Juan 15:16 - Biblia Yanowamö

¹⁶ ’Cafä wamacönö camiyä wamale yaianomi —a cuma—. Ma, camiyänö cafä bämacö yai yailema. Bämacö nia fa shömanö, bämacö cadidialalema, nii bä wawäblou lä culenaja, cafä wamacö ma cuinö, dodijidawä wama tä wawäblamaö cuobä. Wama tä dodijidawä lä wawäblamaö wei tä lä cui tä mladou mlai ja, tä cudalodibä. Inaja wamacö cuaaö ja, camiyä ya wa̦nö, Fayä nija wamacö nö bayeli nacao lä bädao wei tä ma cui ja, Fayänö wamacö nia dobäö.

Juan 15:16 Iomraidhean Croise

Génesis 18:18

Cama ebä fa blucablalunö, bä nia bälöjou lojodoo malä yaiblamou wei. Bluca bä lä yaiblai, cama nija bä nia bayeliblamou fe malä dolemou wei.

Mateo 21:22

Yai Bada nija wamacö nacou däjä, wama a nofi mölabou cadidilanö wamacö a̦ faö ja, wama tä nacaö lä bädale tä ma cui, wama tä nia däaö —a cuma.

Mateo 7:7

Abinaja Jesús a cuma. —Yai Bada nija bä da naco, wamacö dobäö cuquei. Dodijidawä tä da dayäaje, wama tä dablaö weicätä. Bei yoca da cloocaje, yoca caloblaö wä. ¿Ö̦jö tawä?

Lucas 6:13

Ö̦jö tä fena ja, cama nija bä lä nocaono wei bä nacalema. Bä nacaa fa ajedelänö, cama 12 ebä yaialalema. Bä yaiaö ja, abinaja a cuma. —Ei bä lä cui, ya bä nia lä shömaö wei cäbä —a cuma.

Juan 13:18

’Cafä bluca bämacö a̦fa wayoaimi —Jesús a cuu co̦oma—. Iba ya bä lä yaileno wei, ya bä daö. Tä nia lä cublou wei tä lä cui, Yai Bada etä a̦ bejedi wawäblou bufio yalo, tä nia li cublou. Abinaja tä a̦ oni cuu. Camiyä nija a showadi lä iyano wei a lä cuinö wale nomojoliaö nomöjöa lä cule. ’Einaja tä a̦ cuu. ¿Ö̦jö tawä?

Juan 15:19

Yanowamö täbä bufi lä cuaablalou weinaja wamacö bufi cuaaö mö feduo fa cunoja, wamacö nö shino nofimabö wejei. ¿Ö̦jö tawä? Yanowamö ai täbä lä culenaja wamacö cuo ma balöono wei ma cui, iba wamacö cuo nomöjöobä, bämacö yailema. Ö̦jö cudeenö wamacö nofi wa̦libouje.

Juan 15:5

Camiyä bei ya toto colo, ¿ö̦jö tawä? Cafä wamacö lä cui, bei ya totocu boco. Camiyä nija bä lä yanöcöo wei bä lä cui, cama bä nija ya ca̦i yanöcölanö, ö̦jö bä nia dodijaö. Ö̦jö bä lä cuinö, uba bä dodijidawä lalou lä culenaja, bluca tä nia dodijidawä wawämaö cuoje. Camiyä nija bä yanöcöomi ja, bä dobloimi malä waiquii.

Juan 6:70

Abinaja Jesús e cuma. —Iba 12 wamacö lä cui bämacö yaia waiquilema. Ö̦jö ma cui, cafä wamacö ai a lä cui, fecula a —e cuma.

Hechos 1:24

Ö̦jö däjä, Yai Bada nija bä nö bayeli nacao ja, abinaja bä cuma. —Bada tä. Cafänö wa täbä bufi bluca yai lä daö wei, cafä wa. Ei cäcöbö nija wa yaiamaö lä bufile, camiyä yamacö nija a jömaö da cadido, ö̦jö a yai cuobä.

Hechos 1:8

Ö̦jö ma cui, cafä wamacö nija Yai Bada tä Bufi bälöo däjä, wamacö nö wa̦lojoblobä, wamacö nia bayeliblamou. Ö̦jö däjä, Jelusaleteli bä nija wamale a̦fa nia wäyäö. Judea jamö ma cui, Samalia jamö ma cui, wamale a̦fa wäyäö fa cuaaimadunö, täbä bälöo lä jödödole jamö ma cui, wamale a̦fa nia wäyäö cuaaö —a cuma.

