a̦nö, wamacö aublamoa waiquilayoma, wamacö yai dodijabä.

Juan 15:6

Camiyä nija bä yanöcöwä cuo lä mlai, totobä boco fa manöblalönö, totobä boco fäö lä culenaja bä nia taamamou. ¿Ö̦jö tawä? Ö̦jö däjä, totobä boco fa dolalöjenö, cowa wacö jamö totobä shäyäblaaöje, totobä ö̦shöbä.

Juan 15:8

Wamacö showadi lä dodijaö wei tänö, camiyä nija wamacö lä nocao wei tä nia dablamou. Ö̦jö däjä, Fayä a wa̦fa ca̦i nia doblao tamou.

Juan 17:12

Ö̦jö ya bä ca̦i cuo showao däjä, camiyä nija wa lojode lä wäyämono wei tä showawänö, ya bä nowamadima. Ya bä noshi umaboma. Dodijidawä bä cua lä cule. A nomabä, moli a cuo lä showadaono wei a lä cui, ö̦jö a shino wa̦lidiblaliyoma. Cafä wa wa̦no oni jamö, tä a̦ lä cuu weinaja tä bejedi wawäblou bufioma yalo, ö̦jö tä li cublaliyoma.

Romanos 11:17

Judio bä lä cui, jai oliba fi lä döbolajei bä cuwä. Ö̦jö fi bococu cäblamou lä culenaja bä ca̦i taamamoma. Cafä judio wamacö lä mlai, shomi tefi bococu diclämaö lä culajeinaja, Yai Bada tänö wamacö li tablamaö mö fedulayoma, oliba fi nasöcönö wamacö dodijidawä cuobä. Inaja wamacö yädäa tamaquema yalo,

Romanos 11:22

¿Ö̦jö tawä? Yai Bada tänö dodijidawä täbä ca̦i nia lä cuo wei tä ja, bä bufi da jaducäicu. Täbä nö lä bleaamaö wei tä ma cui ja. Bä doblou lä mlai bä nö bleaamaö ma cui, cafä dodijidawä wamacö ca̦i cua. ¿Ö̦jö tawä? Wama a wa̦ bejedi bufii showalanö, dodijidawä wamacö nia ca̦i cuo ma cui, wama a wa̦ bejedi bufiimi majöo dicoo ja, fii fi bococu cäblamou lä culenaja wamacö nia taamaö majöo.

Romanos 8:28

Ei bäma tä daö. Tä cublou lä bädao wei tä ma cui, Yai Bada tänö tä fulii yalo, a lä nofimaö wejei bä lä cui bä bayeliblamou. Inaja Yai Bada tänö bä taamaö bufi doblao fa showaonö, bä nacama.

1 Corintios 13:1

Bluca täbä caficö a̦ ja, ya aca ma jayuaö wei ma cui, a̦jele ya bä caficö a̦ ca̦i ma daö wei ma cui, ya bufi nofio mlalanö ya wa̦ faö bädao ja, ya wa̦ jole jole nacli faö bädaquei.

Tito 2:14

Wa̦lidiwä tä ja bämalecö fucäabä, Jesucristo a jibämoquema. A nomaa lälayoma. Dodijidawä tä ja bämacö shi jalimobä bämalecö bufi aublalema, cama dodijidawä bäma ecö yaiobä.

Hebreos 12:15

Bä da moyaweicu, ö̦jö lä, cafä ai wamacö lä cui, Yai Bada tänö wamacö nofi ojodabobä wamacö waiquiwä ma cui, wamacö bufi mö yabablou co̦o mlaobä. Inaja ai wamacö cuaaö coyocoo dicoo ja, wamacö bluca yabäcamou cuquei. Cowamilimi cosinö möjödadilimi cocobä fuamaö lä culenaja, inaja wamacö cublou dicolo.

1 Juan 2:19

Camiyä bämacö lä yododaö wei jamö, ö̦jö bä ca̦i ma coyocoblaano wei ma cui bä loo mlalaliyoma. Camiyä bämacö mashi bä yai cuo fa cunoja, bä loo nö mladobö mlai. Ma. Ö̦jö lä bä bluca shomi dablamou wawädoobä, bä coyocaö mladaliyoma.

Apocalipsis 3:19

’Ya bä lä nofimaö wei ya bä wasöö —a cuma—. Bä cadidobä ya bä nö ca̦i bleaamaö. Ö̦jö cudeenö, ¡lobe wale a̦ juabeje, ö̦jö lä! ¡Lobe bä bufi mö ca̦i yabajadou co̦obä!