Juan 15:11 - Biblia Yanowamö

¹¹ ’Camiyä ya bufi doblalou lä culenaja wamacö cuo mö feduobä, bämacö yömölaö lä cule —a cuma—. Wamacö bufi shino yai doblalobä.

Juan 15:11 Iomraidhean Croise

Isaías 53:11

A bufi nö ma bleaano wei ma cui, ö̦jö tä dodijidawä fa dalalönö, a bufi nia doblao fe yadio. Jeobaa a nosie fuamobä a lä cui, a lä bejedimou wei ö̦jö a. Ö̦jö a lä daö wejei bä lä cui, a daöje yalo, jai bä bejedimou waiquiwä Jeobaanö bä nofi nia bluca tabou. Bä doblou lä mlai, cama lija etä nowa nia bluca yädäo.

Lucas 15:23

Bämacö iyabä, baca bäma a ocalo blewä lä tabole a da shälöje, bufi doblalolanö bämacö iyabä.

Lucas 15:32

Bämacö bufi doblalobä lä. Fääshäfä bäma a nomöa ma bono wei ma cui, a demi co̦a malä co̦bofe. A ma mojolulayono wei ma cui, a dablamou malä co̦le”, e cuma.

Lucas 15:5

’¿Ö̦jö tawä? —a cuma—. Wa daa fa co̦lalönö, bufi doblalolanö wa nia lucäbou co̦imaö.

Lucas 15:9

E blada dablaö co̦o däjä, bufi doblalolanö cama nofi ebä ma cui, bä bälöa lä ajedemabole ebä ma cui, bä fa nacaalalönö abinaja bä nowa nia taö. “Bämacö bufi doblalolanö bämacö da co̦camo. Bladayä ya nofi da mojodumalii, ya daa co̦lalei lä cufe”, a nia cuu.

Juan 16:24

Fayä nija, camiyä ya wa̦nö wamacö nö bayeli nacaomi showawä. Bä da naco. Wamacö nö bayeli fa nacaonö, wamacö nia dobäö, wamacö bufi yai doblalou fe balojoobä —a cuma.

Juan 16:33

Camiyä nija wamacö culanö, wamacö bufi yanöcöo fe yadiobä ya wa̦. Bita jamö wamacö cua showalanö, wamacö nö nia ma bleaamaö wejei ma cui, bä bufi nö da wa̦lojoicu. Bita jamö a lä nosiemou wei a nija ya nö wa̦loblou waiquilayoma —a cuma.

Juan 17:13

’Ö̦jö ma cui, fei däjä cafä nija ya co̦o —Jesús a cuma—. Camiyä ya bufi doblalou lä culenaja, bä bufi doblalou cuo mö feduobä, eja ya cuo showao däjä ya tä a̦ bluca wäyäö.

Juan 3:29

’¿Ö̦jö tawä? —Juan a cuma—. Wa̦lonö suwä a däaö ja, cama e li suwä. Ö̦jö a wa̦ ja, cama e nofi lä cui, e bufi nia doblalou mö feduo. Inaja showawä, ö̦jö a nö Bada ö̦jöböaöje ja, fei däjä ya bufi shino yai doblalou.

Romanos 15:13

Bämacö mölaö showaobä, showadi Yai Bada tänö bämalecö bufi yai bayelibou. Ö̦jö lija cafä bämacö nö bayeli nacaö. Wama a nofi mölabolanö, wamacö bufi shi̦lo yai doblalobä ya wa̦ faö, wamacö bufi shi̦lo ca̦i yanöcöobä. Yai Bada tä Bufi lofotenö, showadi wamacö shi̦lo yai mölaö fe yadio showaobä.

2 Corintios 1:24

Camiyä yamacö lä cuinö bämacö bufi taamaö fe yadiobä yamacömi. Cafä wamacö ma cuinö, Jesucristo wama a nofi mölabou lofote malä waiquile. Bämacö bufi taamaö fe balojoo mlai, wamacö bufi doblalobä bämacö bufi shi̦lo yai lofotoamaö bufi doblao.

Efesios 5:18

Nashiwä toubänö bä shi ca̦i wa̦li dijä. Ö̦jö toubä wayunö täbä malä wa̦lidiblou wei. Ö̦jö toubä ja wamacö taamamou mlai, Yai Bada tä Bufi lija bä bufi yai da jödödöblamamolu.

Filipenses 1:25

Inaja tä cuwä yalo, ya demi nia cuo fe lä yadio wei tä ja, ya bufi shi̦lo cadidio. Jesucristo wama a nofi mölabou balabä, bämacö nia ca̦i bluca cuo showao. Wama a nofi mölabou fa balalönö, wamacö bufi doblalobä.

1 Tesalonicenses 5:16

Bä bufi shi̦lo da doblalo.

1 Pedro 1:8

Jesucristo a wawäbloimi showawä. Wama a möimi. Wama a möö ma mlai ma cui, wama a nofimaö. Wama a möö ma mlai, wama a bejedi bufiblaö yalo wamacö bufi doblalou. Wamacö nia dodijidawä lä cuo wei tä ja, ¡bejedi lä wamacö bufi fejeleo!

1 Juan 1:4

¿Ö̦jö tawä? Cafä wamacö nija yama tä a̦ wäyäö lä cule, bämacö bufi bluca yai doblalou fe balojoobä.

2 Juan 1:12

Cafä wamacö nija ya tä a̦ oni shömabä ya tä a̦ bluca tabou ma cule, inaja lä balöwä. Ya tä a̦ oni shömaö mlai, bämacö fe walobä ya nö shino daa lä cule. Bämacö möyou däjä bämacö a̦ yai wayobä, bämacö bufi yai doblamayobä.