Hechos 10:41

Judio bä bluca nija mlai, camiyä yama ecö yai co̦dawä nija a demi damalalema, yama a wa̦fa wäyäö cuaabä yamalecö lä yaileno wei yamacö nija. A demi jocäblou fa co̦lonö, yama a ca̦i lä iyano wei yamacö lä cui nija.

Hechos 22:14

’Abinaja wale nowa taö showadaoma —a cuma—. “Camiyä bämacö nö badabö nija tä lä bufiblamono wei tä Yai Bada lä cuinö, cafä wa yailema, camanö täbä taamaö lä bufii wei wa tä dabä. Cama a nosie yai lä juaö wei a lä cui wa dablabä, a yai lä dodijaö wei a lä cui. Ö̦jö wa wa̦ yai ji̦liabä.

Hechos 9:15

Ö̦jö ma cui, abinaja Bada tänö a nowa taö fe yadioma. —Ma, a da alufälö. Wale a̦fa wäyäö cuaabä, iba ya yaia malä waiquilöfe. Judio bä lä mlai bä ma cui, bada bä bälöo lä dodijio wei bä ma cui, Isaeli nodiwä ebä ma cui, ö̦jö bä nia bluca yömölaö cuaaö.

Romanos 1:13

Iba wamacö. Cafä wamacö lija ya fuu bufi doblao, Jesucristo lija, judio bä lä mlai ai ya bä bufi bayeliblaö lä cuaaö weinaja, cafä bämacö bufi ca̦i bayeliblaö cuo mö feduobä. ¿Ö̦jö tawä? Ya fubä bluca ya ma wabäo wei ma cui, showadi ai tä lädou dicoo. Ö̦jö wama tä dabä ya wa̦.

Romanos 1:5

Jesucristo a lä cuaano wei tänö, Yai Badanö wale nofi ojodadalema. Wale nofi fa ojodadalönö wale shimölema, ya wa̦no wäyäö cuaabä. Bluca bä bälöblawä lä yaiblai bänö a nofi fa mölabojenö a nosie fuabeje, wale shimölema.

Romanos 15:4

Jaba däjä tä a̦ lä onimano wejei, camiyä bämacö bufi jaducäblobä tä a̦ onimamaje. Bäma tä a̦ fa ji̦lilänö bämacö nö wa̦lojaö fe yadiobä. Bämacö bufi fa lofotoicunö, Yai Bada tänö tä a̦ lä wäqueno wei tä a̦ ja, bämacö mölaö fe yadiobä.

Romanos 9:21

Oshoboli bolacabö cäcöbä lä tablaö wei a lä cuinö, ¿shi yaiabä ami? “A nofi yai oshoboli doablabeje, ei shinö ya nia tablaö”, a cubä a waiquiwä. “Ei shi mö feduwä lä cuinö ya tabou buobä ya nia tablaö mö feduo”, a ca̦i cubä a showawä malä cui.

1 Corintios 10:11

Ai täbä mö feduwä lä cui täbä quiliblobä, inaja Yai Bada tänö täbä jaba taamama. Camiyä bämacö ma cui, bämacö ca̦i quiliblou nodiobä tä a̦ oniblamalema. Tä nia lä jödödöblou wei tä ajedou malä cui.

Gálatas 1:15

Ö̦jö ma cui, ya oshe cublou showao mlao däjä, Yai Bada tänö wale yaibou showaoma. Wale nofi fa ojodabonö wale nacalema. Judio bä lä mlai bä lija ya e a̦fa wäyäö cuaabä, camiyä lija bä Ijilubö Jesús e wawäblamaö bufi doblaoma. ¿Ö̦jö tawä? Bä Ijilubö e fa wawämaliyonö, yanowamö täbä lija ya shimamobä ya icuonomi.

Efesios 2:10

Fei däjä Jesucristo lija bämacö lä yädäle, Yai Bada tänö bämalecö inaja fa taamanö bämacö malä cule. Dude bämalecö tablamaö co̦layoma, bämacö dodijabä. Jaba däjä ma cui, inaja Yai Bada tänö bämalecö nia taamaö showaoma, bämacö dodijadibä.

Colosenses 1:23

Bufi lofotolanö, wama a wa̦ nofi mölabou showao däjä, inaja wamacö nia yai taamaö, wamacö bufi cadidou showao däjä. ¿Ö̦jö tawä? Wama tä a̦ dodijidawä lä ji̦lileno wei tä a̦ nofi da cadidileje, ö̦jö lä. Jödödöwä täbä lä bälöblai täbä ma cui lija tä a̦ wäyämamou waiquia lä cudi. Ö̦jö ya tä a̦ wäyäö cuaaö mö feduobä, camiyä Pablo ya ma cui ya e cublaliyoma.

Colosenses 1:6

Cafä wamacö lija tä a̦ ca̦i malä waloqueno wejei. Jödödöwä täbä lä bälöblai täbä ma cuinö tä a̦ ji̦liaö balaö lä cudujei. Tä a̦ ji̦liaöje yalo, bluca bä lä cublai Jesucristo ebä cublou lä cudi. Cafä wamacö ma cuinö, Yai Bada tänö täbä nofi lä ojodabou wei wama tä a̦ jaba fa ji̦lilänö, ö̦jö tä a̦ bejedi ja, wamacö bufi jaba fa jaducäblalunö, inaja showawä cafä wamacö ca̦i jo̦wa dodijaö balaö lä cuimadi.

1 Timoteo 2:7

Täbä bluca fucäaö bufi doblao yalo wale cadidilema, ya etä a̦ wäyäbä. Jesucristonö wale shimölema. Ya jolemoimi, ya bejedimou. Judio bä lä mlai ya bä yömölabä wale shimölema. Tä a̦ nofi mölabobeje, bejedi ya tä a̦ wäyäö.

2 Timoteo 1:11

Jesucristonö wale shimabä wale yailema. Cama etä a̦ lä dodijidai tä a̦ ja ya bä yömölabä, ya bä ca̦i damabä.

2 Timoteo 2:2

Ya bä bluca da yömölablei däjä, cafänö wale a̦ mada ji̦liablei. Ö̦jö ya tä a̦ da wäyäblei, ai bä lija wa tä a̦ nia wäyäö fe dolemou, bä nia yai lä bejedimou wei bä lä cui bä lija. Tä a̦ wäyäö fe dolemou nomöjöobeje, bä yai lä cui bä lija.

Tito 1:5

Cledateli bä ulufibö lä jo̦cole jamö bä daquefälöma, Jesucristo ebä lä yododaö wei bä dobloimi lä showai tä ja, wa bä cadidamaö juobä, bä nowa da tableinaja showawä. Ö̦jamö lä bada wa bä tablamaö cuaabä, Jesucristo ebä ca̦i yododabeje.

Hebreos 11:4

Abele a lä cuinö, Yai Bada a wa̦ nofi mölaboma yalo, dodijidawä etä dodoboma. Bä a̦iyobö Cainonö täbä dodobou lä cuono weinaja mlai. Ö̦jö cudeenö, Abele lija Yai Bada a dobämamou bufi doblaoma. A wa̦fa dodijidawä wäyäma. ¿Ö̦jö tawä? Abele a nomamalema ma cui, Yai Bada a wa̦ nofi lä mölabono wei tä lä cui, fei däjä ma cui tä a̦ ji̦limamou showawä.

Santiago 3:18

¿Ö̦jö tawä? Täbä nofi wa̦liayou balaö mlaobä, bä bufi lä yanöcöo wei bä lä cuinö täbä bufi yanöcömabouje. Täbä fa yanöcömabojenö, yanöcöwä täbä ca̦i bluca bälöo nomöjöoje.

1 Pedro 3:15

Bei wamacö bufi jamö Cristo a nofi shino yai da taboje, afä wama a nofi lä Badabou wei wama a wa̦ yai juabä. Jesucristo wama a nofi lä mölabou wei tä wa̦liije ja, wawädowä bä a̦ nö wäo da showadao. Ö̦jö ma cui, Yai Bada wama a nofi tabolanö, oquewä wamacö a̦ nia faö.

1 Pedro 3:2

Yai Bada nija wamacö lä quilii wei wamacö fa möjenö, wamacö joleblalou lä mlai wamacö ca̦i fa möjenö, bä bufi jaducublobä.

1 Juan 4:10

¿Ö̦jö tawä? Camiyä Yai Bada nija bämacö nofimou dobloimi dicowä. Camanö bämalecö lä nofimaö wei bäma tä dablaö däjä, nofimou tä lä cui bei bäma tä shino yai dalalei. Bä Ijilubö e shämou läobä a malä shömöleno wei, wa̦lidiwä bäma tä lä taö wei tä nowa bluca mladamabä.

1 Juan 4:19

Yai Bada tänö bämalecö nofimaö balöoma yalo, cama bäma a nofimaö nomöjöa, cama ebä ma cui, ö̦jö lä bäma bä ca̦i bluca nofimaö.